Yela 74:3 - mzwDBL

³ Ba dɛ́ ba na he Dea ya dɔma aa kuuɡu, o chɔɡ dɛ berɛ dimɡbia la.

Yela 74:3 ပူးပေါင်းရင်းမြစ်များ

2 Koranar 25:9

O kaa fuh Korowii Dea ne koodem, dɛ Jerusalam deremi bwa. O fuh nomonjena dedɛɛɡe te bɛlbwa,

Nehemia 1:3

Anee ba ŋɔ n be ŋɔ, “Banɔ la baa laɡ ba laa ta kaa bojaŋ harɛ ta la balɔ. Ba lɔ wahala ne sihiih ta. Danjwɛɛ waa bar Jerusalam la kuuɡo, asɛ bwɛɛ la doonyojen ɡbeni la ɡe, ba fuah a ɛ tɔɔ.”

Nehemia 2:13

Asɛ n kpɔ Fɛlembɔjen Doonyoa ta awola jwaana, dɛ kpɔ bobɛl baa dɛ yerɔ Kalampoŋa Kɔlɔŋ ne Puldoa Doonyoa dɛɛ nyiŋi Jerusalam danjwɛjena baa kuuɡa, ne ɡɛ baa fuh o doonyoone bwa la.

Nehemia 2:3

Anee n chaŋe ŋɔ, “N naa kooro, Kórowii tɛɛ mkpajaŋ! Bɔkwaa dɛ́ ɡel n waa aa wola sumii doɔ? Bwɛjen baa huɡe n naawa o bini paɡrɔ dɛ berɛ dimɡbia, o doonyojen ɡbeni ɡe bwa fuh.”

Yela 44:23

N Naa Korowii, ir nyu ne, ɛrɛɛ a do kɛŋɔ he chɔ dom nɔɔ? Gɔɔ he te, dɛ bɛ yaa vɛh kwaraa.

Yela 44:26

Ir nyu ne, dɛ́ ba cha yaa! Lɛ yaa he nyina aa wola jaɡa dɔe la wa.

Yela 79:1

N Naa Korowii, nɛŋhɔɔhra baa wola hen tomɛ, baa lɛ he harɛ la dɔɔh. Ba kpɔ doŋa kah he Dea waa do ɡoroŋ la, dɛ ɡel Jerusalam berɛ dimɡbia.

Aesaya 10:6

Nɛra baa wola men tomɛ la bee mɛɛ ba Asiiria tena toma, nɛra baa dɛ ɛ n bandiwaa la bee mɛɛ ba ba doe bá ka yoo ba, dɛ́ pa ba laala dɛ́ kah ba kondɔɔh, ásɛ dɛ tiɡri ba nɛɛ kɛŋɔ kpechɛɡre aa lɔ fɔɡbaahna ken.

Aesaya 25:10

Korowii ɛɛ kpɔ nɔnee tɔ Saayɔn Bwejen la taa, kɛ Moab tena te, baa tiɡri ba nɛɛ kɛŋɔ baa tiɡri kpɔɡa dɛɛ koo nabena ta la.

Aesaya 61:4

Baa berɔ kwaa vɔrɔwe saŋ la bwɛjena aa paɡra la. Bwɛɛre aa berɛ dimɡbia dɛ chɔ le saŋ la ba tel fini bwa.

Jeremia 52:13

O kaa fuh Korowii Dea ne koodem, dɛ Jerusalam deremi bwa. O fuh nomonjena dedɛɛɡe te bɛlbwa.

Wiile 1:10

Dɔma pa o laala a yoɡ aa kpeɡa bwa kaa. O ɡbabir na harɛre nɛra baa wola Korowii tomɛ aa dɛ jo Korowii Dea la bini, bela Korowii fe aa wola ban ŋwɛnɛ tɛɛ kɛ ba jo.

Daneɛl 11:31

Wɛɛ ɡeloo o laa tena kpɔ doŋa kah Korowii Dea dekpeɡ la, dɛ́ ɡel ba ɡel sarahare baa dɛ ɛa tɔpere bɛlbwa la, ásɛ dɛ kpɔ konchɔɡechɔɡe waa dɛ paɡre bwɛɛ la pa.

Daneɛl 9:17

Korowii yaa dɛ tomɛ, no he bonɔɔ waa maa kpɔa dɛɛ bil he sie ne n wesoŋa nɔ name. He sɔn nomanta, na ya sum chɔe he Dea nɔ aa chɔ pɛɛ nɔ wa.

Daneɛl 9:27

Nomoa la ne nɛra baa wara ɛɛ fɔwɛ fɔwee bene anuanɛ. Bene anuanɛ la baah ta la, wɛɛ ɡeloo ba ɡel kwaa baa kpoora dɛɛ ɛ saraha, ne koŋkɛɛla baa dɛ ba a ne Korowii Dea la ne bala. Ásɛ o kpɔ konchɔɡechɔɡe waa dɛ paɡre bwɛɛ la ka pa Korowii Dea doa bobɛl waa do jaŋne kaa nyundua, ásɛ o do bela ka tel kɛŋɔ chɔɡa aa dɛ ba o nɛɛ bala aa bala, ɡɛ Korowii aa bola la.”

Maeka 1:3

Hé na! Korowii le o dobɔr waa do ɡoroŋ, dɛ tu baa valɛ bwejena dor.

Maeka 3:12

He nomanta, Saayɔn ɛɛ doo kɛŋɔ koo baa parɔ dɛ du kwaa o ta ken, Jerusalam bwa ɛɛ kuuɡuu dɛ́ chɔ pɛɛ, ásɛ Korowii Bwejen Dea aa chɔŋɛ o ta la berɛ kɔr.

Amanesoma Mak Aa Chwera Tɔn 11:17

Asɛ o bol waa dɛɛ baɡ ba ŋɔ, “Ba ta chwerɛ ŋɔ, ‘Baa yerɛ n Dea harɛre nɛra bwa Korowii soŋebɔr’ yaa? Gɛɛ he te berɛ kpɔɔ berɛ ŋwɛɛra sɔɔhbɔr aa?”

Amanesoma Luk Aa Chwera Tɔn 21:24

Baa kpɔ kerii kpoo bane, ásɛ dɛ larawe bane dɛ́ kpɔ ba kaa harɛ nɔ ta bobɛlbwa, ásɛ nɛra baa wola Juu tena ɛɛ ɛ Jerusalam bwa posaposa ken ka tel kɛŋɔ ba ɡe saŋ aa ba kaa.

Josua 10:24

Baa laɡ ba le ba tɛ Josua la, o yerɛ Israel tena la ne laa nomonome la bwa cheme, asɛ dɛ ŋɔ nomonome la be ŋɔ, “Hé kpɔ he nakpale ɛɡre a ɡɛ koranar nɔ baŋare ta.” Ate, koranar la le dɛ ba chɔ harɛ, ba kpɔ ba nakpale ɛɡre ba baŋare ta.

Wepila 11:2

Bɛ bela waa ja Dea la ta ba tel bela mɔɔ dɛɛ jo Dea la tenten bini la te maɡɛ. Teŋe bela ta, dɛkalkɛ Korowii kpɔ bela tɛ nɛra baa wola on tomɛ, ásɛ ba tiɡri o bwɛjen Jerusalam la ta korobie fifraanaarɛ dɛ anɛ.