Yela 94:1 - mzwDBL

¹ N Naa Korowii, henee dɛɛ tɛr nɛra deŋne, ɡel ba na he bandia.

Yela 94:1 ပူးပေါင်းရင်းမြစ်များ

Aesaya 35:4

Hé ŋɔ banɔ la ba bambile aa chɔɡa la be ŋɔ, “Hé che kiŋkiŋ, he bɛ ɔmɛ. Korowii haa dɛ tomɔ la dɛ ba, dɛ́ ba cha heya. Wɛɛ ba lɛ heyaa le he dɔma nɔn taa, dɛ́ tɛr ba deŋne kohona bɔ kem.”

Neehum 1:2

Korowii dɛ mee, dɛ ɡel o dɔma wechɔɡa ɛɛ ɡure ba nɛ. O baah dɛ di ba nɛɛ wɛɛ bɔ ba kem bwaawee ne, dɛɛ tɛr banɔ la baa haoh deŋne. O teŋɔ kpɔ o bandia dɛɛ ta o dɔma nɛ.

Tɔn Pɔɔl Aa Chwerɛ Rom Tena 12:19

Yabala, nɛra ɛ heyaa wechɔɡa aa, he bɛ ane ɛ dɛɛ bɔ kem. Hé kpɔ tɛ Korowii. O baah dɛ di ba nɛɛ taeh. On dɛ bɔ ba kem, dɛkalkɛŋɔ ba chwerɛ Korowii Tɔn bini ŋɔ, “Korowii bolɔ ŋɔ, ‘Mɛɛ tɔ a peɡee, mɛɛ bɔ ba a kemee.’ ”

2 Tesalonika 1:8

O balaa, wɛɛ bol nɛra baa wola Korowii jemɛ, baa wola Amanesoma aa dɛ baɡle ya Dɔɔ Yeesu waa noɛ la waa, dɛ́ bɔ ba a kem,

Aesaya 59:17

O kpɔ waa aa toɡra ɛ laa batakaare, dɛ kpɔ lɛɛ waa lɛ heyaa la ɛ buni ɡbɛrɛ pi. Dɛ ta tea kohona kpɔ deŋnetɛra waa kpɔa dɛɛ ba ba bɔ nɛra kem la berɛ yal, dɛ kpɔ tɔ.

Mmarare 32:35

Korowii ɛɛ tɔ a peɡee, wɛɛ bɔ ba a kemee. Saŋ bɛl dɛ ba ba chole, ba chɔɡa tɔpere dɛ tel.

Hibru 10:30

Naate waa ŋɔa ŋɔ, “Menee dɔ wechɔɡa kem bɔe, menee dɛ́ bɔ nɛra ba wechɔɡa kem” la, ya jemɛ o nɛnsoo. Dɛ berɛ ŋɔ, “N Naa Korowii ɛɛ bol o nɛra waa dɛ́ pa bole.”

Jeremia 50:28

Nɛra baa chwaa le Babelɔn harɛ dɛ ba Jerusalam la dɛ bol ŋɔ, Korowii baa dɛ tomɔ la dɛ́ ba ba bɔ Babelɔn tena kem, chɔɡa baa chɔɡ Korowii Dea la wa.

Yela 80:1

Israel Peteɡre, no ya wii. Henee tɔ Josef naanar sie kɛŋɔ peteɡre, dɛ so he kookara ta, Kerobim la baah ta.

Yela 50:2

Korowii do kɛ kandea dɛɛ chaah dɛ le bwɛjen Saayɔn waa wera kohona ta.

2 Koranar 9:7

A chɛ kɛ he kpo he dɔɔ Kooro Ahab luɡe nɛra, dɛ́ he ba kwaraa, ásɛ n bɔ Jɛsɛbɛl kem n keamere ne n bonɔɔna waa kpoo ba la wa.

Jeremia 51:6

Hé chwa le Babelɔn harɛ! Hé chwa lɛ he nyuune! He bɛ Babelɔn tena wechɔɡa waa koh serewe. Saŋ telo kɛ men Korowii bɔ ba kem, mɛɛ tɛr ba deŋnee ɡɛ aa chɛa.

Jeremia 51:56

Baa bao dɛ́ ba chɔɡ Babelɔn harɛ, dɛ́ lawɛ o laa tena bwa, ásɛ dɛ kuuɡi ba tori. Menee Korowii maa dɛ tɛr wechɔɡ-ɛɛra deŋne. Mɛɛ bɔ Babelɔn tena kemee ɡɛ aa chɛa.