Yela 91:3 - mzwDBL

³ Wɛɛ kpɔ nɔnee tɔ he nɛɛ le wekpeɡa aa sɔah bwa ta, dɛ́ lɛɛ le weechɔɡa bwa nyoa.

Yela 91:3 ပူးပေါင်းရင်းမြစ်များ

Yela 124:7

Ya ɛo kɛŋɔ jumbie waa foora le kpaah bel ta ken. Bel la kuuɡo asɛ ya dɔ ya nyu.

Yela 141:9

Lɛɛ mɛ le bela baa har mɛ ta, wechɔɡ-ɛɛra bela nɔɔ n ŋɔ nɔ.

Sɛɡla 7:23

bela hɛm aa yaɡɔ dɛ́ kpoo la. O berɔ do kɛŋɔ jumbie aa toola dɛɛ kaa bel ta, waa wola jemɛ kɛŋɔ o dɛ ba sewa la.

Sɛɡla 6:5

Ɛ warane kɛŋɔ welo aa na kpaah, dɛ laa o te kpɔ, kɛɛ jumbie aa na nɛn waa dɛ harɔ bel la.

Wejereme 9:12

Ane a bwa, nomɛlbwa aa o tɔpere jemɛ, ɡɛ ba yon kpɔ asau lawɛ pɛŋe, kɛɛ dɛ́ kpɔ bel lawɛ jumbie la, ɡɛɛ ba yon harɛ nɛra bela dɛ́ piɡri laɡ ba tɔpechɔɡe wee.

2 Timoti 2:26

ásɛ ba sie ba harɛ bá chwa le Bɔnsam bel waa laɡ ba dɛ ɡel baa ɛ o waa waa dɛ nyin la ta, ásɛ dɛ dɔ ba te.

1 Timoti 6:9

Nɛra ba siwi aa swɛɛ suuɡa ta la dɛ́ chole. Suuɡa sibeɡra dɛ neɡ ba dɛɛ do pɛlchɔɡa ta, dɛ ɡel baa na wa, dɛɛ pɛlɛ konsale ne waa aa dɛ ba waa ne nɛ, dɛ yon ɡel ba chɔɡ kwaraa.

Emɔs 3:5

Ba ta bel harɛ aa jumbie ɛɛ ba le o taa o lawɔ waa? Bel won tae pɛɛ dɛ waane laa ɛo waa?

Hosia 9:8

Korowii kpɔ men Hosia keame dɛ tom mɛ ŋɔ ń bol waa baɡle o nɛra Israel tena. Kɛ bobɛlbwa maa la la, ba dɛ har mɛ bela kɛŋɔ jumbie ken. Korowii Dea kwara, banee n dɔma.

Yela 91:6

kɛɛ weechɔɡa aa dɛ ba jwaana, kɛɛ weela aa dɛ kpo webaŋa.

2 Samoɛl 24:15

Anomanta, Korowii kpɔ weechɔɡa ba ta Israel harɛ ta, le awola chɔɔ ka tel saŋ waa lea cheɡ ta, asɛ baala kaɡboŋa fifraanuanɛ sewɛ dɛ le Dan ba kaa Beɛseeba.

1 Koranar 8:37

Dɛ lɔr chole harɛ la ta, kɛɛ weechɔɡa kɛɛ peuchɔɡe tao dɛ chɔɡ harɛ la kondikwa, kɛɛ tontombɛ fuɡo le harɛ la ta, kɛɛ dɔma balɔ ba lɔ tɔ he nɛra nɛɛ ba bwɛjena la bɛlbwa ta, harɛchɔɡ kɛɛ weela ba ba nɛɛ kwaraa naa,

Yela 68:21

Kasinteŋ, Korowii ɛɛ paɡre o dɔma nyuunee, banɔ la ba taa lɔ wechɔɡa ɛɛ ta la.