Yela 80:1 - mzwDBL

¹ Israel Peteɡre, no ya wii. Henee tɔ Josef naanar sie kɛŋɔ peteɡre, dɛ so he kookara ta, Kerobim la baah ta.

Yela 80:1 ပူးပေါင်းရင်းမြစ်များ

Wepila 21:23

A ta hiaih kɛŋɔ wee ne korobie chaah bela. Korowii jirima dɛ chaah bela, asɛ Pebie la ɡe ɛ kandea bela.

Yela 77:20

He tɔ he nɛra sie kɛŋɔ peteɡre ken, asɛ Mosis ne Arɔn chɔ ba nyoa.

Yela 50:2

Korowii do kɛ kandea dɛɛ chaah dɛ le bwɛjen Saayɔn waa wera kohona ta.

Yela 99:1

Korowii dɛ di kora, asɛ harɛre nɛra bwara ɛɛ chel. O soɡe kookara ta nyundua Kerobim baah ta, asɛ harɛ ɛɛ jiɡri.

1 Pita 2:25

He fa do kɛ peera aa kpaŋa, kɛ taraken te, he ba he Dɔɔ waa dɛ nyin he nyu la be.

Ɛsekeɛl 34:23

Kooro waa do kɛ n bonɔɔ Kooro Devidii mɛɛ ba lee kɛŋɔ peteɡre beŋkpoŋ wɛɛ nyiŋi ba nɛ.

2 Samoɛl 6:2

O ne o laa tena la iro le bwɛjen Baala baa bera dɛɛ yerɔ Kiriat Jearim waa lɔ Juda harɛ ta, dɛ́ ka kpɔ Korowii Ne Nɛwɛnyina Fɔo Daka la le bela dɛ́ kaa Jerusalam. Nemenɛ Korowii sɔn dawɛ Daka la ta, asɛ o so o kookara ta, kena kwaa baa dɛ yera Kerobim la baah ta.

1 Samoɛl 4:4

Anomanta, ba tomɛ baala ba la Silo, dɛ ka kpɔ Nemenɛ Korowii Ne Nɛwɛnyina Fɔo Daka le bela Korowii Waa Ɛ Koranar Bwa Kooro aa soɡe Kerobim la doa o kookara ta la ba. Eli bibaala banɛ, Hofni ne Fenehas, teŋɛ Daka la nɛɛ dɛ ba.

Hibru 13:20

N dɛ soŋe Korowii waa ir ya Dɔɔ Yeesu seo ta la. Ya Dɔɔ Yeesu ɛ Peteɡrejen dɛɛ nyiŋi o peera ta. Seo o ɡbaɡba aa sɛah dɛ sewɛ la, a taa a che asɛ Korowii fɔwɛ fɔo waa wola pura dɔe bwa la.

Ɛsekeɛl 10:4

Korowii jirima le Kerobim la ta, dɛ ba kaa Korowii Dea la doonyoa bela. Bam baa tɔ dembaah bela, asɛ Korowii jirima chaah bela bwa.

Aesaya 63:11

Anee ba berɛ lii waa aa chiɡa, Korowii bonɔɔ Mosis saŋ la, asɛ dɛ bɔɔ ŋɔ, “Leperaa Korowii waa lɛ o nɛra ne ba sitɔɔla le mpo ta la dɔɔ taraken nɔ? Korowii waa kpɔ o Doma tɛ Mosis la sɛ?

Aesaya 60:1

Jerusalam, ir dɛ́ chaah kɛŋɔ wee! Korowii jirima dɛ chaah he nɛ!

Yela 80:7

Korowii Haa Ɛ Koranar Bwa Kooro, berɛ ba lɛ yaa, sune ya nɛ, ásɛ dɛ lɛ yaa.

Yela 80:3

N Naa Korowii, berɛ lɛ yaa, sune ya nɛ, ásɛ dɛ lɛ yaa.

1 Pita 5:4

He dɛ ɛ ɡɛ naa, Peteɡra Bwa Dɔɔ la balaa, wɛɛ tɛ heyaa jirima kon o wer aa wola tu bwa, o ɛ kompoŋ haa yoa dɛ le ba vɔwɛ heya.

