Yela 69:2 - mzwDBL

² A do kɛŋɔ maa dɛ morɛ vil kpechɛɡre aa lɔ o bini, n ta bodɛɛɡe dɔe ń kpɔ n naa cheɡ. A do kɛŋɔ maa le vil bini nehɛma ɛɛ ba lɔe ba tɔ n nɛ.

Yela 69:2 ပူးပေါင်းရင်းမြစ်များ

Yela 40:2

O laɡ mɛ le lalabwɛ waa do kɛŋɔ bɔluŋ ta, n le seo nyoa. O kpɔ mɛ ba chɔŋɛ bwetal ta, n bwara sɔɔh mɛ, asɛ n che kiŋkiŋ.

Matiu 7:25

Bwaala nɛo, nenapala suuɡi, asɛ peujena ta. Kɛ dea la ta chole, dɛkalkɛ dɛ o chɔŋɛ bwe ta.

Jeremia 38:6

Anomanta, ba lawɛ men Jeremia dɛ kpɔ mɛ ta kooro bibaa Malkija kɔlɔŋ bini. Dɛ o lɔ kooro dembaah bela nɛra la aa dɛ daah la. Ŋwɛɛraa ba kpɔ vɔɡ mɛ dɛ kpɔ mɛ tu kɔlɔŋ la bini. Dɛ nee toole o bini, kpechɛɡre ɡboo, asɛ n ka jo a ta.

Yela 32:6

Anomanta, ɡel nɛra baa dɛ tomɛ ɛɛ soŋe ba wahala nae saŋ, ásɛ dɛ wenaale do kɛŋɔ nee waa sua dɛɛ ba naa, o bɛ won tel ba be.

Jeremia 38:22

haahna la bwa baa kaa dɛ do Juda kooro dem bela la, baa laɡ baa le bela ka tɛ Babelɔn kooro nomonome. A ɡɛ haahna la ɛɛ bol he bee ŋɔ, ‘Kooro daamanar tenten neɡro, ba waa tɔɔɡe o waa ta. Taraken o nakpale aa morɛ kpechɛɡre ta nɔ, o daamanar chwao ɡelo.’ ”

Job Tɔn 22:11

A waa a do kɛŋɔ bɔr biro ta he nɛɛ haa wola na, a do kɛ nee suu tɔ he nɛɛ la.

Jona 2:6

N sirimo ka chɔ bwejena lɔɡre, a do kɛŋɔ baa huɡ mɛ maa wola bɔree dɔ le dɛ́ dɔ n nyu. Kɛ n Naa Korowii le n ne seo ta.