Yela 81:7 - mzwDBL

⁷ Gɛ saŋ haa lɔ wenaale ta la, he yerɛ men Korowii, asɛ n ba lɛ heya. N cheɡɛ peukpeɡ bini dɛ chaŋe heya, dɛ daah heyaa na Mɛreba, bela ne aa bula la.

Yela 81:7 ပူးပေါင်းရင်းမြစ်များ

Yela 50:15

Hé yer mɛ he wenaale tɔpere aa, mɛɛ ba lɛ heyaa, ásɛ he kpɔ duure tɛ mɛ.”

Kaala 14:10

Kooro ne o laa tena aa dɛ bɛn ba asɛ Israel tena ke nyiŋi la, ba nao kɛŋɔ Ijipt tena puu ba tonɛ. Asɛ ɔmee kohona nomanta, ba wi dɛɛ yerɛ Korowii ŋɔ ó ba cha ba.

Kaala 14:24

Aa baa ka tama bɔr chaah la, Korowii cheɡɛ bam waa do jaŋne kaa nyundua la ne nii waa tɛra kaa nyundua la ta dɛ nyiŋi Ijipt laa tena dɛ chɔɡ ba liire.

Kaala 19:19

asɛ bɛla la ɡee si kpeɡri nɛɛ kohona dɛɛ ja. Belaa Mosis bol wa, asɛ Korowii chaŋo kɛŋɔ bwaala aa kɔra ken.

Kaala 2:23

A biɡro tama, asɛ Ijipt kooro la ba sewɛ. Kɛ dɛ Israel tena ta dɛ ɛ ba tomkpeɡa la, dɛ wi dɛɛ yerɛ Korowii ŋɔ ó ba lɛɛ ba.

Kaala 20:2

“Menee Korowii haa dɛ tom mɛ n le he ne Ijipt harɛ ta somanjiri dii ta la.

Kaala 6:6

Anomanta, ŋɔ Israel tena be ŋɔ, ‘Menee Korowii. Mɛɛ lɛ heyaa le Ijipt tena hɔhɔrɔwa baa dɛ ɛ heyaa la taa. Mɛɛ che n kpeɡri ne n nyokpowe-ɛɛla taa, dɛ́ tɛr ba deŋne ásɛ dɛ lɛ heya.

Jeremia 16:14

Anomanta, Korowii ŋɔ, “Saŋ bɛl dɛ ba, ásɛ nɛra aa n sɔn taa dɛɛ ŋwɛɛ ŋɔ men Korowii maa lole saŋ bɛlbwa laanee fa lawɛ Israel tena le Ijipt harɛ ta kpa.

Nɛra Kura 20:13

Ba pa bela sɔn Mɛreba, dɛkalkɛ belaa Israel tena naɡre Korowii wa, asɛ o baɡ ba kɛŋɔ o do ɡoroŋ.

Nɛra Kura 20:24

“Arɔn ɛɛ sewɔɔ ka pu o naawa. Waa harɛ maa baɡɛ Israel tena nyoa la taa tel. He nɛra banɛ nɔ ɛ lwɛmkpeɡ waa maa do heyaa a ta Mɛreba la.

Mmarare 33:8

O bol Lewi dea tena ɡe waa ŋɔ, ‘N Naa Korowii, he cheɡɛ he nɛndɛɛɡa Lewi dea tena nɛ Urim ne Tumim ta, dɛ pili ɡɛ haa dɛ nyin baɡ ba, dɛ daah ba na Maasa, asɛ dɛ baɡle kɛŋɔ ba ɛ kasinteŋ tena Mɛreba nee ta.

Mmarare 5:6

‘Menee Korowii haa dɛ tom mɛ, n le he ne Ijipt harɛ ta somanjiri dii ta la.