Yela 74:9 - mzwDBL

⁹ Korowii keamere toole kpa, ásɛ ya na he nyokpowe-ɛɛla. Nomɛlbwa ɡe aa jemɛ saŋ ya wenaale aa ba a jaɡa.

Yela 74:9 ပူးပေါင်းရင်းမြစ်များ

Kaala 12:13

Chal haa kpɔ ɛ he doonyoo laanee dɛ́ baɡle deene haa soɡe a bini. N teŋo baa kaa dɛ na chal laa, maa heyaa wobɛlbwaa ɛ, mɛɛ ɡale heyaa ta, ásɛ dɛ jo Ijipt tena la deremi dɛ́ tɛr ba deŋne.

Wiile 2:9

Bwɛjen la doonyojena choɡlo dɛ huɡe harɛ, bune baa kpɔa dɛɛ kaɡra ɡe kuuɡi dɛ chɔɡ. Ba lawɛ o koranar ne nomonjena bwa laa ta kaa harɛfala ta. Sɔfore aa nɛra Korowii waa baɡle, asɛ Korowii keamere ɡe aa won wepila na dɛɛ le Korowii be kpa.

Ɛsekeɛl 20:12

N ŋɔ baa di Ona Tɔpera la a ɛ fɔo dɛ́ chɔ n ne ba baah, dɛ́ lii kɛŋɔ men Korowiirii ɛɛ ba ba do ɡoroŋ.

Ɛsekeɛl 7:26

Harɛchɔɡ ɛɛ teŋɛ dɔŋa nɛɛ dɛɛ ba, waa aa wola kasinteŋ ɛɛ la ɡe ɛɛ warɔɔ saŋ bɛlbwa. Hɛɛ dɛɛ nyinuu kɛ he no wepila waa le n keamere be. N waa la nyoɡre sɔfore liire ta, baa won bola kpa. Nomonome ɡe aa won jemɛ ja nɛra kpa.

Emɔs 8:11

Tɔpera ane dɛ ba, ásɛ men Nemenɛ Korowii ɡel lɔr chole harɛ nɔ ta. Kondikwaa kɛɛ nyɔɡre laa, men Korowii waa la bɛ dɔe dɛ́ no la waa. Men Korowiirii bola.

Maeka 3:6

Anomanta, keame nyosonteŋna, a dɛ ba doe kɛŋɔ bɔr aa joa ta he nɛ, haa won dɛɛ na chaahna kɛɛ dɛɛ voɡɛ ɡe kpa.

Maeka 3:7

Nɛra baa dɛ na waa chaahna ta, ne voɡra bwa dɛ ba sihiih dii. Ba bwa ɛɛ kpɔ nɔɔraa tɔ sie, dɛkalkɛ Korowii aa ban chaŋe.”

Hibru 2:4

Korowii ɡbaɡba cheɡɛ nyokpowaa ne wekpeɡa ɛɛ ta, ne o Domadɛɛɡe waa kpɔa bɔne nɛra ɡɛ waa dɛ nyin la ta dɛ di a danseɛ.

Sitɔɔla 6:17

Anee Gedeɔn chaŋe ŋɔ, “Dɛ he sie lɛ n nɛ aa, ɛ waane ásɛ n jemɛ kɛŋɔ henee dɛɛ bol waa n be nɔ.

1 Samoɛl 3:1

Samoɛl lɔ sɔfo Eli sie dɛɛ ɛ Korowii toma. Gɛ saŋ dɛ Korowii waa waa cheɡɛ nɛra nɛɛ dɛɛ bol la ta warɛ. Dɛ waa nae chaahna ta ɡe aa kanɛ.