Yela 80:18 - mzwDBL

¹⁸ Yaa habɔɔ berɛ kpoe kpa, tɛ yaa bokpeɡfala, ásɛ ya won kpɛɛre.

Yela 80:18 ပူးပေါင်းရင်းမြစ်များ

Ɛsra 7:6

A ɡɛ Ɛsra nɔ ɛ sɔfo dɛ le Babelɔn ba. Dɛ o ɛ chicha ɡe, dɛ jemɛ mmarare Korowii Israel tena aa dɛ tomɔ aa kpɔa tɛ Mosis la kɛrɛdɛ, dɛɛ baɡla. Komɛlbwa waa bɔɔ le koojen be la, o dɛ tɛo, dɛkalkɛ Korowii waa dɛ tomɔ la nɔn dawɛ o nɛ.

Ɛsra 7:9

Korobiloɡle tɔpere waa tɔ sie taa ba pa mun le Babelɔn harɛ ta, asɛ korobie anue tɔpeloɡle ne tela dɛ Korowii chao o ba tel Jerusalam.

Yela 119:107

N Naa Korowii, n na wahala kohona, tɛ mɛ bokpeɡfala ɡɛ haa baɡ mɛ nyoa la.

Yela 119:154

Bol n waa tɛ mɛ, dɛ́ lɛɛ mɛ. Kpɔ nɔn tɔ n nɛ, ɡɛ haa baɡ mɛ nyoa la.

Yela 119:156

Kɛ hen Korowii, he tedoma haa dɔa kan, sune n nɛ, dɛ́ lɛɛ mɛ.

Yela 119:25

N cheɡɛ seo nyoa, ɡel he waa la tɛ mɛ bokpeɡfala, ɡɛ haa baɡ mɛ nyoa la.

Yela 119:37

Bɛ ɡel n pɛla do kwaa aa wola tɔnɔ dɔe ta. Tɛ mɛ mkpa ɡɛ he waa la aa baɡla la.

Yela 119:40

N dɛ nyin he waa la ta teŋa kohona. Che toɡra he wa aa toɡra ta dɛ tɛ mɛ mkpa.

Yela 71:20

A lole kɛŋɔ he ɡelɔ n na wahala kohona te, kɛ hɛɛ berɔ ɡel n dɔ bokpeɡa ja, hɛɛ laɡ mɛɛ le seo nyoa, dɛ́ tɛ mɛ mkpa.

Yela 79:13

Ásɛ he nɛra yaa do kɛŋɔ peera he sie nɔ, ɛɛ kpɛɛre saŋ bɛlbwa dɛɛ la, dɛ́ le fini kaa ya naanar baa ka ba bwa nɛ.

Yela 85:6

Berɛ tɛ yaa bokpeɡfala ja, ásɛ yan yaa ɛ he nɛra nɔ kpɛɛre.

Yelsom 1:4

Laɡ mɛ kaa warane, n dɛ nyin kɛ n kooro laɡ mɛ kaa o dem warane! Yá hɛɡre, dɛ́ ɡel ya sie lɛ kohona, yaa kpɛɛ he nyina haa dɔa laanee ɡwaa kɛ ya nyɔ sen. A waa ɡela bitoli bwa ɛɛ nyin he waa kɛrɛdɛ la!