Yela 79:8 - mzwDBL

⁸ Bɛ ya naawa wechɔɡa baa ɛa kpɔ tɛr ya deŋne. Na ya sum warane, ya hwɛɡa bwa tonɔ.

Yela 79:8 ပူးပေါင်းရင်းမြစ်များ

Mumpar 15:16

He naanar bele banaarɛ ɛɛ ba kaaloo mɔɔ, he naanar berɛ ba harɛ nɔ ta, dɛkalkɛŋɔ Amɔre tena wechɔɡa baa dɛ ɛ la ta tele kɛ bá dɔ deŋnetɛra mɔɔ.”

1 Koranar 17:18

Anee luhaah la ŋɔ Elaeja be ŋɔ, “Korowii keame, bɔkwa waa he ɛɛ mɛ ken? He balɔ dɛ́ ba lii mɛ n wechɔɡa maa ɛa wa dɛ́ kpo n bie kɛɛ?”

Yela 106:43

Keraŋwɛnɛ bwaa he lɛ he nɛra, kɛ dɛ ba sie ta lɔ lwɛmkpeɡ we-ɛɛla ta, a kaa ba ne wechɔɡa kohona ta.

Yela 116:6

Nɛra baa wola won cha ba te la, Korowii kpɔ nɔn dɛɛ tɔ ba nɛ. Gɛ saŋ maa lɔ sibeɡra ta la, o lɛɛ mɛ.

Yela 130:3

Dɛ he fe chwerɛ nɛn wechɔɡa waa dɛ ɛ dɛɛ bil aa, umee dɛ́ fe leɔ?

Yela 142:6

Cheɡ deŋne no n wii, dɛkalkɛ n siwi beɡrɔ. Lɛɛ mɛ le n dɔma nɔn ta, ba kpeɡri ɡwaa n nɛ.

Yela 21:3

He swee andɛɛɡa tɛo kohona, dɛ kpɔ suuɡaswɛm kooɡbɛrɛ tenten piu.

Yela 25:7

N Naa Korowii, bɛ n bonɔɔne saŋ wechɔɡa, ne deŋnekpeɡ we-ɛɛla lii. Che he nyina aa wola jaɡa dɔe ta, dɛɛ lii n wa, dɛkalkɛ he waa wer.

Kaala 32:34

He te tɔ nɛra la sie kaa bela maa chaɡle la. Mɛɛ ɡeloo n torome tɔ he sie. Kɛ dɛ tɔpere maa tɛr ba deŋne ba wechɔɡa baa ɛa la telaa, mɛɛ tɛr ba deŋnee.”

Aesaya 64:9

Bɛ ɡel he baah di ya nɛɛ kohona, bɛ ya wechɔɡa waa kpɔ do he nyu bini saŋ bɛlbwa. He nɛraa yaa, na ya sum.

Ɛsekeɛl 2:3

Korowii berɔ ŋɔ, “Nɛwɛnyini bie, n dɛ tomɛ n nɛra Israel tena be. Nɛra ba deŋne aa kpeɡa, ba ne ba naawa vɛɛh mɛ le saŋ la ba le fini.

Daneɛl 9:16

N Naa Korowii, ɡɛ aa cheɡɛ he we-ɛɛla aa toɡra ta he cha yaa wubwa la, laa he bwaawee ne bandia kohona la kpɔ he bwɛjen Jerusalam, he Saayɔn Bwejen la ta. Ya ne ya naawa wechɔɡaa ɡela nɛra baa soɡa bar yaa la ɛɛ mamɛ Jerusalam ne he nɛra.

Hosia 8:13

Ba kpɔ kwaa ɛ saraha tɛ mɛ dɛɛ chwe a ola, men Korowii, n sie aa a ta lɛ. Mɛɛ lii ba wechɔɡa baa dɛ ɛ laanee, dɛ́ tɛr ba deŋne a wa. Baa berɔ kaa Ijipt harɛ ta.

Hosia 9:9

Ba nɛra sen yawa lɛ ba liire to, kɛŋɔ ɡɛ saŋ ba fa aa lɔ bwɛjen Gebea la. Korowii ɛɛ lii ba nyubinikpeɡ laanee, dɛ́ tɛr ba deŋne a wa.”

Mmarare 28:43

Hɔɔhra baa so he bini la ɛɛ nao dɛɛ dɛɡ, dɛɛ di kpeɡri he nɛ, ásɛ he te na dɛɛ kaa mun ta.

Wepila 18:5

O wechɔɡa daŋɔ tel Korowii doa, Korowii kpaŋro bil.