Yela 79:11 - mzwDBL

¹¹ No nɛra baa laɡ ba do dea la hima baa dɛ hime. Che he kpeɡri ta, dɛ́ lɛ nɛra baa dɛ ba ba kpoora.

Yela 79:11 ပူးပေါင်းရင်းမြစ်များ

Yela 102:20

dɛɛ no nɛra baa laɡ ba do dea hima, dɛ́ lɛɛ ba le kpoora baa dɛ ba ba kpoora ta, dɛ́ ɡel ba dɔ ba te.

Aesaya 42:7

Hɛɛ ɡeloo nyoŋa sibie pili, ba won dɛɛ na, ne banɔ la baa do ba dea, ba do biro tenten ta.

Aesaya 33:2

N Naa Korowii, na ya sum, he bee ya hwɛɡa bwa do. Nyiŋi ya nɛɛ he kpeɡri ne tɔpere bɛlbwa. Lɛ yaa dɛɛ le wenaale ta.

Yela 69:33

Korowii dɛ no nɛŋɡwɛɡra wii, waa nɛra baa laɡ ba do dea waa soh.

Yela 12:5

N Naa Korowii ŋɔ, “Mɛɛ bao, fiiɡa baa dɛ fiiɡi nɛŋɡwɛɡra, ne pɛma nyaara aa dɛ pɛmɛ la wa. Mɛɛ lɛɛ ba so deŋnesɔɔhna ta.”

Ɛfesos 3:20

Hɛ́ɛ tɛ Korowii sɔn! Onee cheɡɛ o kpeɡri waa kpɔa dɛɛ ɛ toma ya bini la ta dɛ won ɛ waa aa ɡwaa ɡɛ ya fe aa liira dɛɛ soŋo la.

Matiu 6:13

Dɛɛ ke yaa wechɔɡa luɡri ta. Le yaa musu ta. He kora dii, ne he kpeɡri, ne he jirima ta jaɡa dɔe bwa. Aamen.’

Yela 102:21

Anomanta, baa kpɛɛ Korowii sɔn bwɛjen Saayɔnee, dɛ́ kpɔ duure tɛo Jerusalam,