Yela 73:23 - mzwDBL

²³ Kɛ dɛ saŋ bɛlbwa n ja he nɛ, he lawɛ n nɔn kpoŋe.

Yela 73:23 ပူးပေါင်းရင်းမြစ်များ

Aesaya 41:13

Menee Korowii haa dɛ tom mɛ, mɛɛ tɛ heyaa bokpeɡa. N dɛ ŋɔ he be ŋɔ, ‘He bɛ ɔmɛ, mɛɛ cha heyaa.’ ”

Yela 63:8

Mɛɛ lawɛɛ kpoŋe kiŋkiŋ, ásɛ he tɔ n nɛɛ he kpeɡri ne.

Matiu 28:20

ásɛ dɛ chaɡ ba ŋɔ báa teŋɛ n waa maa chaɡle heyaa la bwa ta. Kasinteŋ, mɛɛ che he habɔɔ, dɛ́ ja he nɛɛ tɔpere te bɛlbwa, dɛ́ ka tel wobɛlbwa jaɡa saŋ.”

Hibru 13:5

He bɛ ɡel suuɡa waa swɛɛ he siwi kohona. Hé ɡel anɔ la haa dɔa la maɡre he ne, dɛkalkɛŋɔ Korowii bolɔ ŋɔ, “Maa heyaa ta bwa, maa sie laa kpɔ he nɛɛ bwa.”

Yela 16:8

N dɛ na kɛŋɔ, n ne Korowii lole saŋ bɛlbwa. Maa ɔmɛ bwa, dɛkalkɛŋɔ o cheɡɛ n habɔɔ.

Yela 23:4

Hale n dɛ valɛ biro tenten bini kwaraa naa, maa ɔmɛ, dɛkalkɛ he ja n nɛ, he daŋɡbala haa kpɔa dɛɛ teɡɛ peera laanee dɛɛ tɛ mɛ bosɔɔhna.

Matiu 1:23

“Bitolo waa wola baa jemɛ bwa ɛɛ kpoŋe teaa dɛ́ lolɛ bibaa, ásɛ ba yerɔ Imanoɛl.” O munii kɛŋɔ, “Korowii ne ya lole.”

Yela 37:24

Ba lɔ naa kwaraa naa, baa chole, dɛkalkɛ o laɡ ba kpoŋe.

Aesaya 42:1

Korowii ŋɔ, “N bonɔɔ maa leo dɛ tɛo kpeɡrii nɔ, n sie lɛ o nɛɛ taeh. Mɛɛ ɡeloo n Doma ba so o nɛ, ásɛ o baɡle nɛra baa lɔ harɛ ta bwa ɡe ɡɛ n kasinteŋ ŋwɛnɛre aa doa.

Aesaya 41:10

Anomanta, he bɛ ɔmɛ, n ja he nɛ. He bɛ ɡel he bambile chɔɡ, menee Korowii haa dɛ tom mɛ. Mɛɛ tɛ heyaa bokpeɡaa, dɛ́ cha heya. Mɛɛ kpɔ nɔnee tɔ he nɛ, dɛ́ lɛ heya.

Yela 37:17

dɛkalkɛ, Korowii ɛɛ sɔɔh nyubinikpeɡ tena nyoa, dɛ́ kpɔ nɔn tɔ nɛra ba wa aa toɡra nɛ.

Yela 139:18

N ŋɔ n kura aa, a ɡwaa mpo nyoa hɛŋle. N chɔɔ dɛ har kwaraa naa, n ne henee ta.

Mumpar 17:1

Abram aa di bene fifraanuanaarɛ dɛ anuanaarɛ la, Korowii ba o be deera ta dɛ ba ŋɔ o be ŋɔ, “Menee Kpeɡri Bwa Dɔɔ la. Dɛɛ no n wa, dɛɛ ɛ waa aa toɡra.