Yela 79:10 - mzwDBL

¹⁰ Ɛrɛɛ harɛre nɛra ɛɛ bɔɔ yaa ŋɔ, “Leperaa Korowii haa dɛ tomɔ dɔɔ nɔɔ?” Tɛr nɛra baa kpoo he bonɔɔna deŋne, ya siwi ta bonɔ.

Yela 79:10 ပူးပေါင်းရင်းမြစ်များ

Yela 42:10

N hoɡa bwa dɛ wee mɛ, n dɔma aa dɛ muɡli n baah la wa, dɛɛ bɔɔ mɛ tɔpere bɛlbwa ŋɔ, “Leperaa Korowii haa dɛ tomɔ la dɔɔ?”

Wepila 18:20

Korowii doa tena ne Korowii nɛra he wa aa toɡra, ne Yeesu toroma, dɛ Korowii keamere, hé ɡel he sie lɛ a wa, dɛkalkɛ Korowii tɛr o deŋne wechɔɡa waa kpɔa ɛ heyaa la wa.”

Maeka 7:10

Belaa ya dɔma ɛɛ ba a nae ásɛ sihiih kpo ba. Banee fa muɡli ya baah ŋɔ, “Leperaa Korowii haa dɛ tomɔ la dɔɔ tenɔ?” Yaa soo dɛ́ na ba chola, baa tiɡri ba nɛɛ kɛŋɔ baa dɛ tiɡri kpechɛɡre ta ken fɔɡbaahna.

Yela 115:2

Ɛrɛɛ harɛre nɛra ɛɛ bɔɔ yaa ŋɔ, “Leperaa Korowii haa dɛ tomɔ la dɔɔ nɔɔ?”

Yela 94:1

N Naa Korowii, henee dɛɛ tɛr nɛra deŋne, ɡel ba na he bandia.

Yela 42:3

Sinii ber mɛ kondikwa, chɔɔ ne jwaana bwa. Saŋ bɛlbwaa n dɔma ɛɛ pɛɛ mɛ ŋɔ, “Leperaa Korowii haa dɛ tomɔ la dɔɔ?”

Kaala 7:5

Mɛɛ baɡle n kpeɡri Ijipt harɛɛ, dɛ́ chɔɡ ba, dɛ́ lawɛ n nɛra Israel tena le, ásɛ Ijipt tena bwa jemɛ kɛŋɔ menee Korowii.”

Kaala 6:7

Mɛɛ kpɔ heyaa ɛ n nɛra, ásɛ n ɡe ɛ Korowii haa dɛ tom mɛ. Anee dɛ́ ɡel he jemɛ kɛŋɔ menee Korowii haa dɛ tomɛ n lɛ heyaa le Ijipt tena nɔn ta.

Tɔn Pɔɔl Aa Chwerɛ Rom Tena 12:19

Yabala, nɛra ɛ heyaa wechɔɡa aa, he bɛ ane ɛ dɛɛ bɔ kem. Hé kpɔ tɛ Korowii. O baah dɛ di ba nɛɛ taeh. On dɛ bɔ ba kem, dɛkalkɛŋɔ ba chwerɛ Korowii Tɔn bini ŋɔ, “Korowii bolɔ ŋɔ, ‘Mɛɛ tɔ a peɡee, mɛɛ bɔ ba a kemee.’ ”

Joel 2:17

Hé sɔfore haa dɛ tomɛ Korowii o Dea doonyoa ne saraha kon baah ta la, hé wi dɛ́ soŋo ŋɔ, “Ya Naa Korowii, sune yan yaa ɛ he nɛra nɛ, bɛ ɡel harɛ nɛra bane mamɛ yaa dɛ́ ŋɔ, ‘Leperaa Korowii haa dɛ tomɔ la dɔɔ?’ ”

Ɛsekeɛl 36:23

Mɛɛ baɡle ɡɛ n sɔnjen la aa do ɡoroŋ, n sɔn haa chɔɡo tɛ harɛre nɛra la. Ásɛ harɛre nɛra la bwa jemɛ kɛŋɔ menee Nemenɛ Korowii. He nɛɛ mɛɛ ba cheɡa, dɛ́ chaɡle kɛŋɔ n do ɡoroŋ ba siwi ta.

Jeremia 51:35

Hɔhɔrɔwa bɛlbwa yaa naa bwa dawɛ Babelɔn harɛ nɛra nɛ. Ya seo kembɔr bwa ɡure nɛra baa lɔ Babelɔn nyu ta.”

Yela 58:11

Belaa nɛra ɛɛ ba ŋɔe ŋɔ, “Kasinteŋ, nɛra ba wa aa toɡra dɔ ba kembɔr, Korowii lole kpela, dɛ bol nɛra waa dɛɛ pa bole, harɛ nɔ ta.”

Yela 9:16

Hen Korowii cheɡɛ bole haa dɛ pa a toɡre la ta, dɛ ɡel nɛra jemɛ, nyubinikpeɡ tena ɡbaɡba we-ɛɛla laɡ ba.

Mmarare 32:43

Harɛre nɛra, hé pu Korowii nɛra hɛɡre. Korowii dɛ tɛr nɛra baa dɛ kpoo o nɛra deŋne. O dɛ bɔ ba dɔma kem dɛɛ tɛɛ ba, dɛ kpɔ o nɛra wechɔɡa dɛɛ kɛ ba.”

Yela 42:4

N lii n saŋ la aa, dɛ n bambile chɔɡɔ, n ne nɛnlaa bwa fa yon la hen Korowii Dea, ásɛ n tɔ ba sie ba teŋɛ, ba sie lɛ ba ɡo yela, dɛɛ hɛɡre dɛɛ kpɛɛre.

Yela 42:11

Ɛrɛɛ tebinichɔɡ su n bwa ken? Ɛrɛɛ n bambile chɔɡ ken nɔɔ? N kpɔ n hwɛɡa bwa dawɛ hen Korowii nɛ, dɛ berɛ kwaa dɛɛ kpɛɛre ja, henee Korowii maa dɛ tomɛ, henee n Lɛɛ.

Aesaya 64:1

N Naa Korowii, ɛrɛɛ haa wola nyundua pere dɛ́ ba harɛ nɔ? Bwejena fe ɛɛ nae dɛ́ ɔmɛ, dɛ́ yiiɡi.

Jeremia 51:24

He siwi taa mɛɛ ba bwɛjen Babelɔn ne nɛra baa soɡe Babelɔn harɛ ta kem bɔe, wechɔɡa baa ɛa Jerusalam la wa. Men Korowiirii bola.

Wiile 1:22

Pa ba bolchɔɡe ba wechɔɡa baa ɛa wa, dɛ́ tɛr ba deŋne ɡɛ haa tɛr n deŋne n wechɔɡa waa nɔ. N hima kan kohona n jum jah.”