Yela 72:17 - mzwDBL

¹⁷ Gel kooro sɔn do le saŋ bɛlbwa dɛɛ la kɛŋɔ, wee aa lole dɛɛ lɔ saŋ bɛlbwa nɔ. Harɛre nɛra bwa ɛɛ che o nɛɛ dɔ andɛɛɡa ásɛ dɛ na kɛŋɔ Korowii sweero andɛɛɡa.

Yela 72:17 ပူးပေါင်းရင်းမြစ်များ

Aesaya 7:14

Korowii ɡbabir ɛɛ ɡeloo he na waane, á baɡle waa nɔ kasinteŋ. Hé no! Bitolo waa wola baa jemɛ bwa ɛɛ kpoŋe teaa dɛ́ lolɛ bibaa, ásɛ ba yerɔ Imanoɛl.

Matiu 1:23

“Bitolo waa wola baa jemɛ bwa ɛɛ kpoŋe teaa dɛ́ lolɛ bibaa, ásɛ ba yerɔ Imanoɛl.” O munii kɛŋɔ, “Korowii ne ya lole.”

Yela 89:36

wɛɛ dɔ naanaree saŋ bɛlbwa, mɛɛ nyiŋi o harɛ taa ó che kiŋkiŋ saŋ bɛlbwa kɛŋɔ wee aa dɛ chaah saŋ bɛlbwa nɔ.

Mumpar 12:3

Mɛɛ cha nɛra la baa soŋe andɛɛɡa dɛɛ tɛɛ la. Nomɛlbwa waa taahnee la, ɡɛɛ mɛɛ ba o ɡe taahna, ásɛ a che he nɛ nɛwɛnyini bwa dɔ andɛɛɡa.”

Amanesoma Luk Aa Chwera Tɔn 1:48

O nyiŋi n ɡe maɡa nɔ dɔŋ maa ɛ nɛŋɡwɛɡre nɔ nɛ, dɛ ɡel nomɛlbwa ɛɛ ba taraken lee dɛɛ bol n waa ŋɔ n na som,

Felepae 2:10

Yeesu Kristo sɔnjen la nomanta, nomɛlbwa ɛɛ ɡuŋi o siee dɛ́ kpɔ duure dɛɛ tɛo. Banɔ la baa lɔ nyundua, ne banɔ la baa lɔ harɛ ta, ne banɔ la baa serewa bwa, ɛɛ kpɔ duuree dɛɛ tɛo,

Mumpar 22:18

ásɛ a che ba nɛɛ ń tɛ nɛwɛnyina bwa hɛɛra. Mɛɛ ɛ ɡɛɛ dɛkalkɛ, he ɛ waa maa dɛ nyin.”

1 Pita 1:3

Hé ɡel ya kpɛɛ Ya Dɔɔ Yeesu Kristo Mɛɛ Korowii. Waa dɛ sune ya nɛɛ kohona nomanta, o cheɡɛ ira waa ir Yeesu Kristo seo ta la ta dɛ ɡel ya ɛ nɛnfala. Anɔ ɡelɔ ya dɔ hwɛɡa aa wola jaɡa dɔe bwa.

Kolosi 1:3

Ya dɛ jam ya Dɔɔ Yeesu Kristo Mɛɛ Korowii he waa ya wesoŋa bini saŋ bɛlbwa,

Jeremia 4:2

dɛ́ kpɔ kasinteŋ ŋwɛnɛ ne waa aa toɡra ta ŋwɛɛ n sɔn ta naa, amɔ mɛɛ swee andɛɛɡaa tɛ harɛre nɛra bwa ásɛ ba kpɛɛ mɛ.”

Ɛfesos 3:14

Anomanta, n dɛ ɡuŋi N Naa Korowii harɛ.

Ɛfesos 1:3

Hé ɡel ya kpɛɛ ya Dɔɔ Yeesu Kristo Mɛɛ Korowii, dɛkalkɛŋɔ o cha yaa wedɛɛɡa la bwa aa le o Domadɛɛɡe be la ta, asɛ yaa na som o be nyundua, pɛɛ ya ne Yeesu Kristo aa pɛa la wa.

Galaasia 3:14

Korowii fa baɡɛ Abraham nyoa ŋɔ wɛɛ sweero andɛɛɡaa. Gɛ aa ɛ ásɛ nɛra baa wola Juu tena ɛɛ che Yeesu Kristo nɛɛ dɛ dɔ a ɡɛ wedɛɛɡe nɔ la, a waa o lɛ nyotaahna la dawɛ o nɛɛ dɛ lɛ yaa le a ta la, ásɛ a che yarada ta Korowii tɛ yaa o Domadɛɛɡe la waa baɡɛ nyoa ŋɔ wɛɛ tɛ yaa la.

We-ɛɛla 3:16

O sɔnee ya yerɛ asɛ baa nɔ ɡbaŋre la. Yarada yaa dɛ yarada Yeesu la, a taa a che waa nɔ haa naa nɔ won ɛ la. O waa la yaa dɛ yarada la, a ɡbosoroo chah baa nɔ he bwa aa jemɔ nɔ la. He bwa ɡee naa kɛŋɔ o ɡbaŋrɔ.

Matiu 1:21

Wɛɛ lolɛ bibaalee, ásɛ he pa o sɔn Yeesu, o munii kɛŋɔ Lɛɛ, dɛkalkɛŋɔ on dɛɛ ba bala dɛ́ ba lɛ o nɛra ba wechɔɡa ta.”

Yela 45:17

N yel la ɛɛ ɡeloo hé dɔ sɔn kohona dɛɛ la, ásɛ harɛre nɛra kpɛɛre, saŋ bɛlbwa dɛɛ la.

Kaala 3:15

Korowii berɔ ŋɔ Mosis be ŋɔ, “Ŋɔ Israel tena be ŋɔ, ‘Men Korowii ba nabaala Abraham ne Aesek dɛ Jekɔb aa tomɔ laanee tomɛ ba be.’ A ɡɛ sɔn nɔɔ dɛ́ ɛ n sɔn saŋ bɛlbwa dɛɛ la. Ásɛ naanar baa ka ba bwa ɡe ɛɛ yer mɛ ɡɛ.

Wepila 15:4

Oo, n Naa Korowii, umee lole waa wola hen ɔmɔɔ? Umee wola hen sɔnee tɛɔ? He ɡboo do ɡoroŋ ka tonɛ. Harɛ ta nɛn te bɛlbwa ɛɛ ba ɡuŋi he siee dɛ́ tomɛ, dɛkalkɛŋɔ waa haa ɛa la toɡrɔ nomɛlbwa jemɛ.”

2 Samoɛl 7:13

Onee dɛ́ do n Dea tɛ mɛ n sɔn ta, ásɛ n ɡel o kora che kiŋkiŋ saŋ bɛlbwa dɛɛ la.

2 Samoɛl 7:16

He naanar ɛɛ do lee saŋ bɛlbwa, ásɛ n ɡel he kora che kiŋkiŋ saŋ bɛlbwa dɛɛ la.”

1 Webena 17:12

Onee dɛ́ do n Dea tɛ mɛ n sɔn ta, ásɛ n ɡel o kora che kiŋkiŋ saŋ bɛlbwa dɛɛ la.

Yela 21:7

Kooro la dɛ hwɛɡɛ hen Nemenɛ Korowii nɛ, he nyina aa wola jaɡa dɔe la ɡelɔ o dɔ deŋnesɔɔhna saŋ bɛlbwa.