Yela 83:14 - mzwDBL

¹⁴ Gɛ nii yon fuh kɔr dɛ́ kpɛle bwejena dor bwa la,

Yela 83:14 ပူးပေါင်းရင်းမြစ်များ

Job Tɔn 21:18

Ba do kɛŋɔ kpɔɡhole peu kpɔa ba kaa la aa? Kɛɛ haahra dompeu kpɔ ba kaa. Akai!

Aesaya 17:13

Hale nɛra warɔ dɛɛ moo kɛŋɔ mpo nehɛma sii aa, Korowii ɛɛ kah baa ásɛ ba chwa kaa bojaŋ. Baa chwao dɛ́ peɡre kɛŋɔ peu aa kpɔ haahra, kɛɛ kawulewule aa kpɔ doŋa kaa la ken.

Aesaya 30:33

Korowii kwaa bobɛl cheɡ tɛ Asiiria koojen saŋ bɛl biɡri, dɛ́ fuuh. O ɛ nimar bɔr o do luŋri dɛ do paɡri, ba pa damara bil a daŋɛ chɔ. Korowii hweera ɛɛ ɛo kɛŋɔ nii ne jebɔrɔwe ken, dɛ́ ba jo daa la ta a fuh.

Aesaya 9:18

Ba wechɔɡa do kɛŋɔ nii naa dɛ lawɛ, dɛɛ fuh jabalnadaŋɛ ne sɔɔhne ken. A dɛ lawɛ kɛŋɔ kɔr aa dɛ fuh, a chuu ɛɛ kaa nyundua la ken.

Neehum 1:10

He sennyɔɔra, nii ɛɛ fuh heyaa kɛŋɔ sɔɔhne aa kaɡre dawii baah ken.

Neehum 1:6

O baah diu waa, umee dɛ́ won che a nyoa ɔ? Umee dɛ́ won ba o sie o bandichɔɡe ta nɔ? O baah diu kohona naa, a do kɛŋɔ baa fuɡe nii ta ken, bwea bwa dɛ peɡri burbur ken o sie.

Malakae 4:1

Koranar Bwa Kooro ŋɔ, “Hé no, tɔpere men Korowii aa dɛ ba ba bol nɛra baa dɛ baɡle ba te, ne wechɔɡ-ɛɛra waa la dɛ ba kpela. Baa fuuh kɛŋɔ kpɔɡa ken, ba komɛlbwa aa wola ka.

Mmarare 32:22

N bwaawee ɛɛ iruu kɛŋɔ ninlao, dɛ́ fuh komɛlbwa aa lɔ harɛ nɔ ta. Aa fuuh tel harɛ bini ne bwejena mune bwa.