Yela 74:20 - mzwDBL

²⁰ Lii fɔo ya ne haa fɔwa la wa. Nɛra sɔɔh dɛɛ ɛ naɡrenyin we-ɛɛla biro bini, harɛ nɔ ta bwa.

Yela 74:20 ပူးပေါင်းရင်းမြစ်များ

Yela 106:45

He koh ba waa dɛ lii fɔo he ne baa fɔwa la, dɛ che he nyina waa kana la ta, dɛ charɛ he liire.

Hibru 8:10

Fɔo n ne Israel tena aa dɛ ba fɔwa kerekeree la. Mɛɛ kpɔ me Mmaraa do ba nyu bini, dɛ́ chwerɔ do ba bambile bini, ásɛ dɛ ɛ Korowii baa dɛɛ tom mɛ, ásɛ ba ɡe ɛ n nɛra.

Yela 105:8

Wɛɛ lii o fɔo la waa saŋ bɛlbwaa, o nyoa waa baɡɛ naanar kaɡboŋa baa ka ba la bwa.

Yela 89:28

Mɛɛ ɡeloo n nyina do o nɛɛ saŋ bɛlbwa, ásɛ n ne o fɔo yaa fɔwɛ la bɛ chɔɡ bwa.

Yela 89:39

He chɔɡ he ne he bonɔɔ fɔo haa fɔwa la, dɛ kpɔ o kooɡbɛrɛ ta harɛ.

Yela 5:8

N Naa Korowii, n dɔma warɔ kɛrɛdɛ! Tɔ n sie ń ɛ anɔ la aa too he tea, ɡel n na he wa dɛɛ teŋɛ a ta.

2 Samoɛl 23:5

Gɛɛ Korowii ɛɛ ba n naanar andɛɛɡa sweera, dɛkalkɛ n ne o fɔwɛ fɔo waa do le saŋ bɛlbwa dɛɛ la, fɔo waa wola chɔɡ bwa, nyobaɡa waa wola charɛ. Waa bwa maa dɛ nyin laanee la, Korowiirii dɛ́ ɡel a bwa ɛ ɡɛ dɛ́ tɛ mɛ.

Mmarare 12:31

He bɛ Korowii haa dɛ tomɔ nɔ tomɛ ŋwɛnɛ baa cheɡɛ o ta dɛ tomɛ ba voɡa la, dɛkalkɛŋɔ ba dɛ ɛ kii waa bwa soo siwi Korowii aa haah. Hale ba kpoo ba bibaala ne bihaahna dɛ fuuh ba dɛɛ tɛ ba voɡare.

Mmarare 9:27

Kpɔ he sie dawɛ he bonɔɔna Abraham ne Aesek dɛ Jekɔb nɛ, ásɛ dɛ laa sie kpɔ nɛra nɔ deŋnekpeɡ ne ba nyubinikpeɡ dɛ ba wechɔɡa ta.

Jeremia 14:21

Lii nyoa haa baɡɛ yaa la, dɛ bɛ yaa nyiŋi vah, bɛ ɡel Jerusalam tena di sihiih, belaa he kookara che dɛ dɔ jirima la. Bɛ fɔo ya ne haa fɔwa la chɔɡ.