Yela 74:21 - mzwDBL

²¹ Bɛ ɡel sihiih kpo nɛra baa dɛ fiɡ ba la, ɡel nyaara ne nɛŋɡwɛɡra kpɛɛ he sɔn.

Yela 74:21 ပူးပေါင်းရင်းမြစ်များ

Yela 12:5

N Naa Korowii ŋɔ, “Mɛɛ bao, fiiɡa baa dɛ fiiɡi nɛŋɡwɛɡra, ne pɛma nyaara aa dɛ pɛmɛ la wa. Mɛɛ lɛɛ ba so deŋnesɔɔhna ta.”

Yela 103:6

Korowii bol nɛra baa dɛ fiɡ ba waa dɛɛ tɛɛ ba, dɛ ɡel baa dɔ waa aa chɛ kɛŋɔ bá dɔ.

Yela 35:10

Mɛɛ le n bambile bini bwaa dɛ ŋɔ, “N Naa Korowii, umee do kɛ hen ɔ? He lɛ nɛŋɡwɛɡra dɛɛ le nɛŋkpeɡa nɔn ta, dɛ lɛ nyaara dɛɛ le nɛra baa dɛ fiɡ ba nɔn ta.”

Yela 9:18

Hen Korowii aa nɛra baa wola komɛlbwa dɔe waa soh. He ta ɡelɛ nyaara hwɛɡa ɛɛ ta pɛɛ bwa.

Ɛsra 3:11

Ba ɡo yela kpɛɛ Korowii dɛ jaamo ŋɔ, “Korowii wer, o nyina waa dɛ nyin Israel tena lole saŋ bɛlbwa dɛɛ la.” Asɛ nɛra la bwa moo kohona dɛ jam Korowii, dɛkalkɛ ba pa Korowii Dea la mun.

Jeremia 33:11

silɛɛ ne hɛɡra lɔŋɔre dɛ hanfalwaa mune ɡbɔɡa. Hɛɛ noo nɛra ɡo yela dɛ́ kpɔ jam sarahare dɛɛ ba n Dea, dɛɛ ŋɔ, ‘Hé kpɔ jam tɛ Koranar Bwa Kooro! O waa wer, o nyina waa dɛ nyin yaa lole saŋ bɛlbwa dɛɛ la.’ Mɛɛ ɡeloo harɛ nɔ berɛ do wer ɡɛ o fa aa doa wubwa la. Men Korowiirii bola.”

Aesaya 45:17

Kɛ Israel tena te, Korowii ɛɛ lɛɛ baa saŋ bɛlbwa. Baa sihiih di, saŋ bɛlbwa bwa.

Yela 109:22

dɛkalkɛ n ɛ nyaa dɛ ɛ nɛŋɡwɛɡre, asɛ n bambile bwa ɛɛ wee mɛ.