Amanesoma Jɔn Aa Chwera Tɔn 10:14

Menee Peteɡredɛɛɡe la. Gɛ maa jemɛ n peera la, ɡɛɛ a ɡe jem mɛ,

Daneɛl 9:17

Korowii yaa dɛ tomɛ, no he bonɔɔ waa maa kpɔa dɛɛ bil he sie ne n wesoŋa nɔ name. He sɔn nomanta, na ya sum chɔe he Dea nɔ aa chɔ pɛɛ nɔ wa.

Ɛsekeɛl 43:2

asɛ n na Korowii Israel tena aa dɛ tomɔ la jirima o le wee leebɔr dɛɛ ba. O taa do kɛŋɔ chuubu sii ken, asɛ o jirima chaah kohona harɛ la ta bwa.

Ɛsekeɛl 1:13

Hweera kwaa la dɛ nyɛɡle kɛŋɔ ninhɔla kɛɛ kapɛle ken. Asɛ nii do a baahna ta, dɛ la sie dɛɛ ba, dɛɛ chaah dɛɛ nyɛɡle kɛŋɔ bwaala.

Aesaya 40:11

Wɛɛ nyiŋi o nɛra nɛɛ kɛŋɔ peteɡre yon dɛɛ nyiŋi o peera nɛɛ dɛ́ kpɔ a bii pɛl o bambile, ásɛ dɛ teɡɛ a nyare aa loɡla la kaa bɔeeh ken.

Yela 94:1

N Naa Korowii, henee dɛɛ tɛr nɛra deŋne, ɡel ba na he bandia.

Yela 80:19

Korowii Waa Ɛ Koranar Bwa Kooro, berɛ ba lɛ yaa, sune ya nɛ, ásɛ dɛ lɛ yaa.

Yela 78:67

O vɛh Josef naanar, o ta Efrem dea nɛra leɛ.

Yela 78:52

Asɛ dɛ tɔ o nɛra sie kɛŋɔ peteɡre ken, dɛ kpɔ ba valɛ pua hɛŋle ɡbo harɛ ta.

Yela 69:1

N Naa Korowii, lɛɛ mɛ, n wenaale do kɛŋɔ nee aa sua dɛ ba maɡɛ n baŋa ta.

Yela 60:1

N Naa Korowii, he baah fa di ya nɛɛ dɛ vɛh yaa, he baah di ya nɛɛ te, kɛ berɛ lawɛ yaa ba he be taraken.

Yela 55:1

N Naa Korowii, no n wesoŋa, bɛ sie laa kpɔ waa maa dɛ soŋe nɔ ta,

Yela 45:1

Wobol aa wera su n nyoa, mɛɛ ba kpɔe ɡo yel tɛ kooro. N nyoa wobol do kɛŋɔ, kon nɛn waa jemɛ chwera kɛrɛdɛ, aa kpoŋa dɛɛ chwerɛ.

Yela 5:1

N Naa Korowii, cheɡ deŋne dɛ́ no n wesoŋa, dɛ́ no n hima maa dɛ hime nɔ.

Job Tɔn 10:3

A wer he be kɛŋɔ he fiɡ mɛ, dɛ́ vɛh kon he ɡbabir aa tao wa aa? Hɛɛ sɛh waa wechɔɡ-ɛɛra aa dɛ vɔrɔwe taa yaa?

2 Koranar 19:15

Asɛ dɛ soŋe Korowii ŋɔ, “N Naa Korowii Israel tena aa dɛ tomɛ, he so kena kwaa Kerobim doa. Korowii bɛlbwa toole ka ja he nɛ dɛɛ nyiŋi harɛre bwa ta. Henee ta nyundua ne harɛ.

Mmarare 33:2

O ŋɔ, “Korowii le Sinai Bwejen ta ba ya be, o ɛɡɔ le Edom kɛŋɔ wee ken, dɛ́ chaah o nɛra nɛɛ Paran bwe ta. Nyundua toroma kaɡboŋa fi ja o nɛ, ninlao do o diɡ bɔr.

Yela 50:1

Nemenɛ Korowii waa dɔ kpeɡri kohona yerɛ nɛra baa lɔ harɛ nɔ ta bobɛlbwa ba cheme, le wee leebɔr ba kaa wee cholibɔr.