Yela 81:2 - mzwDBL

² Hé pa mun ɡo yela, dɛ́ yiiɡi loŋa, hé kpɔ janjela lɔ yelsoma.

Yela 81:2 ပူးပေါင်းရင်းမြစ်များ

2 Webena 5:13

Bɛlhoohla la ne yelɡoola la bwa pɛo, dɛ kpɔ tabeŋkpoŋ ɡo yela kpɛɛ dɛɛ jam Korowii. Asɛ bɛlhoohla ne nɛra baa dɛ lɔ kwaa anɛ ane baa kpɔ ayaawa ɛa dɛɛ hɛlɛ, dɛ kwaa bwa soo siwi ɡe kpɔ ɡo yela kpɛɛ Korowii ŋɔ, “Korowii wer, o nyina waa dɛ nyin yaa lole saŋ bɛlbwa dɛɛ la.” Ate, bam ba tɔ Korowii Dea la ta ɡɛ saŋ sɔfore la aa dɛ le bela la.

Nehemia 12:42

Asɛ Maaseya ne Sɛmaya ne Eliasa, ne Usi ne Jehohanan ne Malkija, ne Elam dɛ Esa teŋɛ ba nɛ. Asɛ Jesrahia tɔ yelɡoola la sie, ba kpɔ takpeɡ dɛɛ ɡo yela.

Yela 59:17

N Naa Korowii haa ɛ n Kpeɡnɛn, mɛɛ ɡo yelaa kpɛɛre, he do kɛŋɔ danjwɛkpeɡ n chwa baa marɛ, N Naa Korowii, henee dɛɛ nyin n wa.

Yela 92:3

dɛ́ lɔ janjela ne kwaa bwa soo siwi baa kpɔa dɛɛ hɛlɛ ɡo yela kpɛɛre.

Kaala 15:20

Belaa Arɔn nimambie Miriam waa ɛ Korowii keame kpɔ loŋ, asɛ haahna la bwa ɡe ja dɛ kpoŋe ane ba yiiɡa dɛ sa teŋɛ dɔŋa nɛ.

Amanesoma Mak Aa Chwera Tɔn 14:26

Asɛ ba ɡo yel bɛl dɛ jam Korowii, dɛ le kaa Ɔlevere Bwejen la ta.

Ɛfesos 5:19

ásɛ dɛ ɡel o wobol ne o yela do he bambile bini he bola dɛ́ɛ tɛ dɔŋa, dɛ́ɛ ɡo yela aa dɛ baɡle o waa la ne anɔ la aa dɛ kpɛɛro. Hé kpɔ silɛɛ dɛ́ɛ kpɛɛ he Dɔɔ he bambile bwa ne,

Kolosi 3:16

Hé ɡel Yeesu Kristo waa la do he bambile bini kɛrɛdɛ hɛ́ɛ baɡle dɔŋa, dɛ́ɛ ja ba wejema bwa ne, dɛ́ ɡo wesoŋa yela ne kpɛɛra yela dɛ́ɛ jam Korowii he bambile bwa.

Jems 5:13

Dɛ sibeɡrewaane pu bɛlbwa naa, wɛ́ɛ soŋe Korowii. Dɛ silɛɛ waane ɡe pui naa, ɡo yela dɛ́ kpɛɛ Korowii.