Yela 78:12 - mzwDBL

¹² O ɛ nyokpowaa ba naawa siwi ta, Soan harɛ waa chɔa kaa dɛ do Ijipt harɛ ta.

Yela 78:12 ပူးပေါင်းရင်းမြစ်များ

Nɛra Kura 13:22

Ba kpɔ Nɛɡɛv waa ɛ pua hɛŋle ɡbo harɛ weekaŋle harɛbɔr dɛ ka tel Hɛbrɔn. Dɛ nɛra bane baa dɛ yer ba Anak naanar soɡe bela. Banee Ahiman ne Sɛsae dɛ Talmai tena. Dɛ ba vɔrɔwe Hɛbrɔn bene anuanɛ mɔɔ dɛ vɔrɔwe Soan waa lɔ Ijipt harɛ ta.

Ɛsekeɛl 30:14

Mɛɛ chɔɡ Ijipt harɛ weekaŋle harɛbɔree o chɔ pɛɛ, dɛ́ fuh bwɛjen Soan waa lɔ weekaŋle nyunduabɔr ɡe, dɛ́ ba tɛr Tebes waa ɛ ba bwɛjen la tena ɡe deŋne.

Aesaya 19:11

Nomonome baa chɔ Ijipt bwɛjen Soan nyoa la ɛ ɡɛna, nomonome baa jemɛ waa dɛɛ ja Ijipt kooro la aa on liidɛɛɡa tɛ. Aah, hɛɛ won ŋɔ Ijipt kooro be ŋɔ, “N ɛ wejereme kɛŋɔ saŋ la tena wejerema ne koranar la bini bɛl aa?”

Aesaya 19:13

Nomonome baa chɔ Soan nyoa berɛ ɡɛna, Mɛmfes nomonome ɡe wili. Banee fe chɛ kɛŋɔ ba tɔ Ijipt tena sie, dɛ berɛ ɡel ba nyoɡre.

Yela 135:9

O ɛ nyokpowaa Ijipt tena bini, dɛ tɛr Ijipt kooro ne o nomonome bwa deŋne.

Kaala 7:1

Asɛ Korowii ŋɔ Mosis be ŋɔ, “Dɛɛ no. N dɛ ba ɡela he do kɛŋɔ men Korowii ken Ijipt tena kooro sie, ásɛ he dɔɔ Arɔn ɛ keame dɛɛ bol waa o be.

Yela 106:22

Nyokpowaa haa ɛa Mposwɛm ta, ne ɔmewaa haa ɛa bela kan kohona.

Nehemia 9:10

He ɛ nyokpowe-ɛɛla baɡle Ijipt kooro, ne o nomonome dɛ harɛ la tena bwa. Dɛkalkɛ he na ɡɛ baa fiiɡi he nɛra, dɛ lɛ sɔn o ta chɔ le ba le fini.

Mmarare 6:22

Ya siwi ta, Korowii ɡelɔ nyokpowaa ne wejena aa do ɔma kohona chole Ijipt harɛ ta, ne kooro ne o dem tena bwa nɛ.

Mmarare 4:34

Voɡ bɛl wono che nyokpowe-ɛɛla ta dɛ lawɛ o nɛra le nɛra bane harɛ ta, ɡɛ Korowii aa ɛa tɛ heyaa ɡɛ saŋ haa lɔ Ijipt harɛ ta la kaa? O cheɡɛ o kpeɡri waa kana kohona la ne hɔhɔrɔwa ne laa ne nyokpowe-ɛɛla dɛ waa aa do ɔma ta, dɛ lawɛ heyaa le.

Mumpar 32:3

Belaa Jekɔb tomɛ toroma ŋɔ bá tɔ o sie dɛ́ kaa o dɔɔ Esɔ be. Dɛ Esɔ soɡe harɛ bɛl baa dɛ yerɛ bela Edom.

Josua 9:9

Ba ŋɔ, “Bojaŋ harɛ bɛl taa he bonɔɔna le, noe ya no Korowii haa dɛ tomɔ la wa. Ya no wejena waa ɛa Ijipt harɛ ta,

2 Koranar 17:7

Samaria chɔɡɔ dɛkalkɛ, dɛ Israel tena ɛ wechɔɡa dɛ jo Korowii baa dɛ tomɔ nɛ. Kɛ ane a bwa, dɛ Korowiirii lɛɛ ba le Ijipt harɛ, Ijipt kooro nɔn ta. Dɛ ba dɛ tomɛ voɡa ɡe,