Yela 72:5 - mzwDBL

⁵ Gɛ wee ne korobie aa dɛ chaah saŋ bɛlbwa nɔ, ɡɛɛ he naanar baa ka ba ɡe, ɛɛ ba he toma saŋ bɛlbwa dɛɛ la.

Yela 72:5 ပူးပေါင်းရင်းမြစ်များ

Daneɛl 7:14

Nɛn Waa Lole Saŋ La Bwa la tɛ nɛwɛnyini bie la kpeɡri, ne jirima dɛ kora dii, asɛ harɛre ne nɛra bwa soo siwi, dɛ wobol te bɛlbwa nɛra ɛɛ tomɔ. Wɛɛ di kpeɡrii saŋ bɛlbwaa dɛɛ la, o kora aa ɡu bwa.

Yela 72:17

Gel kooro sɔn do le saŋ bɛlbwa dɛɛ la kɛŋɔ, wee aa lole dɛɛ lɔ saŋ bɛlbwa nɔ. Harɛre nɛra bwa ɛɛ che o nɛɛ dɔ andɛɛɡa ásɛ dɛ na kɛŋɔ Korowii sweero andɛɛɡa.

Wepila 11:15

Nyundua torome waa teŋa nuanɛ la hoh o bɛla. Waa hoah la, asɛ n no takpeɡa kohona nyundua o ŋɔ, “Harɛ nɔ ta kora bwa berɛ N Naa Korowii ne o Kristo waa tomɔ la kora. Wɛɛ di koraa saŋ bɛlbwa.”

Ɛfesos 3:21

Hé ɡel o dɔ jirima Yeesu Kristo ne asɔre tena waa bini saŋ bɛlbwa! Aamen.

Daneɛl 7:27

Kpeɡri ne kan harɛ nɔ ta kora aa dɔa la ɛɛ berɔɔ ba ɛ Nemenɛ Korowii nɛra ba waa aa toɡra la kon. Korowii Kora la kpeɡri aa ɡu bwa, ásɛ koranar baa lɔ harɛ nɔ ta bwa ɛɛ tomɔ, dɛɛ no o wa.’

Daneɛl 2:44

A ɡɛ koranar la kora dii ta la, Korowii Waa Dɛ Di Kora Nyundua ɛɛ chiɡ kora waa wola chɔɡ, kɛɛ nomɛlbwa aa wola won pɔ o nɛ. Wɛɛ ba chɔɡ kora bele anaarɛ la bwaa a ba a jaɡa. Kɛ o te ɛɛ cheo dɛ́ do le saŋ bɛlbwa dɛɛ la.”

Aesaya 9:7

O kora ɛɛ do kanee dɛɛ ja saŋ bɛlbwa, ásɛ deŋnesɔɔhna aa wola jaɡa dɔe do le saŋ bɛlbwa dɛɛ la. Wɛɛ chiɡ Kooro Devid naa taa, dɛ́ di kora. O kora ɛɛ che kasinteŋ ne waa aa toɡra taa dɛ́ do kpeɡri, dɛ́ le saŋ nɔ ka tel waa bwa jaɡa saŋ. Koranar Bwa Kooro ɛɛ do siee dɛ́ ɛ anɔ bwa.

Yela 89:29

O naanar ɛɛ dɛɛ di koraa saŋ bɛlbwa dɛɛ la. O kora dii ɛɛ cheo kiŋkiŋ saŋ bɛlbwa, ɡɛ nyundua aa lole saŋ bɛlbwa nɔ.

Yela 72:7

N Naa Korowii, ɡel waa aa wera dɛ toɡre la do harɛ nɔ ta, o kora dii ta saŋ bɛlbwa, ásɛ nɛra baa soɡe harɛ nɔ ta dɔ deŋnesɔɔhna ka tel kɛŋɔ, korobie aa ɡel chaahna.

1 Koranar 3:28

Israel tena bwa aa no ɡɛ Kooro Solomɔn aa pa bole la, a ɛɛ ba nyokpoa, ba na kɛŋɔ Korowiirii tɛo wejema o kpɔ pa bole aŋwɛnɛ ta la.

1 Samoɛl 12:18

Anee Samoɛl soŋe Korowii awola, asɛ bwaala nɛ dɛ kɔr kohona. Asɛ ɔmee kohona lawɛ nɛra la bwa Korowii ne Samoɛl wa.