Yela 71:3 - mzwDBL

³ He do kɛŋɔ Bwetal maa chwaa baa marɛ saŋ bɛlbwa, che he waa haa bola la ta, dɛ́ lɛɛ mɛ. Henee n Bwetal, ne n danjwɛkpeɡ.

Yela 71:3 ပူးပေါင်းရင်းမြစ်များ

Yela 144:2

Onee Korowii waa do kɛ danjwɛjen, dɛɛ nyin n waa n chwa baa marɔ. Onee dɛɛ tɔ n nɛ, dɛɛ tɔ mɛ ɡbemɡbe, n chwa baa sɔh o lɔɡa. O ba harɛre nɛra ne harɛ, asɛ ba do n lɔɡa.

Yela 18:2

N Naa Korowii, he do kɛŋɔ Bwetal, maa chwaa kaa marɛ, ne danjwɛkpeɡ hɛɛ lɛɛ mɛ. Korowii maa dɛ tomɛ, he do kɛŋɔ Bwetal, maa chwaa kaa marɛ. Henee dɛɛ tɔ mɛ ɡbemɡbe, dɛ ɛ n kpeɡnɛn.

Yela 18:3

N wio no hen Korowii waa chɛ kpɛɛra la, asɛ he lɛɛ mɛ le n dɔma nɔn ta.

Yela 42:8

Korowii dɛ baɡle o nyina aa wola jaɡa dɔe n nɛɛ webaŋa, a ɡel n ɡo yel tɛo jwaana, dɛ soŋe Korowii waa ɡela n so le.

Yela 44:4

Henee kooro ne Korowii maa dɛ tomɛ, dɛ ɡel he nɛra Israel tena yo, dɛɛ pɔ ya dɔma nɛ.

Yela 68:28

Ya Naa Korowii, chaɡle he kpeɡri, kpeɡri he fa aa chaɡle ya nɛɛ la.

Yela 89:27

Mɛɛ leo cheɡ tɛ n te kɛ n bibanloɡle, ó ɡwaa koranar bwa baa lɔ harɛ nɔ ta.

Yela 90:1

N Naa Korowii, he demii ya chwa baa marɛ, he kpɔ nɔn dɛɛ tɔ ya nɛ, le saŋ la ba le fini.

Yela 91:9

He kpɔ Korowii kɛŋɔ onee hɛɛ ba chwae kaa marɛ. He ŋɔ Nemenɛ Korowiirii kpɔ nɔn dɛɛ tɔ he nɛ,

Sɛɡla 18:10

Korowii do kɛŋɔ dejaŋ waa kpeɡa, belaa nɛra ba wa aa toɡra bwa chwa dɛɛ kaa wɛɛ lɛɛ ba.

Aesaya 33:16

Banee dɛɛ ba deŋnesɔɔhna ne soɡa, kɛŋɔ baa soɡe dekpeɡ bini. Baa dɔ kondikwaa dɛɛ di, nee ɡe aa ban paŋɛ bwa.

Ɛsekeɛl 9:6

Hé kpoo banjeni, bonɔɔna ne toli, haahna ne bechale. Kɛ he bɛ banɔ la baa do ba nso la te kpoo. Hé pa mun le n Dea bonɔ.” Anomanta, ba pa mun le nomonome baa lɔ Korowii Dea la sie nɛ.

Mmarare 33:27

Korowii waa lole saŋ bɛlbwa dɛ lɛ heya, o nɔn waa do kpeɡri laanee o kpɔ dɛɛ cha heya. Wɛɛ doŋi he dɔmaa le he sie dɛɛ ŋɔ, “Hé chɔɡ ba!”