“Ya dɛ soŋe Nemenɛ Korowii waa do kpeɡri, ásɛ o ɛ ya danseɛ, ásɛ Israel tena jemɛ kɛŋɔ saraha kon yaa mao tɛ ya te nɔ ɛ deŋnekpeɡ, kɛɛ dɛ vɛɛh ya vɛoh waa, ó bɛ yaa ɡel fini.
He te sune men maa ɛ he bonɔɔ nɔ nɛ, ásɛ dɛ teŋɛ fɔo n ne haa fɔwa Korowii sie la ta. Dɛ n di bolchɔɡe aa, he ɡbabir den kpo mɛ. Ɛrɛɛ chɛ kɛŋɔ he kpɔ mɛ tɛ he mɛɛ ɔ?”
Anee Kooro Sɔɔl ŋɔ o be ŋɔ, “Ɛrɛɛ he ne Jese bibaa sɔh dɛɛ vɔrɔwe n vɔrɔwa, he tɛo kondikwa ne kere dɛ berɛ bɔɔ le Korowii be tɛo nɔɔ? A ɡelɔ o ɛɛ mɛ deŋnekpeɡ dɛɛ nyin mɛ dɛ́ kpo fini tɔpere.”
Amɔ a waa he bwa sɔh dɛɛ vɔrɔwe n vɔrɔwa nɔ naa? Nomɛlbwa ta n be bolɛ ŋɔ n bie ne Jese bie fɔwɛ fɔo. Bɛlbwa waane laa n wa kɛɛ dɛ bol n be ŋɔ n bie ɡelɔ n bonɔɔ Devid ɛɛ vɔrɔwe n vɔrɔwa dɛ́ kpo mɛ, ɡɛ waa ɛa fini nɔ.”
N naa, nyiŋi na, he batakaare peraa n kpoŋe la! Menee baa laa mɔn, kɛ n ta hen kpoe. Jemɛ name kɛŋɔ maa he ne wechɔɡa lii, kɛɛ dɛ́ ɛɛ wechɔɡa bɛlbwa. N ta hen wobɛlbwa ɛɛ, kɛ he teŋɛ n nɛɛ dɛɛ nyin mɛ dɛ́ kpo.
