Yela 69:24 - mzwDBL

²⁴ Gel he bandia kohona la ba ba nɛ, kpɔ he bandia waa do ɔma kohona ta ba nɛ.

Yela 69:24 ပူးပေါင်းရင်းမြစ်များ

Yela 79:6

Gel he baah di harɛre nɛra baa wola hen tomɛ la nɛ, nɛra baa wola hen jemɛ dɛ́ soŋe la,

Kaala 15:15

Ɔmee ɛɛ lawɛ Edom koranaree kohona, Moab nomonome bwara yɔr baa chel, Keenan tena ɡe bwa ɛɛ heo kwara.

Aesaya 13:8

Ɔmee ɛɛ chole ba nɛɛ, ba bwara wee ba chweeh, baa beɡre ba te kɛŋɔ loltea aa lɔ haah. Ba nyoa ɛɛ kpoo kohonaa, ásɛ sihiih kpo ba, baa nyiŋi dɔŋa.

Hosia 5:10

Juda sitɔɔla do kɛŋɔ ŋwɛɛra baa dɛ huɡri harɛre jwɛh bwea. N baah ɛɛ di ba nɛɛ kohonaa, kɛŋɔ nee aa sua dɛɛ chɔɡ kwaa la ken.

Sekaria 1:6

N cheɡɛ n bonɔɔna baa ɛ n keamere nɛɛ dɛ kpɔ me Mmarare ne n waa tɛ he naawa dɛ ja ba, kɛ ba vɛah dɛ dɔ a deŋnetɛra. Belaa ba charɛ ba liire ŋɔ men Korowii Maa Ɛ Koronar Bwa Kooroo tɛr ba deŋne ɡɛ aa chɛa. Deŋnetɛra aa chɛ ba laanee ba dɔ le Korowii Waa Ɛ Koranar Bwa Kooro be ɡɛ waa ŋɔa wɛɛ ɛo la.”

Amanesoma Luk Aa Chwera Tɔn 21:22

A ɡɛ saŋee Korowii ɛɛ ba o nɛra deŋne tɛra, ásɛ waa Korowii Tɔn la aa baɡla la bwa ɛ kpela.

Mmarare 31:17

A ba ɡɛ naa, n baah ɛɛ di ba nɛɛ, ásɛ n laa sie kpɔ ba nɛ ba chɔɡ. Wechɔɡa ne wahala ɛɛ ba ba nɛɛ taeh, ásɛ ba sɛh ŋɔ, ‘Waa nɔ aa pu yaa nɔ, Korowii ya fa aa dɛ tomɔ la laa nɔn kpɔ ya nɛ.’

Wepila 16:1

N berɔ no takpeɡ bɛl o le Korowii Dea la bini, dɛ ŋɔ nyundua toroma banuanɛ la be ŋɔ, “Hé kaa dɛ́ ka fuɡe Korowii bandia la aa lɔ loɡa anuanɛ bini la ta harɛ.”