Yela 77:8 - mzwDBL

⁸ O nyina aa wola jaɡa dɔe la toole ya nɛɛ kpa aa? Nyoa waa baɡɛ yaa la toole kpa aa?

Yela 77:8 ပူးပေါင်းရင်းမြစ်များ

2 Pita 3:9

Korowii aa o nyobaɡa ta too, ɡɛ bane aa dɛ lii kɛŋɔ Korowii biɡri o nyobaɡa waa baɡa ŋɔ ya Dɔɔ Yeesu ɛɛ bao la. Bambilee o dɔ tɛ heya, dɛkalkɛ waa nyin kɛ nomɛlbwa chɔɡ ta. O dɛ nyin kɛ nɛra bwa charɛ ba liire dɛ́ le ba wechɔɡa ta mɔɔ o ba.

Tɔn Pɔɔl Aa Chwerɛ Rom Tena 9:6

N ta ŋɔe ŋɔ Korowii vɛh o nyobaɡa la ta teŋa, kɛ Israel tena bwa laa Korowii le kɛ o nɛra.

Nɛra Kura 23:19

Korowii ta nɛwɛnyini ɛɛ wɛɛ teŋe nyosone, kɛɛ nɛn dɛ́ charɛ o liire. O dɛ bol waa dɛ́ ɡel a ɛɛ yaa? Wɛɛ baɡɛ nyoa waa a taa teŋaa?

Nɛra Kura 14:34

Bene fifraanaarɛɛ hɛɛ ba he deŋnetɛra kembɔr dɔe, benanyoa bɛlbwa cheɡɔ tɛ tɔpera fifraanaarɛ la tɔpebeŋkpoŋ haa kpɔa ka sɔh nyiŋi harɛ la. Ásɛ he na kɛŋɔ men Korowii, dɛ n ŋɔ mɛɛ tɛr he deŋne yaa, dɛ a ɛ sibeɡra.’

Jeremia 15:18

Ɛrɛɛ n bonyɛɡa aa wola tonɛ, asɛ ba do mɛ bol kohona, maa wola chaah dɔ nɔɔ? He do kɛŋɔ nenabɔɔ kɛɛ bule hwel saŋ, nee aa wola toole a ta tɛ mɛ kɛɛ?”

Aesaya 27:11

Dɛ a holaa, a kuuɡo dɛɛ lee, ásɛ haahna yon ba paa kaa mar. Israel tena aa waa mun no. Anomanta, Korowii tea aa ba nɛɛ domɛ. Onee ta ba, kɛ waa ba sum na.

2 Samoɛl 14:14

Ya bwa ɛɛ serewoo kɛŋɔ baa fuɡe nee ta aa palɛ harɛ, baa wola won berɛ boa a nyoa kpa la ken. Kɛ Korowii aa ɡel nɛn waa sewa berɛ ba mkpa ta, kɛ kooro fe ɛɛ won che ŋwɛnɛ bɛl ta, dɛ́ ɡel nɛn baa lawɔ laa ta kaa bojaŋ harɛfale ta berɛ ba o harɛ ta.

Yela 13:2

Saŋ besoo waa aa dawɛ n nɛɛ nɔ ɛɛ ba a jaɡa bala ɔ? Bɛweeree tebinichɔɡ aa lɔ n nɛɛ chɔɔ ne jwaana nɔ, ɛɛ ba tona ɔ? Saŋ besoo n dɔma pɔ n nɛɛ ka tel ɔ?

Yela 74:1

N Naa Korowii, ɛrɛɛ he den vɛh yaa kwaraa ɡɛ nɔɔ? Saŋ besoo hɛɛ nyin he baah di he ɡbabir nɛra nɛɛ ka tel ɔ?

Yela 85:6

Berɛ tɛ yaa bokpeɡfala ja, ásɛ yan yaa ɛ he nɛra nɔ kpɛɛre.