Yela 71:22 - mzwDBL

²² Mɛɛ lɔ janjelaa kpɛɛre, N Naa Korowii maa dɛ tomɛ, mɛɛ kpɛɛree he kasinteŋ haa dɔa la wa. Mɛɛ kpɔ n janjelaa lɔ yela kpɛɛ hen Israel Nɛŋɡoroŋ la.

Yela 71:22 ပူးပေါင်းရင်းမြစ်များ

2 Koranar 19:22

Koojen Senakerib, umee hɛɛ lii he nyu bini kɛ onee hɛɛ chɛɡre dɛɛ ɛo nɛnhɛla nɔɔ? Men Israel Nɛŋɡoroŋ laanee hɛɛ ɛ sisawaa la.

Yela 138:2

Mɛɛ kpɔ sie pa he Dea waa do ɡoroŋ la taa, dɛ́ ba harɛ dɛɛ kpɛɛre, he nyina aa wola jaɡa dɔe, ne kasinteŋ dɔe la wa. Dɛkalkɛ he sɔn ne waa haa ŋɔa hɛɛ ɛo kan ɡwaa komɛlbwa.

Yela 144:9

N Naa Korowii, mɛɛ ɡo yelfalee tɛɛ, mɛɛ kpɔ janjelaa lɔ yela kpɛɛre.

Yela 25:10

Korowii dɔ nyina, o waa dɔ kasinteŋ, wɛɛ tɔ nɛra baa dɛ teŋɛ fɔo o ne baa fɔwa la ta siee.

Yela 33:2

Hé lɔ janjela kpɛɛ Korowii, hé kpɔ koŋkwaa baa kpɔa dɛɛ hɛlɛ bwa soo siwi, lɔ yela kpɛɛro.

Yela 43:4

Ásɛ n la hen Korowii saraha kon la ta, henee dɛɛ tɛ mɛ silɛɛ. Mɛɛ ɡo yelaa, dɛ́ lɔ janjela kpɛɛre, henee Korowii maa dɛ tomɛ.

Yela 56:4

Hen Korowii nɛɛ n kpɔ n te dawɛ, maa ɔmɛ, henee mɛɛ ba kpɛɛra, he nyoa haa baɡ mɛ la wa. Bɔkwaa nɛwɛnyini waa won sewa ɛɛ ba wona ɛɛ mɛ nɔ?

Yela 78:41

Saŋ bɛlbwaa ba na dɛ daah Korowii dɛɛ na, dɛɛ ir Israel Nɛŋɡoroŋ la bwaawee.

Yela 89:1

N Naa Korowii, mɛɛ ɡo he nyina aa wola jaɡa dɔe bwa la yelee dɛɛ bol he waa aa dɔ kasinteŋ la saŋ bɛlbwa.

Yela 89:18

N Naa Korowii, henee dɛɛ tɔ yaa ɡbemɡbe, henee Israel Nɛŋɡoroŋ, dɛ le ya kooro tɛ yaa la.

Yela 98:3

O teŋɛ nyoa waa baɡɛ Israel tena kasinteŋ ne nyina aa wola jaɡa dɔe bwa ne. Nɛra baa lɔ harɛ jaɡa bwa na ɡɛ Korowii yaa dɛ tomɔ aa lɛ o nɛra.

Yela 98:4

Harɛ nɔ ta nɛra bwa, hé ɡo silɛɛ yela kpɛɛ Korowii, hé ɡo yela kpɛɛro dɛ́ moo silɛɛ ne.

Yela 98:5

Hé ɡo yela kpɛɛ Korowii, hé kpɔ janjela lɔ yela kpɛɛro.

Aesaya 12:6

Saayɔn tena, hé hɛɡre dɛ́ ɡo yela kohona. Israel Nɛŋɡoroŋ la kan kohona! O ne o nɛra so.”

Aesaya 43:3

Menee Korowii haa dɛ tom mɛ, he Israel Nɛŋɡoroŋ maa dɛ lɛ heyaa la. N kpɔ Ijipt tena charɛ he nyu, dɛ kpɔ Itiopia ne Seba tena cheɡ he buɡ ta dɛ lɛ heya.

Aesaya 5:16

Nemenɛ Korowii ɛɛ bol waa dɛ́ pa bole kasinteŋ ne, dɛ́ che a ta dɛ́ baɡle o kan waa doa. Wɛɛ che waa aa toɡra taa, dɛ́ baɡle ɡɛ waa do ɡoroŋ.

Aesaya 5:19

Hé bwɛɛlɛ he banɔ la haa dɛ bol ŋɔ, “Korowii, ɛ warane dɛ́ ɛ he toma ya na. Israel Nɛŋɡoroŋ, baɡle he ŋwɛnɛre ya jemɛ.”

Aesaya 5:24

Anomanta, ɡɛ ninlao yon piɡri lawɛ jaaɡesɛɛh dɛ́ fuah, kɛɛ dɛ yon fuh kpɔɡhola la, ɡɛɛ he ɡe ɛɛ ba tona kɛŋɔ kpɔɡa lune yon pɔh a fee ɡe hol, peu kpɔa kaa kɛŋɔ tutuɡ ken, dɛkalkɛ he vɛh Nemenɛ Korowii Mmara la, dɛ lii Israel Nɛŋɡoroŋ waa waa kpɔa baɡle heyaa la wepuu.

Aesaya 57:15

Menee dɔ sɔn dɛ ɡwaa komɛlbwa dɛ do ɡoroŋ, dɛ do le saŋ bɛlbwa. N soɡe n kookara waa daŋa ta boɡoroŋ nyundua, dɛ berɛ so nɛra ba tea bini aa chɔɡa ba wechɔɡa wa. Ba pwɛr ba te baah ta, dɛ́ ɡel ba sie sɔɔh, bá dɔ hwɛɡa ja.

Aesaya 60:9

A ɛ stiimaere aa le bojaŋa dɛ kpɔ n nɛra dɛɛ ba dem. Ba cheɡɛ suuɡapoŋa ne suuɡaswɛm dɛɛ ba, dɛ kpɔ jirima dɛɛ ba ba tɛ men Korowii Israel tena aa dɛ tomɔ, Israel Nɛŋɡoroŋ waa ɡela harɛre nɛra kpɔ duure dɛɛ tɛ o nɛra la.”

Maeka 7:20

Hɛɛ teŋɛ kasinteŋ ne he nyina aa wola jaɡa dɔe taa, dɛ́ sune Jekɔb ne Abraham naanar nɛ, ɡɛ haa baɡɛ ya naawa nyoa saŋ la.

Tɔn Pɔɔl Aa Chwerɛ Rom Tena 15:8

dɛkalkɛŋɔ Yeesu Kristo wono ɛ toma Juu tena bini, asɛ dɛ chaɡle kɛ Korowii waa dɔ kasinteŋ. Anee Korowii ɛ dɛ chuɡri o nyobaɡa waa baɡɛ Israel tena naawa la,