Yela 93:1 - mzwDBL

¹ Korowii dɛ di kora, o do laala kɛŋɔ kooro, dɛ dɔ jirima kohona dɛɛ di kpeɡri. O ta harɛ dɛ ɡel o che kiŋkiŋ, nomɛlbwa aa wola won kpɔ le o buɡ ta.

Yela 93:1 ပူးပေါင်းရင်းမြစ်များ

Yela 96:10

Hé ɡel harɛre nɛra bwa no kɛŋɔ, “Korowii dɛ di kora! O ta harɛ o che kiŋkiŋ waa wola yiiɡi, dɛ bol nɛra bwa waa dɛɛ pa ba bole ɡɛ aa chɛa.”

Yela 99:1

Korowii dɛ di kora, asɛ harɛre nɛra bwara ɛɛ chel. O soɡe kookara ta nyundua Kerobim baah ta, asɛ harɛ ɛɛ jiɡri.

1 Webena 29:12

Kondɔɔh ne jirima bwa le he be, dɛɛ di kpeɡri komɛlbwa nɛ. He bee kpeɡri ne bokpeɡa le, he ɡɔɔ nɛra dɛɛ tɛɛ ba kpeɡri.

Wepila 19:6

N berɔ no nɛnlaa tenten baa dɛ bol waa kɛŋɔ chuubu aa dɛ si la, a berɛ do kɛŋɔ bwaala aa dɛ kɔɡre kohona la. Ba ŋɔ, “Hé kpɛɛ N Naa Korowii! Korowii Waa Ɛ Koranar Bwa Kooro la dɛ di kora.

Yela 103:19

Korowii kpɔ o kookara cheɡ nyundua, dɛɛ di kora harɛ nɔ nɛra bwa nɛ.

Yela 65:6

He kpeɡri taa he che dɛ ta bwejena dɛ chaɡle kpeɡri kohona haa dɔa.

Aesaya 45:18

Korowiirii ta nyundua onee Korowii, dɛ berɛ ta harɛ ɡe o che kiŋkiŋ. O ta harɛ tae o chɔ pɛɛpɛɛ, kɛ o tao ŋɔ nɛra so o ta. O ŋɔ, “Menee Korowii, Dɔɔ bɛlbwa toole kpa.

Aesaya 45:12

Menee ta harɛ, dɛ ta nɛwɛnyina do o ta. N kpeɡrii n kpɔ baŋre nyundua kɛŋɔ yal, dɛ kpɔ wee ne korobie dɛ weweela cheɡ a chebɔra.

Yela 97:1

Harɛ nɔ ta nɛra, hé ɡel he sie lɛ, dɛkalkɛŋɔ Korowii dɛ di kora. Gel nɛra baa soɡe ekwie harɛre ta la ɡe hɛɡre.

Yela 59:13

dɛ́ chɔɡ ba he bandia ne, ka tel kɛŋɔ ba bwa aa tona. Ásɛ nɛra baa lɔ harɛ jaɡa bwa jemɛ kɛŋɔ hen Korowii, he dɛ di kora Israel tena nɛ.

Hibru 1:8

O bol o Bie la waa ja, dɛ ŋɔ, “Korowii, he kora ɛɛ cheo saŋ bɛlbwa dɛɛ la. Kasinteŋii hɛɛ ba kpoŋa dɛɛ di kora he nɛra nɛ.

Aesaya 59:17

O kpɔ waa aa toɡra ɛ laa batakaare, dɛ kpɔ lɛɛ waa lɛ heyaa la ɛ buni ɡbɛrɛ pi. Dɛ ta tea kohona kpɔ deŋnetɛra waa kpɔa dɛɛ ba ba bɔ nɛra kem la berɛ yal, dɛ kpɔ tɔ.

