Yela 83:18 - mzwDBL

¹⁸ Gel ba jemɛ kɛ he ɡbosoo Nemenɛ Korowii, he habɔɔ, kooro bɛlbwa toole harɛ nɔ ta.

Yela 83:18 ပူးပေါင်းရင်းမြစ်များ

Mumpar 22:14

Anomanta, o pa bela sɔn ‘Korowii Dɛɛ Tɛ.’ Dɛ ba le fini, ba dɛ bol bela waa ŋɔ, “Korowii ɛɛ tɛo o bwe la doa.”

1 Koranar 18:37

N Naa Korowii, chaŋ mɛ ásɛ nɛra nɔ jemɛ kɛŋɔ henee Korowii, he laɡ ba dɛɛ ba he be.”

2 Koranar 19:19

Korowii yaa dɛ tomɛ, lɛ yaa le Asiiria koojen Senakerib nɔn ta, ásɛ harɛre bwa nɛra jemɛ kɛŋɔ he ɡboo Korowii.”

Yela 18:13

Nemenɛ Korowii bol waa nyundua, a do kɛŋɔ bwaala aa kɔra ken, asɛ ba no o taa bobɛlbwa.

Yela 35:4

Gel sihiih kpo nɛra baa dɛ nyin mɛ dɛ́ kpo. Nɛra baa dɛ vɔrɔwe n vɔrɔwa la, ɡel ba wili, dɛ́ berɛ kaa.

Yela 59:13

dɛ́ chɔɡ ba he bandia ne, ka tel kɛŋɔ ba bwa aa tona. Ásɛ nɛra baa lɔ harɛ jaɡa bwa jemɛ kɛŋɔ hen Korowii, he dɛ di kora Israel tena nɛ.

Yela 9:16

Hen Korowii cheɡɛ bole haa dɛ pa a toɡre la ta, dɛ ɡel nɛra jemɛ, nyubinikpeɡ tena ɡbaɡba we-ɛɛla laɡ ba.

Yela 9:2

He nomanta, mɛɛ ɡo silɛɛ yelaa, dɛ́ hɛɡre. Nemenɛ Korowii, mɛɛ kpɛɛ he sɔnee yela ne.

Yela 92:8

Kɛ hen Korowii kan saŋ bɛlbwa dɛɛ la.

Yela 97:9

Nemenɛ Korowii, henee dɛɛ di kora harɛ nɔ nɛra bwa nɛ, henee kana ɡwaa voɡare bwa.

Kaala 6:3

Men kpɔ n te baɡle Abraham ne Aesek dɛ Jekɔb kɛ Menee Kpeɡri Bwa Dɔɔ la. Kɛ n ta ɡelɛ ba jemɛ n sɔn waa do ɡoroŋ la te.

Aesaya 42:8

Menee Korowii, n sɔnee ɡɛ. Maa ɡel nɛra kpɔ jirima aa chɛ kɛ ba tɛ mɛ la tɛ nomɛl, maa ɡel bá kpɔ kpɛɛra aa chɛ mɛ la tɛ voɡa.

Aesaya 5:16

Nemenɛ Korowii ɛɛ bol waa dɛ́ pa bole kasinteŋ ne, dɛ́ che a ta dɛ́ baɡle o kan waa doa. Wɛɛ che waa aa toɡra taa, dɛ́ baɡle ɡɛ waa do ɡoroŋ.

Aesaya 54:5

Naate waa tae laanee dɛ́ do kɛ he jaa, o sɔne Nemenɛ Korowii. Israel Nɛŋɡoroŋ laanee he Lɛɛ, onee harɛ nɔ bwa Dɔɔ.

Jeremia 16:21

Asɛ Korowii ŋɔ, “Gɛɛ a do tenaa, mɛɛ ɡeloo harɛre la nɛra na n kpeɡri ne n kan maa doa kohona, dɛ́ jemɛ kɛŋɔ menee Korowii aa chɛ kɛ bá tom mɛ.”

Ɛsekeɛl 30:19

Gɛɛ mɛɛ ba Ijipt tena deŋne tɛra, ásɛ ba jemɛ kɛŋɔ menee Korowii.”

Ɛsekeɛl 38:23

Gɛ taa mɛɛ ba ɡela harɛre ɡalɡa nɛra na ɡɛ maa kana dɛ do ɡoroŋ. Ásɛ ba jemɛ kɛŋɔ menee Korowii.’ ”

Daneɛl 4:25

Baa doŋii le nɛra bini he ne kpɔɡ bini ola ka so. Hɛɛ chwe kpɔɡaa kɛŋɔ nao, ásɛ mɛn ta he nɛɛ bene anuanɛ, dɛ́ ka tel kɛŋɔ haa ba jemɛ kɛŋɔ Nemenɛ Korowiirii dɛɛ di kpeɡri harɛre kora bwa ta. Korowii ɡboo dɛɛ le nɛn waa dɛ nyin, dɛ́ kpɔɔ so kora ta.

Daneɛl 4:32

Baa doŋii le nɛra bini he ne kpɔɡ bini ola ka so. Hɛɛ chwe kpɔɡaa kɛŋɔ nao bene anuanɛ, dɛ́ ka tel kɛŋɔ haa ba jemɛ kɛŋɔ Nemenɛ Korowiirii dɛɛ di kpeɡri harɛre kora bwa ta. Korowii ɡboo dɛɛ le nɛn waa dɛ nyin, dɛ́ kpɔɔ so kora ta.”

Maeka 4:13

Korowii ŋɔ, “Jerusalam tena, hé ir ka yo he dɔma, mɛɛ ɡeloo he do kpeɡri kɛŋɔ nabal waa dɔ bune nyeɡlare, o nafikokore ɡe do kɛŋɔ ayaawa ken. Hɛɛ yo harɛre ɡalɡa nɛraa, dɛ́ pɔ ba nɛ, ásɛ dɛ kpɔ kondɔɔh baa yo nɛra dɛ lɛa la, ba tɛ men Korowii maa ɛ harɛ nɔ bwa dɔɔ la.”

Sekaria 4:14

Ate o ŋɔ, “Kpala anɛ nɔɔ cheɡa tɛ baala banɛ, Korowii waa ɛ harɛ nɔ bwa Dɔɔ aa lee ba, dɛ fuɡe noo do ba nyuune ta baa tomɔ la.”