Yela 86:1 - mzwDBL

¹ N Naa Korowii, no n wesoŋa dɛ́ chaŋ mɛ, n ɛ nyaa dɛ ɛ nɛŋɡwɛɡre.

Yela 86:1 ပူးပေါင်းရင်းမြစ်များ

Yela 31:2

Cheɡ deŋne, dɛ́ no n be, dɛ́ ba lɛɛ mɛ warane. Do kɛŋɔ Bwetal, ń chwa ba marɛ, ɛ danjwɛkpeɡ dɛ́ lɛɛ mɛ.

Yela 40:17

N nyao, dɛ ɛ nɛŋɡwɛɡre, kɛ he ta n waa soɛh. Henee Korowii maa dɛ tomɛ, henee ɛ n Lɛɛ, n poori, ba warane, dɛ́ ba cha mɛ.

Daneɛl 9:18

N Naa Korowii, cheɡ deŋne dɛ́ no, pili sie dɛ́ na chɔe he bwɛjen nɔ aa chɔ pɛɛ nɔ wa, dɛkalkɛ he sɔn dawɛ o ta. Toɡra ya wa aa toɡra waa laa yaa soŋe, he nɛn sum nae kohona waa yaa soŋe.

Matiu 5:3

“Nɛra baa kpɔ ba te dawɛ Korowii nɛɛ kɛ nyaara la, ba na som, dɛkalkɛ banee dɛɛ ba Korowii Kora la koobii ɛɛ.

Yela 34:6

Nɛŋɡwɛɡra wio no Korowii, o no ba be, dɛ lɛɛ ba le ba wenaale bwa ta.

Jems 2:5

Yabala, hé no! Korowii we-ɛɛlaa kɛŋɔ ó le harɛ nɔ ta nyaara baa yaradao kɛrɛdɛ ásɛ ba yarada la ɛɛ ba kondɔɔh, ásɛ ba dɔ bɔr dɛ́ ja o Kora waa baɡɛ nyoa ŋɔ wɛɛ ɡeloo nɛra baa dɛ nyinu ja o ta la.

Amanesoma Luk Aa Chwera Tɔn 4:18

“Korowii Domadɛɛɡe la ir n nɛ, dɛ lee mɛ ŋɔ ń ba bol Amanesoma baɡle nyaara, dɛ́ ŋɔ nɛra baa laɡ ba yoma, ne nɛra baa do ba dea be ŋɔ ba Lɛɛ balɔ, dɛ́ ɡel nyoŋa sibie pili ba won dɛɛ na, dɛ́ lɛ nɛra baa dɛ ɛɛ ba hɔhɔrɔwa la le ba dɔma nɔn ta,

Aesaya 66:2

N ɡbaɡba laa ta ɡɛ kwaa nɔ bwa kɛɛ?” Korowiirii bola. Korowii berɔ ŋɔ, “Nɛra baa pwɛr ba te, dɛ sɛh ba liire chara laanee mɛɛ nyin kohona. Banee dɛɛ ɔm mɛ dɛɛ no n wa.

Aesaya 37:17

Ir nyu ne, dɛ́ no n wesoŋa nɔ, no waa Koojen Senakerib aa ba a ne, dɛ baa chɛɡre hen Korowii haa lole saŋ bɛlbwa nɔ.

Yela 142:1

N do lɔŋɔ yerɛ Korowii, n soŋo ŋɔ ó na n sum.

Yela 140:12

N jemɔ kɛŋɔ Korowii bol nyaara waa dɛɛ tɛɛ ba, dɛɛ lɛ ba nyoa.

Yela 119:22

Lɛɛ mɛ le chɛɡa ne sihiih ta, dɛkalkɛ n dɛ teŋɛ he Mmarare ta.

Yela 102:17

Wɛɛ no he nɛra baa vɛɛh ba la bee, dɛ́ no ba wesoŋa.

Yela 17:6

N Naa Korowii, n wio dɛɛ noe, n jemɔ kɛ hɛɛ chaŋ mɛɛ, cheɡ deŋne, dɛ́ no n wesoŋa.

Yela 102:1

N Naa Korowii, no n wesoŋa, no n wii maa dɛ wi dɛ́ cha mɛ.

Yela 10:14

N Naa Korowii, he dɛ na nɛra siswɛm ne lokua wa, dɛ yon dɛɛ cha ba. He nɔn taa nɛŋɡwɛɡra kpɔ ba nyu dɛɛ do, hɛɛ cha ba saŋ bɛlbwa.

Yela 25:16

N Naa Korowii, berɛ sie n be, dɛ́ sune n nɛ, dɛkalkɛ n ɡwɛɡrɔ, n ta nomɛlbwa dɔe ó cha mɛ.