Yela 81:10 - mzwDBL

¹⁰ Menee Korowii haa dɛ tomɛ, n le he ne Ijipt harɛ ta la. Hé waa dɔ kasinteŋ tɛ mɛ naa, mɛɛ tɛ heya kondikwaa kɛŋɔ, jumbie aa dɛ tɛ o bii la.

Yela 81:10 ပူးပေါင်းရင်းမြစ်များ

Amanesoma Jɔn Aa Chwera Tɔn 15:7

Hé kpɔ he te pɛl mɛ asɛ n webaɡla ɡe do he liire bini naa, he dɛ soŋe komɛlbwa haa dɛ nyin aa, hɛɛ dɔɔ.

Yela 107:9

dɛkalkɛ o tɛ nɛra nyɔɡre aa dɛ kpo ba nee ba nyɔ, dɛ tɛ banɔ la lɔr aa dɛ kpo ba ɡe kondikondɛɛɡa ba di.

Kaala 20:2

“Menee Korowii haa dɛ tom mɛ n le he ne Ijipt harɛ ta somanjiri dii ta la.

Amanesoma Jɔn Aa Chwera Tɔn 7:37

Ba Kukure tɔpera la dii ta tɔpere waa baa ka mun dɛ ɛ tɔpejen tenten la, Yeesu iro che dɛ kpɔ takpeɡ ŋɔ, “Nomɛlbwa nyɔɡre aa dɛ kpoo la, ó ba n be ń tɛo nee ó nyɔ.

Wepila 21:6

Asɛ dɛ ŋɔ, “A tonɔ! Menee komɛlbwa Sitɔɔ ne a Muŋkaa, menee wobɛlbwa Mumpar ne a Jaɡa. Dɛ nomɛlbwa dɛ wi nyɔɡre aa, mɛɛ ɡeloo o la bela mkpa nee aa bula dɛɛ le, dɛ́ ka nyɔ ane pɛɛpɛɛ.

Wepila 22:17

Korowii Domadɛɛɡe la ne hanfale la dɛ yerɛ ŋɔ, “Ba!” Nomɛlbwa waa no ɡɛ waa nɔ la, ó ɡe ŋɔ, “Ba!” Nomɛlbwa waa dɛ wi nyɔɡre la, wɛ́ɛ ba. Nomɛlbwa waa dɛ nyin nee aa dɛ tɛ mkpa la dɛ́ nyɔ la, wɛɛ dɔɔ nyɔ pɛɛpɛɛ.

Amanesoma Jɔn Aa Chwera Tɔn 16:23

Tɔpere la telaa, haa men wobɛlbwaa bɔɔ kpa. Kasinteŋ, n dɛ ŋɔ he be, dɛ he soŋe komɛlbwa n Mɛɛ be naa, wɛɛ koh n waa dɛ́ tɛ heya.

Jeremia 11:4

A ɛ waa maa do ba naawa ɡɛ saŋ maa laɡ ba le Ijipt harɛ waa do wɔrɔbe ba nɛɛ kɛŋɔ nii aa won buni mwɛɛla la. N ŋɔ ba be ŋɔ, baa duu mɛ dɛɛ teŋɛ wobɛlbwa maa do ba a ta la ta, ásɛ ba ɛ n nɛra, n ɡe ɛ Korowii baa dɛɛ tom mɛ.

Kaala 20:3

He bɛ voɡ bɛlbwa tomɛ ka ja n nɛ.

Mmarare 5:7

He bɛ voɡ bɛlbwa tomɛ ka ja n nɛ.

Josua 24:14

Asɛ Josua berɛ ŋɔ Israel tena be ŋɔ, “Hɛ́ɛ ɔmɛ Korowii dɛɛ tomɔ kasinteŋ ne. Hé pa he naawa voɡa baa toma Yufretis Moo la baŋ le ne Ijipt harɛ ta la ta, ásɛ dɛ tomɛ Korowii ɡbo.

Josua 24:23

Josua ŋɔ, “Amɔ te hé pa harɛre ane voɡare aa lɔ he be la ta, dɛ́ kpɔ he bambili bwa tɛ Korowii he Israel tena aa dɛ tomɔ la.”

Hosia 8:3

Israel tena vɛh waa aa wera, anomanta, ba dɔma ɛɛ ti ba a waa.