Yela 78:8 - mzwDBL

⁸ Baa doe ba kɛŋɔ ba naawa, ba ɛ bambikpeɡ tena ne nɛra baa wola waa bu. Baa ba te kpɔe dɛɛ dawɛ Korowii nɛɛ kɛrɛdɛ, ba waa ta kasinteŋ dɔe tɛo.

Yela 78:8 ပူးပေါင်းရင်းမြစ်များ

2 Koranar 17:14

Kɛ Israel tena ta noɛ, dɛ ɛ deŋnekpeɡ kɛŋɔ ɡɛ ba naawa aa wola Korowii baa dɛ tomɔ yaradae la.

2 Webena 12:14

Kooro Rɛhoboam ɛ wechɔɡa dɛ jo Korowii nɛ, dɛkalkɛ o ta o bambile bwa kpɔe tɛ Korowii.

2 Webena 19:3

Kɛ he ɛ wedɛɛɡa tama ane, dɛkalkɛ he teŋni voɡ Asera daa nɛra aa dɛ tomɛ le he harɛ ta, dɛɛ teŋɛ waa Korowii aa dɛ nyin ta.”

2 Webena 20:33

Deŋɡarere voɡtoroma aa dɛ tomɛ voɡa la te, o ta an chɔɡɛ. Ba ta ba bambile bwa kpɔe tomɛ Korowii ba naawa fa aa tomɔ la.

2 Webena 30:19

“N Naa Korowii ya naawa aa tomɛ, che he wer haa doa ta dɛ́ kpɔ kɛ nɛra baa dɛ tomɛ bambile bwa ne nɔ, a lole kɛŋɔ ba ta doŋa laa kpɔ ba nɛ.”

2 Webena 30:7

He bɛ do kɛ he naawa ne he bala Israel tena ba waa fa aa wola kasinteŋ dɔe tɛ Korowii baa dɛ tomɔ la, asɛ o tɛr ba deŋne kohona ɡa he siwi ta la.

Job Tɔn 11:13

Job, kpɔ he bambile bwa tɛ Korowii, dɛɛ soŋo.

Yela 106:7

Ya naawa fa ta hen Korowii nyokpowe-ɛɛla waa mun noɛ, ɡɛ saŋ baa lɔ Ijipt harɛ ta la. Ba soh nyina haa nyin ba la keraŋwɛnɛ bwa, dɛ ɛɛ deŋnekpeɡ Mposwɛm la ta.

Yela 68:6

Korowiirii tɛ nɛra baa nya nɛra bɔr, ba yon so, dɛ le nɛra baa do ba dea, dɛ ɡel ba sie lɛ baa di ba nyu. Bambikpeɡ tena te, harɛ waa chɔɡa taa baa ba soɡa.

Yela 78:37

Baa o waa ta teŋɛ, baa fɔo o ne baa fɔwa la ta teŋɛ.

Yela 78:40

Keraŋwɛnɛ bwaa ba ɛ deŋnekpeɡ o nɛ, pua hɛŋle ɡbo harɛ ta, dɛ teŋɛ ɡel o bambile chɔɡ.

Yela 78:56

Kɛ ba ɛ Nemenɛ Korowii deŋnekpeɡ, dɛ daahno na, ba vɛh o Mmarare ta teŋa.

Kaala 32:9

Korowii ŋɔ Mosis be ŋɔ, “N na ɡɛ baa ɛa bwa. Ba ɛ deŋnekpeɡ nɛra.

Kaala 33:3

Harɛpare ondɛɛɡe taa hɛɛ kaa la. He deŋne aa kpeɡa nomanta, n ne he laa dɛɛ ba kaala ásɛ n ken ka kpoo heya ŋwɛnɛ ta.”

