Yela 76:5 - mzwDBL

⁵ Ba lɛ dɔmkwaa bwa aa lɔ ba banyoola be, asɛ ba serewe chɔ. Ba kpeɡri ne ba wejema bwa ɛ wepuu.

Yela 76:5 ပူးပေါင်းရင်းမြစ်များ

Neehum 3:18

Asiiria koojen, nɛra baa dɛ nyiŋi he harɛ ta kɛ peteɡra la bwa chɔɔɡɔ. He nomonjena bwa serewɔ. He nɛra la bwa peɡrɔ dɛ do bwea dor, nomɛlbwa toole dɛ́ boa ba nyoa.

Yela 13:3

N Naa Korowii maa dɛ tomɛ, no n be dɛ́ cha mɛ, ɡel n do kpeɡri ja, bɛ ɡel ń sewɛ,

Jeremia 51:39

Ba dɛ nyin kondikwa kohona kɛɛ? Mɛɛ ɛ kondikondɛɛɡaa cheɡ ba, ásɛ ba di dɛ́ nyɔ sen dɛɛ lɛ ba sie, dɛ́ mamɛ dɛɛ moo. Baa iruu ka chɔ baa wola won ir kpa bwa. Men Korowiirii bola.

Aesaya 46:12

Hé no n be, deŋnekpeɡ tena, he ne waa aa toɡra baah jaŋne.

Daneɛl 4:37

Name, men Kooro Nebukadnesa, n dɛ kpɛɛ Korowii waa dɛ di kora nyundua, dɛɛ tɛo sɔn ne jirima dɛkalkɛŋɔ, o waa toɡrɔ o wobɛlbwa ɡe do wer. Nomɛlbwa waa dɛ ɡɔɔ o te la, o won naate ne harɛ bala.”

Aesaya 37:36

Ate, awola jwaana, Korowii nyundua torome la bela Asiiria laa tena aa lole la, dɛ ka kpoo ba bini kaɡboŋa lafa fifraanuatoro dɛ banue. Nɛra iro chɔɔ, dɛ ba na ɡɛ nɛra la aa serewa chɔ bobɛlbwa.

Aesaya 31:8

Asiiria tena ɛɛ serewoo dɛ ba ne nɛra laa yoa, kere waa wola nɛn kon ɛɛ dɛɛ ba ba kpoora. Baa chwa laa taa, ásɛ ba lawɛ ba bini bonɔɔna yoma.