Yela 78:72 - mzwDBL

⁷² Devid nyiŋi ba nɛɛ bambile bwa ne, dɛ tɔ ba sie wejema ne.

Yela 78:72 ပူးပေါင်းရင်းမြစ်များ

1 Koranar 9:4

Dɛ hen Solomɔn tom mɛ kɛrɛdɛ, dɛ teŋɛ me Mmarare ne waa maa doe a ta ɡɛ he mɛɛ Devid aa ɛa la aa,

2 Timoti 2:15

Takapɔ kpɔ he te tɛ Korowii, ásɛ he waa su o siwi kɛ nɛn waa dɛ ɛ o Korowii toma kɛrɛdɛ sihiih aa wola hen kpo, dɛ́ lawɛ kasinteŋ waa la bini kpoŋe kɛrɛdɛ.

We-ɛɛla 13:22

Korowii leo kora la ta, dɛ kpɔ Devid so. Korowii bol Devid waa ŋɔ, ‘Jese bie Devid waa too n tea, dɛkalkɛ onee n na kɛŋɔ wɛɛ ɛ n tetoowaa bwa maa dɛ nyin kɛ o ɛ.’

Jems 1:5

Dɛ wobɛlbwa pu heyaa hɛɛ nyin a wejema aa, hé soŋe Korowii ásɛ o tɛ heya. O tea chɔ pɛɛ, waa nɛn kon tɛ o waa berɛ dɛɛ we o nɛ. Wɛɛ tɛ heyaa.

We-ɛɛla 13:36

Gɛ saŋ Devid aa lole la, o ɛ Korowii tetoowaa kɛrɛdɛ mɔɔ dɛ sewɛ, asɛ ba huɡo o naawa chɔɔbɔr, o bwadabii pɔh.

Yela 75:2

Korowii ŋɔ, “N le saŋ bɛl cheɡ dɛ́ bol nɛra wa, dɛ́ pa bole aŋwɛnɛ ta.

1 Koranar 15:5

Kooro Devid ɛ waa aa wera Korowii be, o ta wobɛlbwa Korowii aa doo a ta kone o soɡa bini bwa. Atane Uria Hiti te la ɡbo waa ta.

1 Koranar 3:28

Israel tena bwa aa no ɡɛ Kooro Solomɔn aa pa bole la, a ɛɛ ba nyokpoa, ba na kɛŋɔ Korowiirii tɛo wejema o kpɔ pa bole aŋwɛnɛ ta la.

2 Samoɛl 8:15

Kooro Devid di kora Israel harɛ bwa, dɛ nyiŋi o nɛra waa aa toɡra ne kasinteŋ ne.

Ɛsekeɛl 34:2

“Nɛwɛnyini bie, bol waa aa dɛ ba Israel nomonome baa do kɛŋɔ peteɡra nɛɛ bala, dɛ́ ŋɔ men Nemenɛ Korowii ŋɔ, ‘Hé bwɛɛlɛ! He ɛ peteɡra haa wola he peera nɛɛ nyiŋi, he ɡbo waa hiah heya. Hé laa chɛ kɛŋɔ hɛ́ɛ nyiŋi a nɛ aa?