Yela 86:16 - mzwDBL

¹⁶ Berɛ sie n be, dɛ́ na n sum. Tɛ men maa ɛ he bonɔɔ bokpeɡa. Lɛɛ mɛ, dɛkalkɛ n tomɛ n bambile bwa ne.

Yela 86:16 ပူးပေါင်းရင်းမြစ်များ

Felepae 4:13

N won Yeesu Kristo waa dɛ cha mɛ la kpeɡri ta cheɡa dɛ́ ɛ wobɛlbwa.

Ɛfesos 6:10

Anɔ la aa kaa laanee kɛŋɔ hé ɡel he ne ya Dɔɔ pɛ, ásɛ he won dɔ kpeɡri waa dɔa kohona la.

Yela 116:16

N Naa Korowii, n ɛ he bonɔɔ kpela, n tomɛ ɡɛ n nya aa tomɛ. He lɛɛ mɛ le seo nyoa.

Yela 25:16

N Naa Korowii, berɛ sie n be, dɛ́ sune n nɛ, dɛkalkɛ n ɡwɛɡrɔ, n ta nomɛlbwa dɔe ó cha mɛ.

Kolosi 1:11

dɛ́ won dɔ kpeɡri kɛrɛdɛ dɛ́ le o ɡbaɡba kpeɡri waa do kan dɛ dɔ jirima kɛrɛdɛ la ta. N dɛ soŋe Korowii ó cha heyaa ɡɛ hé won lawɛ bambile wobɛlbwa ta,

Ɛfesos 3:16

N dɛ soŋo kɛ, chae waa dɛ cha yaa kohona a dɔ jirima nɔ nomanta, ó ɡel o Domadɛɛɡe tɛ heyaa kpeɡri, ásɛ he won lawɛ o waa bini kiŋkiŋ he bambile bwa ne,

Yela 138:3

Maa wia noe la, he noɔ dɛ chaŋ mɛ, he cheɡɛ he kpeɡri ta dɛ tɛ mɛ bokpeɡa.

Sekaria 10:12

Mɛɛ tɛ n nɛra kpeɡrii, ásɛ baa tom mɛ dɛɛ no n wa. Men Korowiirii bola.”

Yela 119:132

Berɛ sie n be, dɛ́ na n sum, ɡɛ haa dɛ ɛ nɛra baa dɛ nyini bwa la.

Yela 119:94

Lɛɛ mɛ, dɛkalkɛ henee dɔɔ mɛ, n takapɔ dɛɛ teŋɛ he waa la ta.

Yela 90:13

N Naa Korowii, ɡel he baah sɔɔh! Saŋ besoo he bandia nyoa ɛɛ ba sɔɔhna ɔ? Dɔ tedoma tɛ he bonɔɔna.

Yela 84:5

Nɛra baa dɛ hwɛɡɛ he nɛɛ la, ba na som. Banɔ la ba bambile aa lawa kɛ ba valɛ kaa Saayɔn Bwejen doa la.

Yela 69:16

N Naa Korowii, che he nyina aa wola jaɡa dɔe ta, dɛ́ chaŋ mɛ. Berɛ sie n be, dɛ́ sune n nɛɛ kohona.

Amanesoma Luk Aa Chwera Tɔn 1:38

Anee Mɛɛre ŋɔ, “N Naa Korowiirii dɔɔ mɛ, anomanta, ó ɛɛ mɛ ɡɛ bwa haa ŋɔa nɔ.” Asɛ nyundua torome la le Mɛɛre be dɛ kaa.

Aesaya 45:24

Baa bol n waa ŋɔ, ‘O ɡbo bee waa aa toɡra ne kpeɡri do.’ Banɔ la ba baah aa di n nɛɛ la bwa, ɛɛ berɔɔ ba n be sihiih ne.

Yela 41:5

N dɔma dɛ bol n bwara wechɔɡe ŋɔ, “Bɛweeree ó sewɛ ásɛ o sɔn he te nɔ?”