Yela 91:2 - mzwDBL

² ɛɛ won ŋɔ o be ŋɔ, “N Naa Korowii, henee cheɡɛ n habɔɔ, dɛ ɛ n danjwɛkpeɡ n chwa baa marɛ. Henee Korowii maa dɛ tomɛ, dɛɛ hwɛɡɛ he nɛ.”

Yela 91:2 ပူးပေါင်းရင်းမြစ်များ

Yela 18:2

N Naa Korowii, he do kɛŋɔ Bwetal, maa chwaa kaa marɛ, ne danjwɛkpeɡ hɛɛ lɛɛ mɛ. Korowii maa dɛ tomɛ, he do kɛŋɔ Bwetal, maa chwaa kaa marɛ. Henee dɛɛ tɔ mɛ ɡbemɡbe, dɛ ɛ n kpeɡnɛn.

Sɛɡla 18:10

Korowii do kɛŋɔ dejaŋ waa kpeɡa, belaa nɛra ba wa aa toɡra bwa chwa dɛɛ kaa wɛɛ lɛɛ ba.

Aesaya 12:2

Kasinteŋ, Korowiirii n Lɛɛ. Mɛɛ dɛɛ yaradao dɛ bɛ dɛɛ ɔmɛ. Korowii bee n bokpeɡa do, n yel maa ɡo bwa ɡee kɛŋɔ Korowii. Onee n Lɛɛ.”

Yela 142:5

N Naa Korowii, n wio dɛɛ noe ŋɔ he cha mɛ, henee dɛ waa puu mɛ naa, n chwa baa marɛ harɛ nɔ ta.

Yela 46:1

Korowiirii ya chwa kaa marɛ wɛɛ tɛ yaa bokpeɡa ya wenaale bwa ta, o ja ya nɛ.

Yela 71:3

He do kɛŋɔ Bwetal maa chwaa baa marɛ saŋ bɛlbwa, che he waa haa bola la ta, dɛ́ lɛɛ mɛ. Henee n Bwetal, ne n danjwɛkpeɡ.

Yela 14:6

He wechɔɡ-ɛɛra, he dɛ tɔ nyaara we-ɛɛla ŋwɛnɛ, kɛ Korowiirii kpɔ nɔn dɛɛ tɔ ba nɛ.

Yela 91:9

He kpɔ Korowii kɛŋɔ onee hɛɛ ba chwae kaa marɛ. He ŋɔ Nemenɛ Korowiirii kpɔ nɔn dɛɛ tɔ he nɛ,

Hibru 11:16

Kɛ ɡɛ laa a do. Harɛdɛɛɡe waa wera ɡwaa bela baa lea la waa baa lii. Harɛ waa lɔ nyundua waa baa lii. Anomanta, a ta Korowii sihiih ɛɛ kɛŋɔ baa dɛ yerɔ ba Korowii, dɛkalkɛŋɔ o kwaa bwɛɛ bɛl cheɡ ba.

Yela 48:14

dɛkalkɛ ɡɛ Korowii nɔɔ yaa tomɛ saŋ bɛlbwa, wɛɛ tɔ ya siee, dɛɛ baɡle ŋwɛnɛ yaa kpɔ o ta saŋ bɛlbwa dɛɛ la.

Mumpar 17:7

Mɛɛ ɡeloo n fɔo la do n ne hen ne he naanar baah saŋ bɛlbwa dɛɛ la, ásɛ n ɛ he ne he naanar baa ka ba la bwa Korowii haa dɛɛ tom mɛ.

Amanesoma Luk Aa Chwera Tɔn 20:38

Lala laa dɛɛ tomɛ Korowii, weeraa dɛɛ tomɔ. Korowii te be, nomɛlbwa ɛ wee.”

Jeremia 31:1

Korowii ŋɔ, “Saŋ bɛl ɛɛ bao ásɛ Israel deene bwa kpɔ mɛ ɛ Korowii baa dɛɛ tom mɛ, ásɛ n ɡe kpɔ ba ɛ n nɛra.

Yela 43:4

Ásɛ n la hen Korowii saraha kon la ta, henee dɛɛ tɛ mɛ silɛɛ. Mɛɛ ɡo yelaa, dɛ́ lɔ janjela kpɛɛre, henee Korowii maa dɛ tomɛ.

Yela 18:3

N wio no hen Korowii waa chɛ kpɛɛra la, asɛ he lɛɛ mɛ le n dɔma nɔn ta.

Yela 25:2

Korowii maa dɛ tomɛ, he nɛɛ n kpɔ n te dawɛ. Bɛ ɡel sihiih kpo mɛ, kɛɛ dɛ́ ɡel n dɔma pɔ n nɛ.

Yela 31:15

Saŋ bɛlbwa, n lɔ he nɔn ta, lɛɛ mɛ le n dɔma, ne nɛra baa dɛ nyin bá chɔɡ mɛ nɔn ta.

Yela 46:2

Dɛ harɛ jiɡro kwaraa, bwejena chuɡri ka le mpo vile ta,

Yela 61:5

N Naa Korowii, he no nyoa maa baɡɛ la, dɛ tɛ mɛ kwaa haa kpɔa dɛɛ tɛ nɛra baa dɛ tomɛ.

Yela 142:6

Cheɡ deŋne no n wii, dɛkalkɛ n siwi beɡrɔ. Lɛɛ mɛ le n dɔma nɔn ta, ba kpeɡri ɡwaa n nɛ.