Yela 7:17 - mzwDBL

¹⁷ N dɛ jam N Naa Korowii, dɛkalkɛ o waa toɡrɔ. Mɛɛ ɡo yelaa kpɛɛ Nemenɛ Korowii.

Yela 7:17 ပူးပေါင်းရင်းမြစ်များ

2 Samoɛl 3:29

Korowiirii dɛ́ tɛr Joab ne o lolanar deŋne a wa. Kórowii kpɔ ŋwɛra kɛɛ bwadabii weechɔɡa, kɛɛ nɛn waa dɛ valɛ daa ne, kɛɛ laa ta seo, kɛɛ kondikwaa nyae, ba ta ba naanar baa ka ba bwa nɛ!”

1 Koranar 2:32

Korowii ɛɛ bɔɔ kem nɛra waa kpoo ba la waa, dɛkalkɛ o le n mɛɛ habɔɔ dɛ ka yo nɛra banɛ dɛ kpoo ba kere ne. Banee, Nɛr bibaa Abna waa ɛ Israel laa sitɔɔ, ne Jɛta bibaa Amasa o ɡe aa ɛ Juda laa sitɔɔ. Dɛ ɡɛ nɛra la do kaih dɛ ɛ nɛndɛɛɡa ɡwaalo.

Ɛsta 9:25

Ɛsta aa la Kooro Sɛksɛs be dɛ ŋɔ Heeman vɔrɔwe Juu tena vɔrɔwa dɛ́ fee kpoo ba la, kooro do mmara dɛ ɡel Heeman liichɔɡa waa liira la ɡure o ɡbaɡba nyu ta, asɛ ba saɡɛ o ne o bibaala fi la.

Yela 111:3

Jirima ne nyanyini lɔ waa waa dɛ ɛ ta. O waa toɡrɔ saŋ bɛlbwa dɛɛ la.

Yela 140:10

Chure ninhɔla ta ba nɛ, ɡel ba taɡ ba do bɔluŋ bini baa wola won le kpa.

Yela 145:7

Baa bol he wer haa doa waa bwaa, dɛ́ ɡo yela kpɛɛ he suna haa dɛ sune nɛra nɛɛ kohona wa.

Yela 35:28

Belaa mɛɛ ba toɡra he wa aa toɡra la waa bola, dɛ́ kpɛɛre tɔpebir bwa.

Yela 51:14

N Naa Korowii, dɛ n kpo nɛn dɛ di a bolchɔɡe aa, lɛɛ mɛ. Ásɛ n ɡo yela silɛɛ ne, dɛ́ baɡle ɡɛ he wa aa toɡra.

Yela 9:2

He nomanta, mɛɛ ɡo silɛɛ yelaa, dɛ́ hɛɡre. Nemenɛ Korowii, mɛɛ kpɛɛ he sɔnee yela ne.

Yela 92:1

N Naa Korowii, a wer kɛ ya kpɛɛre, dɛ́ ɡo yela kpɛɛ hen Nemenɛ Korowii sɔn,

Yela 92:8

Kɛ hen Korowii kan saŋ bɛlbwa dɛɛ la.

Yela 98:2

Korowii bol pɔe waa pɔ o dɔma nɛɛ wa, dɛ ɡel harɛre nɛra bwa jemɛ lɛɛ waa lɛ o nɛra wa.

Daneɛl 4:17

Nyundua torome la ne o bala baa ja o nɛɛ dɛ do ɡoroŋ la bee ɡɛ deŋnetɛra waa nɔ le. Anee dɛ́ ɡel nomɛlbwa waa soɡe le jemɛ kɛŋɔ, Nemenɛ Korowiirii dɛɛ di harɛre kora bwa kpeɡri, dɛ kpɔ dɛɛ tɛ nɛn waa dɛ nyin, hale dɛ kpɔ tɛ nɛra baa do pwɛre dɛɛ so kora ta.”

Daneɛl 4:25

Baa doŋii le nɛra bini he ne kpɔɡ bini ola ka so. Hɛɛ chwe kpɔɡaa kɛŋɔ nao, ásɛ mɛn ta he nɛɛ bene anuanɛ, dɛ́ ka tel kɛŋɔ haa ba jemɛ kɛŋɔ Nemenɛ Korowiirii dɛɛ di kpeɡri harɛre kora bwa ta. Korowii ɡboo dɛɛ le nɛn waa dɛ nyin, dɛ́ kpɔɔ so kora ta.

Daneɛl 4:34

Kooro Nebukadnesa ŋɔ, “Bene anuanɛ la aa baa kaa la, n ha sie nyiŋi nyundua, ate dɛ n sie chole harɛ, asɛ n kpɛɛ Nemenɛ Korowii, dɛ kpɛɛro dɛ tɛo jirima kɛŋɔ onee lole saŋ bɛlbwa dɛɛ la. Wɛɛ di kora saŋ bɛlbwaa dɛɛ la, o kora ɛɛ cheo saŋ te bɛlbwa.

We-ɛɛla 7:48

Gɛ Korowii keame la aa baɡla la, Nemenɛ Korowii aa deene nɛwɛnyini aa maa la ta so. Korowii keame baɡle ɡɛ Korowii aa ŋɔa ŋɔ,

Sitɔɔla 9:24

Korowii ɛ ɡɛ dɛ kpɔ bɔ Abemɛlɛk ne Sɛkem tena baa chao dɛ kpoo Gedeɔn bibaala fifraanuanɛ la kem.

Sitɔɔla 9:57

Korowii berɔ bɔ Sɛkem tena nyubinikpeɡ baa ɛa la kem, dɛ ɡel Gedeɔn bibaa Jotam nyotaahna la laɡ ba.