Yela 7:2 - mzwDBL

² ásɛ ba bɛ n bini peeɡe kɛŋɔ nyujente, dɛ́ toɡri n bini nomɛlbwa aa wola won lɛɛ mɛ.

Yela 7:2 ပူးပေါင်းရင်းမြစ်များ

2 Samoɛl 14:6

N naa kooro, men maa ɛ he tolo, dɛ n dɔ bibaala banɛ. Yoi chole ba baah ta awola bɛl kpɔɡ bini, nomɛlbwa toole dɛ larawe ba, asɛ bɛl kpo o dɔŋ.

Job Tɔn 10:7

He ɡbabir jemɔ kɛŋɔ n ta wechɔɡa ɛɛ, nomɛl aa won lɛɛ mɛ le he nɔn ta.

Yela 10:9

Ba dɛ sɔh dɛɛ kpa kɛŋɔ nyujente ken, dɛ́ pɛɡle lawɛ nɛra baa wola nomɛlbwa dɔe ó lɛɛ ba, dɛ́ laɡ ba, dɛ́ tɛɡ ba kaa.

Yela 11:1

Korowiirii n chwa kaa marɛ, bɔkwa waa hɛɛ ba wona ŋɔ n be ŋɔ, “Ir kɛŋɔ jumbie, dɛ́ kaa bwejen la ta,

Yela 16:1

N Naa Korowii, kpɔ nɔn tɔ n nɛ, he nɛɛ n sie dawɛ kɛ mɛɛ dɔ n nyuu.

Yela 17:12

Ba do kɛŋɔ nyujente lɔr aa dɛ kpoo, wɛɛ nyin ol dɛ́ lawɛ, dɛɛ nyin mɛ dɛ́ toɡri n ola.

Yela 22:13

Ba hah nyoo kɛŋɔ nyujentena, dɛɛ kɔɡre, dɛ́ toɡri n ola.

Yela 31:2

Cheɡ deŋne, dɛ́ no n be, dɛ́ ba lɛɛ mɛ warane. Do kɛŋɔ Bwetal, ń chwa ba marɛ, ɛ danjwɛkpeɡ dɛ́ lɛɛ mɛ.

Yela 35:15

Kɛ wenaale aa puu mɛ la, ba sie lɛo, dɛ ba bar mɛ cheme, dɛɛ di n loro. Ba teŋɔ do mɛ hɔhɔrɔwa kohona, baa wola n nɛɛ sune.

Yela 50:22

Hé no, he banɔ la haa soh men Korowii waa la, ɡɛ laa aa, mɛɛ chɔɡ heyaa, nomɛlbwa aa wola won lɛ heya.

Yela 59:2

Lɛɛ mɛ le wechɔɡ-ɛɛra nɔn ta, banɔ la baa dɛ kpoo nɛra la.

Sɛɡla 19:12

Kooro bandia do kɛŋɔ nyujente aa sia ken, asɛ o silɛɛ ɡe do kɛŋɔ mɛn aa ta kpɔɡa ta ken.

Aesaya 38:13

Jwaana bwaa n kpɔ weweele bini dɛ wi, a do kɛ nyujente aa dɛ paɡre n hoɡa ken. N liiro ŋɔ Korowii fe lɛ me mkpa tonɛ.

Mmarare 33:20

Dɛ ŋɔ Gad dea tena be ŋɔ, ‘Korowii ɡel he dɔ harɛ kohona. Anomanta, hé kpɛɛro. He dea nɔ do kɛŋɔ nyujente waa dɛ toɡri ola nɔɔra ne nyuune.

2 Timoti 4:17

Kɛ ya Dɔɔ la cheɡɛ n habɔɔ dɛ tɛ mɛ kpeɡri n won bol Amanesoma la bwa, asɛ nɛra baa wola Juu tena ɛɛ la bwa no. Korowii lɛɛ mɛ le siswɛm ta kɛŋɔ nɛn baa lɛo le nyujente nyoa ta ken.

1 Pita 5:8

Hé ɡel he sie chɔ harɛ, hɛɛ nyiŋi kɛrɛdɛ, dɛkalkɛŋɔ he dɔm Bɔnsam lole. Gɛ nyujente yon dɛɛ kɔɡre, dɛ́ ɡaaɡe dɛɛ nyin ola dɛ́ lawɛ la, ɡɛɛ o ɡe ɡaaɡe dɛɛ nyin nɛra dɛ́ lawɛ.

Sitɔɔla 18:28

Ba ta lɛɛ bɛlbwa dɔe, dɛkalkɛŋɔ ba ne Sidon tena baah jaŋne. Ba ta nomɛlbwa ɡe dɔe ba ne baa di chamene. Bwɛɛ la chɔ fɛlembɔjen bɛl bini dɛ bɛne bwɛɛ Bɛt Rehob. Dan dea tena kwaarɔ vɔrɔwe bwɛɛ la dɛ so o ta.