Kaala 33:5

Dɛ Korowii fa ŋɔ Mosis bol Israel tena la be ŋɔ, “He ɛ deŋnekpeɡ nɛra. Dɛ n ŋɔ n ne he kaa laa, dahara bonɔ tentenee n fe kpoo heya. Amɔ bɛlbwa laa o suuɡaswɛm kwaa la kpɔ, ásɛ mɔɔ n na ɡɛ maa ɛ heya.”

Kaala 34:9

Dɛ ŋɔ, “N Naa Korowii, dɛ he sie lɛ n nɛ aa, n dɛ soŋe he ja ya nɛɛ kaa. A lole kɛ ba deŋne kpeɡri, kɛ kpɔ ya wechɔɡa kɛ yaa, ásɛ dɛ kpɔ yaa ɛ he nɛra.”

Aesaya 30:9

Ba ɛ nɛra baa dɛ lɛ ɡaeh ne nyosonteŋna. Ba ɛ nɛra baa vɛh Korowii waa noe.

Ɛsekeɛl 20:18

N bol ba bii be pua hɛŋle ɡbo harɛ ta bela ŋɔ, ‘Hé nyiŋi kɛrɛdɛ dɛ bɛ he naawa we-ɛɛla kɛɛ mmarare kɛɛ ba voɡa nɛɛ teŋɛ, dɛ́ kpɔ doŋa kah he te.

Ɛsekeɛl 20:8

Kɛ Israel tena ɛɛ mɛ deŋnekpeɡ, baa n waa no, ba ta voɡa la pae ta, ba ta Ijipt tena voɡare maa kia la ɡe ta leɛ. Anomanta, n ŋɔ mɛɛ kpɔ n bandiaa ba ta ba nɛɛ Ijipt harɛ ta.

We-ɛɛla 11:23

Waa la bela dɛ ka na ɡɛ Korowii aa nyin ba dɛɛ cha ba la, o sie lɛo. Anomanta, o ja ba dɛ do ba ɡbemba ŋɔ báa teŋɛ Yeesu ŋwɛnɛ ta ba bambile bwa ne.

We-ɛɛla 7:51

Asɛ Steeven ɛɛ bol waa dɛ ŋɔ, “Deŋnekpeɡ tena, ɛrɛɛ he bambili do kpeɡri kɛŋɔ nɛra baa wola Juu tena ɛɛ nɔɔ? Ɛrɛɛ haa wola Korowii Waa no ken? He ne he naawa bwa beŋkpoŋ, haa Korowii Domadɛɛɡe la waa nyin dɛ́ no saŋ te bɛlbwa.

Mmarare 31:27

Mosis ŋɔ sɔfore la be ŋɔ, “N jemɛ he lwɛmkpeɡ ne he habɔɔ bera dɛ́ kpo Korowii wa. Hale n ne haa lole n ta sewɛ mɔɔ nɔ, he fa berɛ habɔɔ kpo Korowii. Hɛ́ɛ ɛo ɡwaa ɡɛ n seo habɔɔ.

Mmarare 4:4

Kɛ he banɔ la haa kpɔ he te pɛl Korowii haa dɛ tomɔ la te ta lole fini.

Mmarare 9:13

Dɛ berɛ ŋɔ, ‘N na nɛra nɔ kɛŋɔ ba ɛ lwɛmkpeɡ tena kohona!

Mmarare 9:24

Le ɡɛ saŋ maa jemɛ heyaa bwaa he le ɛ Korowii lwɛmkpeɡ.

Josua 22:15

Asɛ ba la Gelead harɛ ta bela Rubin ne Gad deene, dɛ Manasɛ dea pera la be ka ŋɔ,

1 Samoɛl 8:8

Gɛɛ ba ɛɛ mɛ dɛ le ɡɛ saŋ maa le ba ne Ijipt harɛ ta. Ba vɛɛh baa vɛɛh mɛ dɛ kaa tomɛ harɛre ane voɡa la taa ba ta do ba le fini, dɛ kpɔ dɛɛ ɛ he ɡe la.