Yela 80:8 - mzwDBL

⁸ He lawɛ yaa le Ijipt harɛ ta, kɛŋɔ haa teŋe ɡrepo da, dɛ ba doŋi harɛ la nɛra le o ta, dɛ kpɔ yaa chɔɔ bela.

Yela 80:8 ပူးပေါင်းရင်းမြစ်များ

Yela 31:17

N Naa Korowii, bɛ ɡel sihiih kpo mɛ, henee n wi dɛɛ no. Gel sihiih kpo nyubinikpeɡ tena, ba serewe ka chɔ lalabwɛ jeiih ken.

Yela 44:2

He kpeɡri nee he doŋi harɛre nɛra, dɛ kpɔ ya naawa ka so ba harɛ la ta. He chɔɡ ba, dɛ ɡel ya naawa wobɛlbwa do wer tɛɛ ba.

Yela 60:3

He ɡelɔ he nɛra na wahala kohona, ya valɛ dɛɛ yɛɛɡe kɛŋɔ yaa nyɔ sen dɛ dɛɛ ken.

Yela 78:55

O tɔ sie doŋi nɛra baa soɡe harɛ la ta, dɛ bɔne harɛ la denaa ta tɛ Israel tena, dɛ kpɔ ba ka so ba deene la ta.

Jeremia 12:10

Peteɡra kpɔ ba peera ba tiɡri n daa koo do harɛ, kɛŋɔ harɛre ane koranar aa chɔɡ n nɛra la. A ɡelɔ koo n sie aa dɛ lɛ o ta chɔɡ, dɛ berɛ pua hɛŋle ɡbo harɛ.

Jeremia 2:21

He fa do kɛŋɔ ɡrepo da o dwee aa wera n kpɔ du. Ɛrɛɛ he berɛ habɔɔ kpo mɛ, dɛ berɛ dachɔɡa aa wola tɔnɔ bɛlbwa dɔe dɛ tɛ mɛ nɔɔ?

Ɛsekeɛl 15:6

Nemenɛ Korowii ŋɔ, “Gɛ maa kpɔ ɡrepo da le kɔr bini daa bwa bini do nii ta o fuh la, ɡɛɛ mɛɛ ba nɛra baa lɔ Jerusalam ɛɛ.

Ɛsekeɛl 17:6

O leɔ dɛ pi harɛ kɛŋɔ ɡrepo da. O kpala la kaa nyundua dɛ chaɡɛ kee la nɛ, asɛ o lune te kaa harɛ bini. O ta kpala dɛ moɡɛ papooni.

Ɛsekeɛl 19:10

He nya fa do kɛŋɔ ɡrepo daa dɛ che nee nyoa. Nee aa lɔ bela kohona nomanta, o dɔ papooni kɛrɛdɛ dɛ won nɔna ɡe.

We-ɛɛla 7:45

A ɡɛ Korowii Tɛnte Dea nɔ baa kpɔ tɔne baŋro nɔ baa di ya naawa nɔn ta saŋ bɛl. Ba ɡe naanaree serewa dɛ kpɔ tɛɛ ba. Ba ne Josua aa dɛ valɛ la bwa, dɛ ba cheɡɛ a ɡɛ debaŋre la tɔne. Baa dɛ kaa la bwa dɛ Korowii dɛ doŋi nɛra baa lɔ ba sie bwɛɛre la ta la asɛ baa so a ta. Gɛɛ dea la do ba be ka tel saŋ la Devid aa baa di kora la.

Josua 13:6

Harɛ aa chɛ kɛ hé ka yo dɛ́ pɔ ba nɛɛ ja laanee Sidon tena harɛ baa soɡe deŋɡarere bwɛɛre ta dɛ do Lɛbanɔn bwejena ne Mesrefɔt Maim harɛ baah ta bwa la. N ɡbaɡba ɛɛ doŋi nɛra la bwaa le he sie, ásɛ he nyiŋi kɛrɛdɛ dɛ́ bɔne harɛ la tɛ Israel tena la, ó ɛ ba kapɛrɛ kon ɡɛ maa ŋɔ he be la,