Yela 68:31 - mzwDBL

³¹ Nomonome ɛɛ che Ijipt tena naa taa ba, ásɛ Itiopia tena ɡe kpɔ ba te ba do Korowii lɔɡa.

Yela 68:31 ပူးပေါင်းရင်းမြစ်များ

Aesaya 45:14

Korowii ŋɔ Israel tena be ŋɔ, “Ijipt ne Itiopia harɛre kondɔɔh kwaa ɛɛ ɛ he kwaa, ásɛ Seba baala baa kpeɡa kohona berɛ he yoma. Baa do ba jɔɡrɔree, ba teŋɛ he nɛ. Baa ɡuŋi heyaa harɛɛ, dɛ́ sɛh ŋɔ, ‘Korowii teŋɛ he nɛɛ kpela. Dɔɔ bɛlbwa toole.’ ”

Sefania 3:10

N nɛra baa lɔa peɡre ka do Itiopia harɛ bojaŋ la ɛɛ ba saraha kwaa nee ba tɛ mɛ, dɛ́ baa tom mɛ.

Yela 44:20

Dɛ ya fe vɛh hen Korowii yaa dɛ tomɛ, dɛ kaa tomɛ harɛfala ta voɡa aa,

Yela 143:6

N ɡɔɔ nɔɔra dɛ wi dɛɛ noe, n bambile lawɛ kɛŋɔ harɛ hole aa hiah nee ken.

Aesaya 66:19

Mɛɛ ɛ waane ba binii, dɛ́ tomɛ banɔ la baa le a nyoa la, ásɛ ba la bojaŋa harɛre nɛra baa wola n waa noɛ dɛ na n jirima ne n kpeɡri la be. Harɛre nɛra kɛŋɔ, Taases ne Lebya dɛ Lidia tena. Lidia tena nɔ jemɛ to tae taeh, ne Tubal ne Grik tena harɛ. Gɛ harɛre nɔ nɛra bee baa ba laŋa dɛ́ ka bol n kpeɡri maa dɔa la waa baɡ ba.

Yela 88:9

Suna dii ɡelɔ mɛɛ ba nyoŋa. N Naa Korowii, tɔpere bɛlbwaa n wi dɛɛ yerɛ, n ɡɔɔ nɔɔra dɛɛ soŋe.

1 Koranar 8:22

Asɛ Kooro Solomɔn ir ka che kon baa dɛ ɛ saraha o ta dɛɛ tɛ Korowii la sie Israel tena baa chema la bwa sie, dɛ paɡri o nɔɔra nyundua soŋe Korowii,