Yela 85:12 - mzwDBL

¹² Korowii ɛɛ ɡeloo ya wobɛlbwa do wer, ásɛ kondikwa kohona ba ya harɛ nɔ ta.

Yela 85:12 ပူးပေါင်းရင်းမြစ်များ

Yela 67:6

Kondikwa ɛɛ wonoo ɛ ya harɛ nɔ ta kohona, Korowii yaa dɛ tomɔ la ɛɛ swee yaa andɛɛɡaa.

Yela 72:16

Gel boyu perɛ harɛ nɔ ta, ásɛ mea ɡe bu deŋɡarere bwa dor. Gel a ɛ kɛrɛdɛ kɛŋɔ anɔ la aa lɔ Lɛbanɔn harɛ bwejena dor, ásɛ nɛra ɡe su bwɛjena la ta, kɛŋɔ kpɔɡa aa lɔ koo ta ken.

Yela 84:11

Korowiirii dɛɛ tɔ yaa ɡbemɡbe, dɛ ɛ ya kooro waa dɔ jirima. O swee yaa andɛɛɡa, dɛ sune ya nɛ, dɛ tɛ yaa jirima. Nɛra ba wa aa toɡra la, waa ban kondɛɛɡe bɛlbwa vɔmɛ.

Aesaya 32:15

Gɛɛ aa ba doe dɛ ka tel kɛŋɔ, Korowii Doma aa ba so ya nɛɛ mɔɔ pua hɛŋle ɡbo harɛ la berɛ harɛpare ondɛɛɡe, o ta kwaa do wer, ásɛ o berɛ do kɛŋɔ kɔr ken.

Aesaya 45:8

Mɛɛ ɡeloo wa aa toɡra le nyundua ba harɛ ta kɛ bwaala ken, ásɛ waa aa wera ne kasinteŋ do le, Men Korowiirii ta a bwa.”

Lewi Dea Tena 25:19

Harɛ la ɛɛ ɛ kondikwaa tɛ heyaa he di ɡɛ haa dɛ nyin, dɛ́ so bosɔɔhna ta.

Lewi Dea Tena 26:4

mɛɛ ɡeloo bwaala nɛ o saŋ ta kɛrɛdɛ, ásɛ harɛ la ɛ kondikwaa kohona, daa haa dua he kooni ta ɡe bwa won nɔnɛ kɛrɛdɛ.

Maeka 6:8

Akai, waa aa weraa Korowii chaɡle yaa, wáa waa dɛ nyin dɛ́ le ya be laanee kɛŋɔ, ya di kasinteŋ dɛɛ sune dɔŋa nɛ, dɛ́ pwɛr ya te tɛo.

Sekaria 8:12

Koo kondikwa ɛɛ do werii kɛrɛdɛ, ɡrepo daa ɛɛ nɔnɔɔ kohona, komɛlbwa do wer harɛ la ta, ásɛ bwaala nɛ kohona. Gɛ kwaa nɔ bwaa mɛɛ ba kpɔe tɛ he nɛra haa kaa la kɛ kapɛrɛ kwa.

Matiu 13:23

Asɛ mea la aa lee harɛdɛɛɡe ta la ɡe cheɡɔ tɛ nɛra baa no Korowii Waa la dɛ lawɛ a bini, a dɔ tɔnɔ tɛɛ ba kɛŋɔ mea la aa ɛa kɛrɛdɛ, ane ma lafare, ane ma fifraanunumɛla, ane ma fifraatotoro la.”

Matiu 13:8

Kɛ anɔ la aa lee harɛdɛɛɡe ta la te leɔ, asɛ dɛ ma kohona. Ane ma lafare, ane ma fifraanunumɛla, asɛ ane ɡe ma fifraatotoro.”

We-ɛɛla 2:41

Nɛra la kɛrɛdɛ yarada Pita wobol la, asɛ ba sɔ ba Korowii ne. Ba nɛra kaɡboŋa batoroo yarada Yeesu waa dɛ kpɔ ba te tɛo awola tɔpere la ta dɛ ba ja ba nɛ.

We-ɛɛla 21:20

Baa no Pɔɔl waa la, ba jam Korowii taeh. Belaa ba ɡe ŋɔ o be ŋɔ, “Nomoa, taraken nɔ, yaa won jemɛ Juu tena baa yarada ya Dɔɔ Yeesu nɔ nyoa baɡle. Ba warɔ kohona. Ba sie beɡre Mosis Mmara la ɡe ta taeh.

1 Kɔrent 1:30

Korowiirii ɡela he ne Yeesu Kristo pɛ, ásɛ ya che o nɛɛ dɛ dɔ Korowii wejema. O nɛɛ a che Korowii na yaa kɛ nɛndɛɛɡa dɛ berɛ kpɔ yaa ɛ o kwa. Onee kpɔ seo dɛ yawɛ yaa le ya wenaale ta.

Ɛfesos 1:3

Hé ɡel ya kpɛɛ ya Dɔɔ Yeesu Kristo Mɛɛ Korowii, dɛkalkɛŋɔ o cha yaa wedɛɛɡa la bwa aa le o Domadɛɛɡe be la ta, asɛ yaa na som o be nyundua, pɛɛ ya ne Yeesu Kristo aa pɛa la wa.

Jems 1:17

Komɛlbwa waa wera la le Korowii be. Komɛlbwa waa ɛ kondɛɛɡe la, Korowiirii kpɔa kɛ yaa. Onee ya Mɛɛ waa ta kwaa bwa aa lɔ nyundua dɛɛ chaah harɛ. Gɛ kwaa nɔ dɛ chaah, ane ta ɡe aa chaah, kɛ Korowii te aa beɡre bwa.