‘Le awola tɔpere maa kpɔ n nɛra Israel tena le Ijipt harɛ ta la, n ta ŋɔe bá do Dea n sɔn ta Israel harɛ bwɛjen bɛlbwa ta dɛɛ tom mɛ bela. Kɛ n le hen Kooro Devid ŋɔ hɛɛ nyiŋi n nɛra Israel tena nɛ.’ ”
Gɛɛ Korowii ɛɛ ba n naanar andɛɛɡa sweera, dɛkalkɛ n ne o fɔwɛ fɔo waa do le saŋ bɛlbwa dɛɛ la, fɔo waa wola chɔɡ bwa, nyobaɡa waa wola charɛ. Waa bwa maa dɛ nyin laanee la, Korowiirii dɛ́ ɡel a bwa ɛ ɡɛ dɛ́ tɛ mɛ.
Tɔpere bɛl dɛ ba bala, ásɛ Israel tena berɛ ba Korowii baa dɛ tomɔ, ne kooro waa ɛ Kooro Devid naa be. Bochela nee baa ba Korowii be bala, ásɛ o swee andɛɛɡa tɛɛ ba.
Hé cheɡ deŋne, dɛ́ ba n be, hé no n be, ásɛ dɛ dɔ mkpa. N ne hɛɛ fɔwɛ fɔwee o do le saŋ bɛlbwa dɛɛ la, ɡɛ maa baɡɛ Devid nyoa ŋɔ, mɛɛ dɛɛ nyin o waa kasinteŋ nee la.
Korowii ŋɔ, “N bonɔɔ maa leo dɛ tɛo kpeɡrii nɔ, n sie lɛ o nɛɛ taeh. Mɛɛ ɡeloo n Doma ba so o nɛ, ásɛ o baɡle nɛra baa lɔ harɛ ta bwa ɡe ɡɛ n kasinteŋ ŋwɛnɛre aa doa.
Korowii nyundua torome le bwɛɛ baa dɛ yerɔ Gelɡal dɛ ba bol waa Bokim tena be ŋɔ, “Menee lɛ heyaa le Ijipt harɛ ta, dɛ ba he ne harɛ maa baɡɛ he naawa nyoa kɛŋɔ mɛɛ kpɔɔ tɛ heyaa la ta la. N bol he be ŋɔ maa fɔo n ne haa fɔwa laanee chɔɡ bwa.