Yela 7:12 - mzwDBL

¹² Dɛ wechɔɡ-ɛɛra la ta ba liire charaa, Korowii ɛɛ sar o tokobii, dɛ́ harɛ o to kpa.

Yela 7:12 ပူးပေါင်းရင်းမြစ်များ

Mumpar 18:25

N jemɔ kɛŋɔ haa pɛ kpo nɛnchɔɡa ne nɛndɛɛɡa. Akai, haa ɡɛɛ ɛ. He ɛ ɡɛ naa, nɛndɛɛɡa ne nɛnchɔɡa bwaa hɛɛ ba pɛɛ tɛr ba deŋne la. A ne he sɔn ta maɡrɛ kwaraa! He nɛn haa ba bol harɛ nɔ ta nɛra bwa waa dɛ́ pa bole la ta chɛɛ kɛ he ɛ anɔ la aa maɡraa?”

Yela 129:4

Kɛ Korowii o wa aa toɡra la lɛ yaa le nyubinikpeɡ tena nɔn ta.”

Yela 85:4

Ya naa Korowii haa ɛ ya Lɛɛ, berɛ ɡel ya wobɛlbwa do wer tɛ yaa, bɛ ɡel he baah di ya nɛɛ kpa.

Yela 9:5

He pa voɡtoroma bolchɔɡe, dɛ chɔɡ nyubinikpeɡ tena, dɛ ɡel ba sɔna he harɛ nɔ ta kwaraa.

Aesaya 27:1

Awola tɔpere la, Korowii ɛɛ kpɔ o kerejen waa nyɛɡa laanee tɛr oljen waa dɛ tuuɡi harɛ, dɛ ɛ harɛkon, dɛ ɡoɡli dɛɛ kaa sɔrr la deŋne. Onee mpo bini oljen Lɛvayatan la.

Aesaya 34:5

Korowii kere baa tonɛ o toma nyundua aa, wɛɛ berɔɔ ba Edom tena nɛ. O pa ba bolchɔɡe cheɡ, dɛ́ kpoo ba.

Ɛsekeɛl 18:30

Anomanta, he Israel tena, mɛɛ bol he waa beŋkpoŋa beŋkpoŋaa ɡɛ haa ɛa. Hé charɛ he liire le he wechɔɡa bwa ta, dɛ bɛ naa a ta lɔ. Men Nemenɛ Korowiirii bola.

Ɛsekeɛl 21:23

Jerusalam tena noɔ waa baa yarada, fɔo ba ne kooro la aa fɔwa la wa. Kɛ aa ɡeloo ba lii ba wechɔɡa baa ɛa, ásɛ ba laɡ ba laa ta.

Ɛsekeɛl 33:11

Ŋɔ ba be ŋɔ men Nemenɛ Korowii taa lole nɔ, n ŋwɛɛrɔ ŋɔ, ‘Ń sie aa wechɔɡ-ɛɛra seo ta lɛ, n dɛ nyin kɛ ba le a ta, dɛ́ dɔ ba nyu. Israel tena, hé charɛ! He charɛ he liire, dɛ́ le liichɔɡa ŋwɛnɛ bɛlbwa ta. Hé ɡel wechɔɡa haa dɛ ɛ la. Ɛrɛɛ hɛɛ nyin seo nɔɔ?’

Matiu 3:10

He do kɛŋɔ daa. Daa bɛlbwa waa wola nɔndɛɛɡa nɔnɛ la, baa teŋoo ta dɛ́ fuuh. Gɛɛ Korowii ɡe ɡɔɔ o kpanfɛ nɛra baa wola ba liire charɛ la nɛɛ dɛɛ ba ba teŋna ta, dɛ́ kpɔ ba do nii ta bá fuh.

We-ɛɛla 3:19

Anomanta, hé charɛ he liire le he wechɔɡa ta dɛ́ kpɔ he te tɛ Korowii ásɛ o kpɔ he wechɔɡa kɛ heya, dɛɛ tɛ heyaa bambisɔɔhna, dɛɛ do heyaa ɡbemba.

Mmarare 32:41

kɛŋɔ mɛɛ sar n tokobi waa dɛ nyɛɡle laanee dɛ́ ba pa bole. Dɛ́ bɔ n dɔma kem, dɛ́ tɛr banɔ la baa hah mɛ deŋne.