Yela 76:6 - mzwDBL

⁶ Korowii Jekɔb aa dɛ tomɛ, haa aah ba la, ba jaɡre ne nɛra baa soɡe a ta bwa serewɔ.

Yela 76:6 ပူးပေါင်းရင်းမြစ်များ

2 Samoɛl 10:18

Kɛ Siiria laa tena ta wone che Israel laa tena la sie. Kooro Devid ne o laa tena kpoo nɛra baa soɡe kwaa aa do kɛŋɔ torɔɡore bini lafraanuanɛ, ne laa tena kaɡboŋa fifraanaarɛ baa dɛ valɛ. Ba kpo Sobak waa chɔ ba laa tena nyoa la ɡe.

2 Koranar 19:35

Ate, awola jwaana, Korowii nyundua torome la bela Asiiria laa tena aa lole la, dɛ ka kpoo ba bini kaɡboŋa lafa fifraanuatoro dɛ banue. Nɛra iro chɔɔ dɛ ba na ɡɛ nɛra la aa serewa chɔ bobɛlbwa.

2 Webena 32:21

Asɛ Korowii tomɛ nyundua torome bɛl o ba kpoo Asiiria laa tena ne ba laa sitɔɔla, dɛ nomonome baa lɔ bela baa soɡa bwa. Anomanta, Koojen Senakerib kpɔ sihiih berɛ ba kaa Asiiria harɛ ta. Waa laŋa la, o kaa jo o voɡ dea, asɛ o bibaala bane ka kpoo keri ne.

Yela 104:7

He kɔr neerare dɛ ɡel a hweeh, he kɔra la ɡelɔ a nee la palɛ kaa warane.

Yela 18:15

N Naa Korowii, nyɛɡa haa nyɛɡ he dɔma nɛ, ne he bandia kohona nomanta, a ɡelɔ mpo vile bwa hweeh dɛ chɔ pɛɛ, harɛ mumpar ɡe chɔ pɛɛ.

Yela 80:16

Ya dɔma chɔɡ yaa kɛŋɔ baa teŋe da, dɛ kpɔ do nii ta o fuh la ken. Gel he baah di ba nɛ, he chɔɡ ba.

Kaala 15:1

Belaa Mosis ne Israel tena la ɡo yel kpɛɛ Korowii ŋɔ, “Mɛɛ ɡo yelee kpɛɛ Korowii, dɛkalkɛ o lɛ sɔn kohona. O kpɔ jaɡre ne nɛra baa soɡe a ta bwa ka do mpo bini.

Kaala 15:10

Kɛ haa hweera kerabeŋkpoŋ ɡbo la, a ɡelɔ mpo nee bɔle banɛ. Ba sirimo kɛŋɔ kpana aa sirimi vil bini la ken.

Kaala 15:21

Asɛ Miriam ɡo yel dɛ ŋɔ, “Hé ɡo yela kpɛɛ Korowii. O lɛ sɔn kohona ɡa. O kpɔ jaɡre ne nɛra baa soɡe a ta bwa ka ta mpo bini.”

Aesaya 37:36

Ate, awola jwaana, Korowii nyundua torome la bela Asiiria laa tena aa lole la, dɛ ka kpoo ba bini kaɡboŋa lafa fifraanuatoro dɛ banue. Nɛra iro chɔɔ, dɛ ba na ɡɛ nɛra la aa serewa chɔ bobɛlbwa.

Jeremia 51:39

Ba dɛ nyin kondikwa kohona kɛɛ? Mɛɛ ɛ kondikondɛɛɡaa cheɡ ba, ásɛ ba di dɛ́ nyɔ sen dɛɛ lɛ ba sie, dɛ́ mamɛ dɛɛ moo. Baa iruu ka chɔ baa wola won ir kpa bwa. Men Korowiirii bola.

Jeremia 51:57

Mɛɛ ɡeloo o koranar ne nomonome, ne wejerema dɛ laa tena, nyɔ sen dɛɛ. Baa chɔ domii baa wola won ir kpa. Men Koranar Bwa Kooro maa ɛ Kooro laanee bola.”

Ɛsekeɛl 39:20

N tiɡ ta, hɛɛ di jaɡre ne nɛra ba dɛ so a ta, ne banyoola, dɛ laa tena bwa soo siwii olaa, dɛ́ vaɡre ɡɛ bwa haa dɛ nyin. Men Nemenɛ Korowiirii bola.

Neehum 1:6

O baah diu waa, umee dɛ́ won che a nyoa ɔ? Umee dɛ́ won ba o sie o bandichɔɡe ta nɔ? O baah diu kohona naa, a do kɛŋɔ baa fuɡe nii ta ken, bwea bwa dɛ peɡri burbur ken o sie.

Neehum 2:13

Koranar Bwa Kooro ŋɔ, “N cheɡɛ he nɛ. Mɛɛ fuh torɔɡore haa vɔwa pɛl jaɡre laanee. Baa kpoo he laa tena laa taa, dɛ́ pa laala haa paa le bane be la. Baa he toroma taa no kpa bwa.”

Neehum 3:18

Asiiria koojen, nɛra baa dɛ nyiŋi he harɛ ta kɛ peteɡra la bwa chɔɔɡɔ. He nomonjena bwa serewɔ. He nɛra la bwa peɡrɔ dɛ do bwea dor, nomɛlbwa toole dɛ́ boa ba nyoa.

Sekaria 12:4

Awola tɔpere la, mɛɛ ɡeloo ba dɔma jaɡre ɔmɛ, dɛ́ ɡel nɛra baa dɛ so a ta la we choɡla. Mɛɛ nyiŋi Juda dea tena nɛɛ kɛrɛdɛ, dɛ́ ɡel ba dɔma jaɡre nyoŋe.

1 Samoɛl 26:12

Anomanta, Devid kpɔ lampea ne loŋ waa dɛ do nee o bini o che o nyu bɔr la, asɛ ba kaa. Nomɛlbwa ta nae, bɛlbwa ɡe ta harɛ. Ba bwa chɔɔ ka ɡarɛ dɛkalkɛ Korowiirii ɡela a ba ɡɛ.