Yela 72:12 - mzwDBL

¹² Kooro la ɛɛ lɛ nyaara baa wia dɛɛ noo, ne nɛŋɡwɛɡra baa wola nɛra dɔe bá cha ba laanee.

Yela 72:12 ပူးပေါင်းရင်းမြစ်များ

2 Samoɛl 14:16

N naa kooro ken ɛɛ sɛoh dɛ́ lɛ o tolo le nɛn waa dɛ nyin o kpo n ne n bie le harɛ Korowii aa kpɔa tɛ yaa nɔ ta.’

Job Tɔn 29:12

lɛɛ maa dɛ lɛ nyaara baa wia dɛɛ nyin nɛra bá cha ba la wa, ne bilalbii baa wola nomɛlbwa dɔe ó lɛɛ ba.

Job Tɔn 36:15

Kɛ banɔ la baa lɔ wenaale ta la, Korowii lɛɛ ba dɛɛ le, o cheɡɛ ba wenaale ta, dɛ bol waa dɛɛ baɡ ba.

Yela 10:17

N Naa Korowii, he dɛ no nɛŋɡwɛɡra wesoŋa, dɛɛ do ba ɡbemba,

Yela 102:17

Wɛɛ no he nɛra baa vɛɛh ba la bee, dɛ́ no ba wesoŋa.

Yela 102:20

dɛɛ no nɛra baa laɡ ba do dea hima, dɛ́ lɛɛ ba le kpoora baa dɛ ba ba kpoora ta, dɛ́ ɡel ba dɔ ba te.

Yela 55:17

Jwaana, chɔɔ ne webaŋa, n suna wii ne n pɛma dɛ tel he be, asɛ hɛɛ no n taa.

Yela 72:4

Gel kooro bol nyaara waa dɛɛ tɛɛ ba aŋwɛnɛ ta, dɛɛ cha ba bii, dɛ́ pɔ nɛra baa dɛ fiɡ ba la nɛ.

Sɛɡla 29:7

Nɛn o wa aa toɡra la jemɛ waa aa wera tɛ nyaa, kɛ nɛnchɔɡe te waane laa o wa.

Wejereme 4:1

N berɔ nyiŋi dɛ na fiiɡa nɛra aa dɛ fiiɡi ba dɔŋa harɛ nɔ ta. N na nɛra baa dɛ fiɡ ba siniire, kɛ nɛn toole dɛ́ larawe ba bwara, dɛkalkɛ, nɛra baa dɛ fiɡ ba la nɔn taa kpeɡri ka di.

Aesaya 41:17

Nyaara ne banɔ la ba waa aa suma ɛɛ ba nyin nee dɛ́ nyɔ kahonɛ ba lobi hol, men Korowii ɛɛ no ba wesoŋaa tɛɛ ba. Menee Israel tena ɛɛ tomɛ, maa ban ta.

Amanesoma Luk Aa Chwera Tɔn 4:18

“Korowii Domadɛɛɡe la ir n nɛ, dɛ lee mɛ ŋɔ ń ba bol Amanesoma baɡle nyaara, dɛ́ ŋɔ nɛra baa laɡ ba yoma, ne nɛra baa do ba dea be ŋɔ ba Lɛɛ balɔ, dɛ́ ɡel nyoŋa sibie pili ba won dɛɛ na, dɛ́ lɛ nɛra baa dɛ ɛɛ ba hɔhɔrɔwa la le ba dɔma nɔn ta,

Amanesoma Luk Aa Chwera Tɔn 7:22

Anee Yeesu ŋɔ Jɔn toroma la be ŋɔ, “Hé ka bol Jɔn be waa haa baa na ne anɔ la haa baa no. Hé ŋɔ o be ŋɔ nyoŋa dɛ na bɔr, boobie ɛɛ valɛ, asɛ nɛra weechɔɡa aa chɔɡ ba bwadabii la ɡe bwara kwaa. Hé ŋɔ o be ŋɔ amumure dɛ no wa, lala ir seo ta, asɛ nyaara ɡe dɔ Amanesoma la dɛɛ no.

2 Kɔrent 8:9

Kɛ he na ɡɛ ya Dɔɔ Yeesu Kristo aa sune ya nɛɛ dɛ cha yaa kenɛ? He nao kɛŋɔ o fa dɔ kwaa nɔ bwa, dɛ koh he waa dɛ berɛ nya, ásɛ a che o nyae ta he berɛ dɔɔhna.

Hibru 7:25

Nomɛlbwa waa cheɡɛ Yeesu nɛɛ dɛ tuuh dɛɛ tel Korowii la, Yeesu ɛɛ lɛo waa wola nyoɡre kpa bwa. O lole saŋ bɛlbwa dɛ soŋe Korowii dɛɛ tɛ nɛwɛnyina.

1 Samoɛl 22:2

Banɔ la baa dɛ fiɡ ba ne nɛra baa di kema, dɛ banɔ la ba bambile aa chɔɡa bwa baa teŋɛ o nɛ. Nɛra dɛ ɛ lafraanaarɛɛ baa cheme o sie, o ɛ ba nomoa.