Yela 83:2 - mzwDBL

² Na ɡɛ he dɔma aa ir he nɛ, nɛra baa haeh ba deŋne do kpeɡri la.

Yela 83:2 ပူးပေါင်းရင်းမြစ်များ

2 Koranar 19:28

N no he deŋnekpeɡ we-ɛɛla, ne mbarafo haa dɛ ɛ, a chole n deŋna ta. Mɛɛ kpɔ ɡoŋaa do he mee ta, dɛ́ kpɔ kabaɡrare do he nyoa, dɛ́ berɛ kpɔe kpɔ ŋwɛnɛ haa kpɔ o ta ba la ta kaa.’ ”

Yela 109:1

N Naa Korowii maa dɛ kpɛɛre, ir nyu ne, bɛ nyoa tɔ,

Yela 74:23

Bɛ ɡbɔɡa he dɔma aa doa dɛɛ muɡli he baah la soh, ɡbɔɡa he dɔma aa teŋa dɛɛ do la.

Yela 74:4

He dɔma moolo dɛɛ hɛɡre he Dea la bini, ba kpɔ ba fraŋkaare pa, a baɡle kɛŋɔ ba pɔ ya nɛ.

Yela 81:15

Nɛra baa hah men Korowii ɛɛ kpɔ ɔmee ba ɡuŋi n sie. Ba deŋnetɛra ɛɛ do lee saŋ bɛlbwa dɛɛ la.

Yela 93:3

N Naa Korowii, mpo vile dɛ si, a taɡɛ nehɛma aa kana dɛɛ ba, dɛɛ si kohona.

Aesaya 17:12

Sibeɡra chole harɛre aa wara nɛ, a nɛra ɛɛ si kɛŋɔ mpo ken, dɛɛ do ɡbɔɡa kɛŋɔ mpo nehɛma ken.

Aesaya 37:23

Koojen Senakerib, umee hɛɛ lii he nyu bini kɛ onee hɛɛ chɛɡre dɛɛ ɛo nɛnhɛla nɔɔ? Men Israel Nɛŋɡoroŋ laanee hɛɛ ɛ sisawaa la.

Aesaya 37:29

N no he deŋnekpeɡ we-ɛɛla, ne he mbarafo haa dɛ ɛ, a chole n deŋna ta. Mɛɛ kpɔ ɡoŋaa do he mee ta, dɛ́ kpɔ kabaɡrare do he nyoa, dɛ́ berɛ kpɔe kpɔ ŋwɛnɛ haa kpɔ o ta ba la ta kaa.’ ”

Jeremia 1:19

Baa yoi, kɛ baa won pɔ he nɛ, dɛkalkɛ n ja he nɛɛ ásɛ dɛ lɛɛ, men Korowiirii bola.”

Matiu 27:24

Nomoa Paelet aa naa kɛ dɛ o ŋɔ o saɡɛ waa la ta naa, waa aa ba la aa wer doe ba la, o ɛ nee dɛ samɛ o nɔɔra nɛnlaa la bwa sie dɛ ŋɔ, “N laa dɛɛ do heyaa ŋɔ hé kpo nɛndɛɛɡe nɔ. He ɡbaɡbaa dɛɛ ɛ he wa!”

We-ɛɛla 16:22

Dɛ nɛnlaa bane lɔ bela dɛɛ chɛɡre Pɔɔl ne Silas, asɛ Rom nomonome la wur Pɔɔl ne Silas laala, dɛ ɡel ba lɔɔ ba chweremi ne.

We-ɛɛla 17:5

Nɛra baa yarada Pɔɔlwa waa la, dɛ baa ja asɔre tena la nɛɛ la aa dɛ warɛ la, dɛ aa somɛ Juu tena la be, asɛ ba ka nyin nɛŋkasale baa wola toma dɔe dɛ yon do dembaah dɛɛ ɡaaɡe ɡbo la, dɛ ir ba bwaawee, asɛ ba ne ba valɛ dɛɛ do ɡbɔɡa bwɛɛ la bwa. Ba la Jasen dem ŋɔ bá fe ka lawɛ Pɔɔl ne Silas ba tɛ bwɛɛla la.

We-ɛɛla 21:30

Ate, bwɛɛ la tena bwa lɛ ɡaeh, dɛ chwa le bobɛlbwa dɛ lawɛ Pɔɔl, dɛ tuuɡu le Korowii Dea la bini. Buɡ la ta, dɛ ba tɔɔɡe Korowii Dea la ɡbeni bwa.

We-ɛɛla 22:22

Pɔɔl aa dɛ bol o waa la bwa dɛ nɛra la bwa cheɡ deŋne dɛɛ no o be. Kɛ waa ba dɛ bol nɛra baa wola Juu tena ɛɛ be laŋa waa la, ba baah diu baa nyɛɡ kohona dɛɛ ŋɔ, “Hé le o ne! Bɔkwaa he ɡel o che dɛɛ ɛɔ?”

We-ɛɛla 23:10

Ba wetɔŋla la nyoa baa do kpeɡri kohona, asɛ ɔmee berɛ lawɛ soojanomonjen la, asɛ wɛɛ lii kɛ baa tɛɡre Pɔɔlee kpo. Anomanta, o ɡelɔ o bechale jo nɛra la baah ta, dɛ lɛ Pɔɔl ba nɔn ta, dɛ kpɔɔ kaa soojare dejen baa doo o bini la ta.

Sitɔɔla 8:28

Gɛɛ a do Israel tena pɔ Midian tena nɛɛ ba ta kpeɡri dɔe kpa. Israel tena dɔ deŋnesɔɔhna bene fifraanaarɛ dɛ Gedeɔn ta soɡe le.