Yela 69:33 - mzwDBL

³³ Korowii dɛ no nɛŋɡwɛɡra wii, waa nɛra baa laɡ ba do dea waa soh.

Yela 69:33 ပူးပေါင်းရင်းမြစ်များ

Yela 10:17

N Naa Korowii, he dɛ no nɛŋɡwɛɡra wesoŋa, dɛɛ do ba ɡbemba,

Yela 102:17

Wɛɛ no he nɛra baa vɛɛh ba la bee, dɛ́ no ba wesoŋa.

Yela 102:20

dɛɛ no nɛra baa laɡ ba do dea hima, dɛ́ lɛɛ ba le kpoora baa dɛ ba ba kpoora ta, dɛ́ ɡel ba dɔ ba te.

Yela 107:10

Dɛ ba bini bane soɡe biro tenten ta, ba do ba jɔɡrɔre dɛ laɡ ba do dea, ba bwara ɛɛ nyɛɡ,

Yela 12:5

N Naa Korowii ŋɔ, “Mɛɛ bao, fiiɡa baa dɛ fiiɡi nɛŋɡwɛɡra, ne pɛma nyaara aa dɛ pɛmɛ la wa. Mɛɛ lɛɛ ba so deŋnesɔɔhna ta.”

Yela 146:7

O bol nɛra baa dɛ fiɡ ba waa dɛɛ tɛɛ ba, nɛra lɔr aa dɛ kpo ba ɡe, o dɛ tɛɛ ba kondikwa. O ɡelɔ nɛra baa laɡ ba do dea ɛɛ di ba nyu,

Yela 22:27

Harɛre nɛra bwa ɛɛ lii Korowii waa dɛ́ kpɛɛro, baa le harɛ jaɡa bwaa, dɛ́ ba o be, harɛre nɛra bwa ba ɡuŋi o sie.

Yela 34:3

Hé ɡel n ne he bwa kpɔ jirima tɛ Korowii, yá ɡɔɔ o sɔn.

Yela 34:6

Nɛŋɡwɛɡra wio no Korowii, o no ba be, dɛ lɛɛ ba le ba wenaale bwa ta.

Yela 68:6

Korowiirii tɛ nɛra baa nya nɛra bɔr, ba yon so, dɛ le nɛra baa do ba dea, dɛ ɡel ba sie lɛ baa di ba nyu. Bambikpeɡ tena te, harɛ waa chɔɡa taa baa ba soɡa.

Aesaya 66:2

N ɡbaɡba laa ta ɡɛ kwaa nɔ bwa kɛɛ?” Korowiirii bola. Korowii berɔ ŋɔ, “Nɛra baa pwɛr ba te, dɛ sɛh ba liire chara laanee mɛɛ nyin kohona. Banee dɛɛ ɔm mɛ dɛɛ no n wa.

Emɔs 5:4

Korowii ŋɔ Israel tena be ŋɔ, “Hé berɛ ba n be, ásɛ dɛ dɔ he nyu.

Emɔs 5:6

Emɔs ŋɔ, “Hé berɛ ba Korowii be dɛ́ dɔ he nyu, ɡɛ laa aa, wɛɛ ba he Israel tena nɛɛ kɛŋɔ nii, dɛ́ ba fuh heya, dɛ́ fuh Bɛtel tena ɡe, nomɛlbwa aa wola won dima.

Amanesoma Luk Aa Chwera Tɔn 4:18

“Korowii Domadɛɛɡe la ir n nɛ, dɛ lee mɛ ŋɔ ń ba bol Amanesoma baɡle nyaara, dɛ́ ŋɔ nɛra baa laɡ ba yoma, ne nɛra baa do ba dea be ŋɔ ba Lɛɛ balɔ, dɛ́ ɡel nyoŋa sibie pili ba won dɛɛ na, dɛ́ lɛ nɛra baa dɛ ɛɛ ba hɔhɔrɔwa la le ba dɔma nɔn ta,

Ɛfesos 3:1

Gɛɛ a do men Pɔɔl baa koh kɛ n dɛ teŋɛ Yeesu Kristo nɛɛ dɛ bol o waa la dɛɛ baɡle he banɔ la haa wola Juu tena ɛɛ dɛ do mɛ dea la, n dɛ soŋe Korowii dɛɛ tɛ heya.

Wepila 2:10

He bɛ wahala bɛlbwa haa ba na la ɔmɛ. Hɛ́ɛ no! Bɔnsam ɛɛ ɡeloo bá larawe he bane do dea, dɛ́ daah heyaa na. Hɛɛ na wahalaa kohona tɔpera fi. Dɛ seo bini kwara, he cheɡɛ kiŋkiŋ naa, mɛɛ tɛ heyaa mkpaa o ɛ kompoŋ haa yoa dɛ lɛ ba vɔwɛ heya.