Yela 71:16 - mzwDBL

¹⁶ Nemenɛ Korowii, mɛɛ bol he wejena haa ɛa waa, mɛɛ bol toɡra he wa aa toɡra waa, he ɡbosoo waa toɡra.

Yela 71:16 ပူးပေါင်းရင်းမြစ်များ

Yela 106:2

Umee dɛ́ won baɡle wejena waa ɛa kɛɛ dɛ kpɛɛro kɛrɛdɛ nɔ?

Yela 29:11

Korowiirii dɛɛ tɛ o nɛra bokpeɡa, dɛɛ swee ba andɛɛɡa, dɛɛ tɛɛ ba deŋnesɔɔhna.

Yela 51:14

N Naa Korowii, dɛ n kpo nɛn dɛ di a bolchɔɡe aa, lɛɛ mɛ. Ásɛ n ɡo yela silɛɛ ne, dɛ́ baɡle ɡɛ he wa aa toɡra.

Yela 71:15

Mɛɛ bol he wedɛɛɡa ɛɛ waa, dɛ́ bol lɛɛ haa dɛ lɛ nɛra tɔpebir bwa wa, a lole kɛ a ɡwaa n liire ta kɛ ń won jemɛ.

Yela 71:19

N Naa Korowii, toɡra he wa aa toɡra kan kohona, he we-ɛɛla ɡe kan kohona. He habɔɔ, nomɛlbwa toole.

Yela 71:2

Che toɡra he wa aa toɡra ta, dɛ́ cheɡ deŋne no n be, dɛ́ lɛɛ mɛ.

Yela 71:24

Mɛɛ bol he toɡra haa toɡra waa tɔpebir bwaa, dɛkalkɛ nɛra ba fe aa dɛ nyin n ne wechɔɡa la, sihiih kpo ba, ba wili.

Aesaya 26:13

Korowii yaa dɛ tomɛ, nɛra banee fa dɛ nyiŋi ya nɛ, kɛ he ɡboo ya kpɔ jirima dɛɛ tɛ.

Aesaya 40:31

Kɛ nɛra baa dɔ hwɛɡa Korowii nɛɛ la te ɛɛ dɔ bokpeɡfalaa. Wɛɛ ɡeloo bá dɔ kena, dɛ́ ir kɛŋɔ kee ken. Baa chwao, kɛ baa koh bwa, dɛ́ valɛ baa ɡwɛɡre bwa ɡe.

Aesaya 63:7

Mɛɛ bol Korowii nyina aa wola jaɡa dɔe la waa. Mɛɛ kpɛɛro waa bwa waa ɛa tɛ yaa la wa. O nyina aa wola jaɡa dɔe ne tedoma waa dɔa nomanta, o swee andɛɛɡa tɛ ya Israel tena.

Sekaria 10:12

Mɛɛ tɛ n nɛra kpeɡrii, ásɛ baa tom mɛ dɛɛ no n wa. Men Korowiirii bola.”

Matiu 6:33

Anomanta, hé ɡel he sie beɡre Korowii Kora la ne wedɛɛɡa aa dɛ su o siwi la ta, dɛ bɛ an mun dɛɛ ta, ásɛ o kpɔ anɔ haa dɛ nyin nɔ bwa tɛ heya.

Tɔn Pɔɔl Aa Chwerɛ Rom Tena 1:17

Yeesu Amanesoma laanee dɛɛ baɡle ɡɛ Korowii aa dɛ nyin kɛŋɔ nɛwɛnyini do ásɛ ya waa su o siwi. Le waa la mumpar ka tel a jaɡa bwa, o waa yaradae waa ɡboo a bwa. Korowii Tɔn baɡlɔ kɛŋɔ, “Naate o wa aa toɡra dɛ su Korowii siwi la, wɛɛ yaradao dɛ́ dɔ o nyu.”

Tɔn Pɔɔl Aa Chwerɛ Rom Tena 10:3

Baa ɡɛ Korowii aa ɛa dɛɛ lɛ nɛra kɛ nɛndɛɛɡa ba wa ɛɛ su o siwi jemɛ, anomanta, ba ɡbaɡba ŋwɛnɛɛ baa kpɔ, dɛ vɛh Korowii ŋwɛnɛ waa cheɡɛ o ta dɛ ɡel nɛra wa ɛɛ su o siwi la ta teŋa.

Tɔn Pɔɔl Aa Chwerɛ Rom Tena 3:21

Korowii ɡelɔ ya jemɛ ŋwɛnɛ la ta aa cheɡa ya wa ɛɛ su o siwi. Mmara ta teŋa ta laa a che. Mosis Mmara la ne Korowii keamere tɔne di danseɛ ɡɛ ŋwɛnɛ nɔ ta.

Ɛfesos 3:16

N dɛ soŋo kɛ, chae waa dɛ cha yaa kohona a dɔ jirima nɔ nomanta, ó ɡel o Domadɛɛɡe tɛ heyaa kpeɡri, ásɛ he won lawɛ o waa bini kiŋkiŋ he bambile bwa ne,

Ɛfesos 6:10

Anɔ la aa kaa laanee kɛŋɔ hé ɡel he ne ya Dɔɔ pɛ, ásɛ he won dɔ kpeɡri waa dɔa kohona la.

Mmarare 33:25

Gel ba kpɔ bune kaɡre ba bwɛɛre doonyoo a do kpeɡri. Bɛ ɡel wechɔɡa bɛlbwa ba ba nɛ.’

Felepae 3:9

ásɛ ya bwa won pɛ, ásɛ n ɛ nɛndɛɛɡe, n waa su Korowii siwi. N ta ŋɔe ŋɔ ń che Mmara ta teŋa ta dɛ́ ɛ nɛndɛɛɡe n waa su o siwi. Kɛ n dɛ nyin ń che yarada maa dɛ yarada Yeesu Kristo la ta, dɛ́ ɛ nɛndɛɛɡe n waa su o siwi. Nɛndɛɛɡe ɛɛ le Korowii be o kpɔ dɛɛ tɛ nɛra la bwa baa yarada Yeesu.

Felepae 4:13

N won Yeesu Kristo waa dɛ cha mɛ la kpeɡri ta cheɡa dɛ́ ɛ wobɛlbwa.

2 Tesalonika 1:6

Kɛ nɛra baa dɛ ɛ heyaa hɔhɔrɔwa la te, Korowii ɛɛ bɔ ba a kemee. O we-ɛɛla toɡrɔ. Ó ɛɛ ba ɡɛ hɔhɔrɔwa la,

2 Timoti 2:1

N bie Timoti, che kiŋkiŋ kpeɡri ya Dɔɔ Yeesu Kristo aa chae he dɔ le pɛɛ he ne waa pɛa la ta.