Aesaya 49:8

Korowii ŋɔ, “Dɛ saŋ telo kɛŋɔ ń lɛ heya aa, mɛɛ na he sumii dɛ́ cha heya. Mɛɛ nyiŋi heyaa, dɛ́ ɡel he ne nɛra bwa fɔwɛ fɔo. Mɛɛ ɡeloo he ka so he harɛ waa chɔɡa dɛ chɔ pɛɛpɛɛ la ta ja.

Aesaya 11:5

Waa aa toɡra ne kasinteŋii wɛɛ ba kpɔe ɛ kiriso, dɛ́ kpɔ vɔwɛ o chara.

Yela 145:13

He kora dii ta jaɡa dɔe, hɛɛ di koraa saŋ bɛlbwaa dɛɛ la. N Naa Korowii, he waa dɔ kasinteŋ hɛɛ teŋɛ he nyobaɡa ta, dɛ dɔ nyina tɛ kwaa haa taa bwa.

Yela 18:32

Korowii tɛ mɛ bokpeɡa, dɛ ɡel n ŋwɛnɛ do wer mɛɛ kpɔ o ta.

Job Tɔn 40:10

Job, dɛ ɡɛɛ yaa, baɡle he nyanyini ne he kan haa doa, baɡle kɛŋɔ he kan nɛra ɛɛ duuri.

Matiu 6:13

Dɛɛ ke yaa wechɔɡa luɡri ta. Le yaa musu ta. He kora dii, ne he kpeɡri, ne he jirima ta jaɡa dɔe bwa. Aamen.’

Aesaya 63:1

“Umee le bwɛjen Bosra waa lɔ Edom harɛ ta dɛɛ ba nɔɔ? Umee ka dɛ ba dɛ tɔ yaswɛɛma dɛɛ ba kpeɡri ne bokpeɡa ta ken?” Anee Korowii ŋɔ, “Menee, n dɔ kpeɡri dɛ́ won lɛ heya n dɛ ba dɛ́ ba bol yoi maa yoa dɛ pɔ wechɔɡa nɛɛ wa.”

Aesaya 52:7

Hé na ɡɛ toroma baa kpoŋe Amanesoma dɛ valɛ bwea dor dɛɛ ba wa aa dɔ nyokpoa ne, dɛɛ bol deŋnesɔɔhna ne Korowii lɛɛ wa! Hé no ba bala wa aa, he bambile ɛɛ sɔɔh heyaa taeh. O bol Saayɔn tena be ŋɔ, “Korowii haa dɛ tomɔ di kora!”

Aesaya 51:9

N Naa Korowii, ir nyu ne dɛ́ cha yaa! Kpɔ he kpeɡri la ba lɛ yaa ɡɛ haa ɛa saŋ la! He laa chɛwɛ mpo bini oljen Rahab la aa?

Yela 75:3

Dɛ harɛ jiɡro Korowii kontaala bwa ɛɛ chel aa, mɛɛ ɡeloo kwaa aa lawɔ kpoŋe la che kiŋkiŋ.

Aesaya 51:16

Menee kpɔ n waa tɛ heya, dɛ kpɔ n nɔn tɔ he nɛ. Menee paɡri nyundua kɛŋɔ yal, dɛ pa harɛ mun. Menee ŋɔ Jerusalam tena be ŋɔ, ‘N nɛraa heya.’ ”

1 Webena 16:30

Harɛ nɔ ta nɛra bwa ɛɛ chel o sie! O ta harɛ o che kiŋkiŋ, waa wola yiiɡi.

1 Webena 16:31

Kwaa aa lɔ nyundua ne harɛ bwa, hé ɡel he sie lɛ kɛŋɔ nɛra aa dɛ lɛ ba sie. Hé ɡel harɛre nɛra bwa no kɛŋɔ, “Korowii dɛ di kora.”

Yela 65:7

He ɡelɔ mpo nehɛma sii nyoa hel, asɛ harɛre nɛra nyoa sɔɔh, moola baa dɛ moo ta.