Yela 90:1 - mzwDBL

¹ N Naa Korowii, he demii ya chwa baa marɛ, he kpɔ nɔn dɛɛ tɔ ya nɛ, le saŋ la ba le fini.

Yela 90:1 ပူးပေါင်းရင်းမြစ်များ

Mmarare 33:27

Korowii waa lole saŋ bɛlbwa dɛ lɛ heya, o nɔn waa do kpeɡri laanee o kpɔ dɛɛ cha heya. Wɛɛ doŋi he dɔmaa le he sie dɛɛ ŋɔ, “Hé chɔɡ ba!”

Yela 71:3

He do kɛŋɔ Bwetal maa chwaa baa marɛ saŋ bɛlbwa, che he waa haa bola la ta, dɛ́ lɛɛ mɛ. Henee n Bwetal, ne n danjwɛkpeɡ.

1 Jɔn 4:16

Anomanta, ya ɡbabir jemɔ kɛŋɔ Korowii dɛ nyin yaa, dɛ kpɔ siwi dawɛ o nyina la nɛ. Korowiirii nyina bwa Dɔɔ. Nomɛlbwa waa dɛ nyin nɛn la, o kpɔ o te dɛɛ pɛl Korowii, asɛ o lawɔ dɛɛ pɛl o nɛ.

Yela 91:1

Nomɛlbwa waa chwa ka so Nemenɛ Korowii lɔɡa o kpɔ nɔn tɔ o nɛ, nomɛlbwa waa ka do On Waa Ɛ Kpeɡri Bwa Dɔɔ lɔɡa la,

Ɛsekeɛl 11:16

Nemenɛ Korowii ŋɔ n be ŋɔ, “Bol he bala baa lawɛ he ne ban kaa harɛfala ta la be ŋɔ, ‘Menee ɡela ba laɡ ba kaa bojaŋa, ba lɔ peɡre harɛre ane ta la. Kɛ taraken nɔ, mɛɛ ja ba nɛɛ harɛre baa lɔ a ta la ta.’

Amanesoma Jɔn Aa Chwera Tɔn 6:56

Nomɛlbwa waa di n bo-ol asɛ dɛ nyɔ n chal la, n ne wɛɛ ɛ beŋkpoŋii, waa wola won daɡre o te n nɛɛ kpa.

Yela 91:9

He kpɔ Korowii kɛŋɔ onee hɛɛ ba chwae kaa marɛ. He ŋɔ Nemenɛ Korowiirii kpɔ nɔn dɛɛ tɔ he nɛ,

Yela 89:1

N Naa Korowii, mɛɛ ɡo he nyina aa wola jaɡa dɔe bwa la yelee dɛɛ bol he waa aa dɔ kasinteŋ la saŋ bɛlbwa.

Aesaya 8:14

Menee boɡoroŋ haa jo dɛ́ dɔ he nyu. N berɔ do kɛŋɔ bwe Israel tena ne Juda tena aa lɔ naa dɛ choɡli, dɛ berɛ do kɛŋɔ bel dɛ chɔ kpa Jerusalam tena dɛ́ laɡ ba.

1 Timoti 6:11

Hei, Timoti! Haa dɛ teŋɛ Korowii nɛɛ nɔ, a chɛ kɛŋɔ hɛ́ɛ ke he te ɡɛ waa la te bwa ta, dɛ́ swɛɛ siwi dɛɛ ɛ waa aa dɛ su Korowii siwi, dɛɛ tomɔ, dɛɛ yaradao, dɛɛ nyin nɛn, dɛ́ won bambile lawa wobɛlbwa ta, dɛ́ do pwɛre.

1 Koranar 13:1

Awola bɛl, Korowii ɡelɔ o keame bɛl le Juda harɛ dɛ kaa Bɛtel. Dɛ Kooro Jɛroboam lɔ kon baa ɛ saraha o ta la bɔr dɛɛ ba saraha ɛɛ.

Mmarare 33:1

Gɛ Mosis waa ɛ Korowii nɛn aa swee andɛɛɡa tɛ Israel tena mɔɔ dɛ sewɛ laanee nɔ.

Habakuk 1:12

N Naa Korowii, saŋ la bwa laa he le ɛ Korowii aa? Henee Korowii maa dɛ tomɛ, Korowii haa do ɡoroŋ la. N Naa Korowii, he le Babelɔn tena, dɛ tɛɛ ba kpeɡri ŋɔ bá ba tɛr ya deŋne, kɛ he do kɛ Bwetal dɛ kpɔ nɔn dɛɛ tɔ ya nɛ.