Yela 8:1 - mzwDBL

¹ N Naa Korowii yaa dɛ tomɛ, he sɔn kan harɛ nɔ ta bobɛlbwa! Nɛra dɛ kpɛɛre kohona, aa tel nyundua bwa.

Yela 8:1 ပူးပေါင်းရင်းမြစ်များ

1 Koranar 8:27

N Naa Korowii, a ɛ kpela kɛŋɔ hɛɛ won ba so harɛ nɔ ta naa? Hale nyundua ɡba aa kanɛ tɛɛ kɛŋɔ he so. Maa lii kɛŋɔ hɛɛ won ba so Dea waa do jeɡa maa doa tɛɛ nɔ ta.

Yela 145:1

N Naa Korowii maa dɛ tomɛ, ne n kooro, mɛɛ jaame saŋ bɛlbwaa dɛɛ la.

Yela 148:13

Hé bwa kpɛɛ Korowii, dɛkalkɛŋɔ o sɔn laanee kana ɡwaa sɔn bɛlbwa, o jirima ɡwaa nyundua ne harɛ.

Yela 36:5

N Naa Korowii, he nyina aa wola jaɡa dɔe ɡwaa komɛlbwa, he kasinteŋ waa ɡe ta jaɡa dɔe.

Yela 57:5

N Naa Korowii, ɡel ya na he kan haa doa nyundua, ásɛ he jirima tɔ harɛ nɔ ta bwa.

Yela 63:1

N Naa Korowii maa dɛ tomɛ, n pɛla dɔe sibeɡra ne, n bambile lawɛ kɛ nyɔɡre aa dɛ kpo nɛn, wɛɛ nyin nee dɛ nyɔ, pua hɛŋle ɡbo harɛ ta, bela nee aa wola toole.

Yela 68:4

Hé ɡo yela kpɛɛ Korowii sɔn, hé kwaa ŋwɛnɛ tɛo, o le baama bini dɛɛ ba. O sɔne Korowii, hɛɛ hɛɡre o sie.

Yela 8:9

N Naa Korowii yaa dɛ tomɛ, he sɔn kan harɛ nɔ ta bobɛlbwa!

Yela 81:1

Hé ɡo silɛɛ yela kpɛɛ Korowii waa dɛ tɛ yaa bokpeɡa. Hé ɡo yela kohona kpɛɛ Korowii Israel tena aa dɛ tomɔ.

Yela 84:1

Nemenɛ Korowii, n bambile lawɛ he Dea kɛrɛdɛ.

Kaala 15:11

N Naa Korowii, voɡ bisoo do kɛ hen ɔ? He do ɡoroŋ ɡa, he jirima do kan kohona. Umee won nyokpowaa ɛɛ kɛ he nɔ?

Yelsom 5:16

O nyoa som ne moe, o wobɛlbwa wer tɛ mɛ. Jerusalam haahna, ɡɛ n sɛnodɛɛɡe aa doa mɛɛ nyinu kohona laanee la.

Aesaya 26:13

Korowii yaa dɛ tomɛ, nɛra banee fa dɛ nyiŋi ya nɛ, kɛ he ɡboo ya kpɔ jirima dɛɛ tɛ.

Habakuk 3:3

N Naa Korowii, he le Teman harɛ ta ba. He ɛ Korowii Haa Do Goroŋ dɛ le Paran Bwejen ta. He jirima tɔ nyundua, asɛ nɛra bwa ɛɛ kpɛɛre harɛ nɔ ta.

Matiu 22:45

Dɛ Devid fa yerɔ o dɔɔ raa, ŋwɛnɛ besoo taa a che Kristo la berɛ ba ɛ Devid naa ɔ?”

Amanesoma Jɔn Aa Chwera Tɔn 20:28

Asɛ Tɔmas ŋɔ, “N Dɔɔ, n Korowii!”

Ɛfesos 4:10

Nɛn waa tua la, o tentenee kaa nyundua dɛ ka do nyundujaɡla ásɛ dɛ won do bobɛlbwa.

Mmarare 28:58

Dɛ he ta duure kpɔe tɛ Korowii kɛrɛdɛ, dɛ no waa bwa aa lɔ tɔn nɔ bini nɔ, dɛ ɔmɛ o jirima ne o sɔnjen la aa,

Felepae 3:8

Kasinteŋ, komɛlbwa ne wobɛlbwaa n vɛh dɛɛ yera wepuu dɛ́ won jemɛ n Dɔɔ Yeesu Kristo. O jemaa hiaah ɡwaa komɛlbwa. N koh o waa dɛ ɡel wobɛlbwa ta, dɛɛ liira puldoa haahra, dɛɛ nyin ń won dɔ Yeesu Kristo kɛrɛdɛ,

Hibru 7:26

Maɡraa a den maɡre kɛŋɔ yaa dɔ Sɔfonomoa waa do kɛ Yeesu dɛɛ cha yaa. Doŋa bɛlbwa toole o nɛ, o tea too, o ne wechɔɡ-ɛɛra ta pɛɛ. Korowii tɛo nomonome dɛ keeru kaa o be nyundujaɡla.

Wepila 19:6

N berɔ no nɛnlaa tenten baa dɛ bol waa kɛŋɔ chuubu aa dɛ si la, a berɛ do kɛŋɔ bwaala aa dɛ kɔɡre kohona la. Ba ŋɔ, “Hé kpɛɛ N Naa Korowii! Korowii Waa Ɛ Koranar Bwa Kooro la dɛ di kora.