Yela 71:14 - mzwDBL

¹⁴ Kɛ n te, mɛɛ kpɔ n hwɛɡaa do he nɛɛ saŋ bɛlbwa, maa he kpɛɛraa ɡel bwa.

Yela 71:14 ပူးပေါင်းရင်းမြစ်များ

Job Tɔn 13:15

Hale dɛ Korowii kpo mɛ naa, n ta dɔ hwɛɡa o be dɛ́ chemo, dɛ́ baɡle kɛŋɔ n ta bolchɔɡe dii.

Yela 130:7

Israel tena, hé kpɔ he hwɛɡa bwa do Korowii nɛ, dɛkalkɛ o nyina ta jaɡa dɔe, dɛ́ sɛh kɛ saŋ bɛlbwa wɛɛ lɛ heyaa.

Yela 43:5

Ɛrɛɛ n tea bini chɔɡ ken? Ɛrɛɛ n liire bwa chɔɡ ken nɔɔ? N kpɔ n hwɛɡa bwa do hen Korowii nɛ, dɛ berɛ kwaa dɛɛ kpɛɛre ja, henee Korowii maa dɛ tomɛ, henee ɛ n Lɛɛ.

Yela 71:6

N soɡa bini bwaa n le, dɛ kpɔ n te dawɛ he nɛ, baa lol mɛ bwaa he le, dɛ kpɔ nɔn tɔ n nɛ. Mɛɛ kpɛɛree saŋ bɛlbwa.

Wiile 3:21

Kɛ webeŋkpoŋ bɛlee n yon lii, ásɛ dɛ berɛ dɔ hwɛɡa.

Wiile 3:24

Korowiirii n komɛlbwa, n hwɛɡa bwa lɔ o nɛ.

Wiile 3:25

Korowii wer tɛ nɛra baa dɛ hwɛɡɛ o nɛ, dɛɛ nyinu bambile bwa ne,

Wiile 3:26

anomanta, a wer kɛŋɔ nɛn lawɛ bambile dɛɛ kpa lɛɛ waa ba lɛ nɛra la.

Felepae 1:9

N dɛ soŋe Korowii kɛŋɔ ó ɡel he dɔ nɛnnyin kɛrɛdɛ dɛ́ɛ ja, dɛ́ berɛ dɔ wejema ne nfɛrɛ dɛ́ ja a ta,

1 Tesalonika 4:10

Kasinteŋ, he dɛ nyin he bala baa lɔ Makidoonia harɛ la bwa. Yabala, ya dɛ soŋe heyaa kɛ he bɛ waa nɔ ɡel, kɛ hé ɛ ɡwaa ɡɛ.

Hibru 10:35

Anomanta, he bɛ ɡel he bambile chɔɡ he yaradae haa dɛ yarada Korowii Bie la. A dɔ kembɔr kohona.

1 Pita 1:13

Anomanta, hé ir nyu ne dɛ́ ɡel he sie chɔ harɛ. Hé kpɔ he hwɛɡa bwa do chae Yeesu Kristo aa cha heyaa awola waa ba nɛra bwa nao la ta.

2 Pita 3:18

Kɛ hé swɛɛ siwi ásɛ ya Dɔɔ waa ɛ ya Lɛɛ Yeesu Kristo suna waa sune he nɛɛ dɛɛ cha heyaa la ɛɛ ja kohona. Hé swɛɛ siwi dɛɛ dɔ wejema o waa ta kohona. Hé ɡel ya tɛo jirima taraken ne saŋ bɛlbwa. Aamen.

1 Jɔn 3:3

Nomɛlbwa waa dɔ ɡɛ hwɛɡa Yeesu Kristo nɛɛ la chɛ kɛ ó lawɛ o te, dɛ́ laa o te dɛ́ɛ kpɔ wechɔɡa ŋwɛnɛre ta, dɛ́ won do kaih ɡɛ tenten Yeesu Kristo aa do kaih la.