Yela 76:8 - mzwDBL

⁸ Nyundua he che bol nɛra waa dɛɛ pa bole, asɛ harɛ nɔ ta nɛra ɔmɛ dɛ hel jeih ken,

Yela 76:8 ပူးပေါင်းရင်းမြစ်များ

2 Koranar 22:13

“Hé la ka bɔɔ le Korowii be tɛ n ne nɛra baa ka Israel ne Juda, tɔn nɔ baa ɡaaɡa dɛ ka nao nɔ wa. Korowii baah di n ne Juda harɛ nɔ ta nɛra bwa nɛɛ taeh, dɛkalkɛ ya naawa ta waa aa lɔ tɔn nɔ bini nɔ ta teŋɛ.”

1 Webena 16:25

Korowii kan, a chɛ kɛ ya kpɛɛro kohona, onee chɛ kɛ ya kpɔ duure tɛ dɛ ɡwaa voɡa.

1 Webena 16:30

Harɛ nɔ ta nɛra bwa ɛɛ chel o sie! O ta harɛ o che kiŋkiŋ, waa wola yiiɡi.

Nehemia 1:5

“N Naa Korowii haa dɛ di kora nyundua, he kan dɛ do ɔma kohona. He dɛ teŋɛ fɔo he ne nɛra baa dɛ nyini aa fɔwa, dɛɛ teŋɛ he Mmarare ta kasinteŋ ne.

Job Tɔn 25:2

“Korowiirii dɔ kpeɡri komɛlbwa ta, a chɛ kɛŋɔ bɛlbwa ɔmɔ, o ɡelɔ deŋnesɔɔhna do o be nyundua bela.

Yela 46:10

Korowii ŋɔ, “Hé ɡel yoi, dɛ́ jemɛ kɛ menee Korowii, menee kana harɛre nɛra bwa bini, n dɔŋ toole harɛ nɔ bwa ta.”

Kaala 19:10

Anee Korowii ŋɔ Mosis be ŋɔ, “La nɛra la be dɛ́ ka ŋɔ ba le fini ne kere dɛ́ sɔ ba doŋa bwa ta, dɛ́ do ɡoroŋ n be pera. Bá chɛɡɛ ba laala,

Jeremia 10:10

Kɛ hen N Naa Korowii, he waa dɔ kasinteŋ, henee kooro haa lole saŋ bɛlbwa. He baah diu waa, harɛ bwa dɛ chel, harɛre nɛra aa won che he bandia nyoa.

Jeremia 49:19

Gɛ nyujente yon le Jɔɔdan Moo kɔr bini ba kaa harɛdɛɛɡe ta ka di la, ɡɛɛ men Korowii ɛɛ ba Edom tena doŋa le ba harɛ ta. Ásɛ nomoa maa leo la tɔ ba sie dɛɛ nyiŋi ba nɛ. Umee bá won kpɔ maɡ mɛ nɔ? Nomɛlbwa aa won tɔŋle mɛ. Kooro besoo dɛ́ won che n sie nɔ?

Neehum 1:6

O baah diu waa, umee dɛ́ won che a nyoa ɔ? Umee dɛ́ won ba o sie o bandichɔɡe ta nɔ? O baah diu kohona naa, a do kɛŋɔ baa fuɡe nii ta ken, bwea bwa dɛ peɡri burbur ken o sie.

Habakuk 2:20

Korowii lɔ o Dea waa do ɡoroŋ bini. Nɛra haa lɔ harɛ nɔ ta, hé bwa hel o sie.”

Sekaria 2:13

Nɛwɛnyina bwa hel Korowii sie, dɛkalkɛ o iro le o boɡoroŋ bela waa lole.

Sitɔɔla 5:20

Hale weweela kwara aa lɔ nyundua, iro dɛɛ yo Sisera.