Yela 68:1 - mzwDBL

¹ N Naa Korowii, ir nyu ne ásɛ dɛ lɔ he dɔma peɡre, he dɔma ɛɛ chwao le he sie.

Yela 68:1 ပူးပေါင်းရင်းမြစ်များ

2 Webena 6:41

N Naa Korowii, ir ba he Dea He Ne Nɛwɛnyina Fɔo Daka waa cheɡa tɛ he kpeɡri la ta, dɛ́ ba so bonɔ saŋ bɛlbwa dɛɛ la. Gel he sɔfore teŋɛ dɛɛ ɛ waa aa toɡra, ásɛ he nɛra ba wa aa toɡra bwa ɡe ɡo silɛɛ yela, he wedɛɛɡa haa ɛɛ ba la wa.

Yela 21:8

Kooro ɛɛ kpɔ o nɔnee dawɛ o dɔma bwa nɛ, wɛɛ lawɛ nomɛlbwa waa haoh laanee.

Yela 44:26

Ir nyu ne, dɛ́ ba cha yaa! Lɛ yaa he nyina aa wola jaɡa dɔe la wa.

Yela 59:11

Korowii haa dɛ tɔ yaa ɡbemɡbe, bɛ ban kpoo, ɡɛ laa aa, n nɛra ɛɛ ba sooh. Che he kpeɡri ta dɛ́ lɔ ba peɡre, dɛ́ pɔ ba nɛ, dɛ́ sɔɔh ba nyoa.

Yela 68:14

Korowii Waa Ɛ Kpeɡri Bwa Dɔɔ aa lɔ koranar peɡre harɛ la ta la, a do kɛŋɔ dombwea aa lee Salmɔn Bwejen ta ken.

Yela 68:30

Tɛr Ijipt nɛra baa do kɛŋɔ kpɔɡ bini ola, aa chɔ nee nyoa la deŋne. Tɛr harɛre nɛra baa do kɛŋɔ nabala, dɛ koo nabii bini la deŋne, ka tel saŋ baa ba ɡuŋi harɛ, dɛ́ kpɔ ba suuɡapoŋa ba tɛɛ. Lɔ harɛre nɛra ba sie aa dɛ lɛ laa yoi ta la bwa peɡre.

Yela 89:10

He kpo oljen waa lɔ mpo ta, he kpeɡri nee he pɔ he dɔma nɛ.

Kaala 20:5

He bɛ an ɡuŋi á ba ɛ kɛ hɛɛ tomaa, dɛkalkɛ menee Korowii haa dɛ tom mɛ la, n dɛ mee. N dɛ tɛr banɔ la baa hah mɛ deŋne, hale dɛ́ kpoŋe ka tel ba bii ne ba naanar bele batoro kɛɛ banaarɛ baa ka ba la nɛ.

Aesaya 33:3

He kɔr harɛre nɛra laa ta naa, ba dɛ chwa, he iro che ɡe aa, nɛra dɛ peɡre.

Ɛsekeɛl 5:2

Fuh bɔre atoro la bini bɔrbeŋkpoŋ bwɛjen haa ɛo la bini saŋ haa tɔɔ do a ba a jaɡa la. Kpɔ tokobi teŋni bɔrbeŋkpoŋ bini bar bwɛjen la bini, dɛ́ kpɔ bɔrbeŋkpoŋ la aa kaa la ɡe ta, ásɛ peu kpɔa kaa, dɛkalkɛ tokobi nee mɛɛ ba ba kpoora.

Daneɛl 2:35

Belaa buni la, ne choh, ne ayaawa, ne suuɡapoŋ, dɛ suuɡaswɛm la bwa den kuuɡi buɡ la ta, dɛ do kɛŋɔ baa lɔ kwaa pɛla ta lɔmɔɡa saŋ a pɛɡa chɔ la ken. Asɛ peu ta dɛ kpɔa kaa, bɛlbwa ta kae. Kɛ bwekuŋi waa baa lɔ kon waa do kɛ nɛn la, baa ɛ bwejen tenten dɛ tɔ harɛ nɔ ta bwa.”

Nɛra Kura 10:35

Saŋ bɛlbwa baa kpɔ Korowii Ne Nɛwɛnyina Fɔo Daka la tɔ sie baa kaa la, Mosis yon ŋɔ, “N Naa Korowii, ir tɔ ya sie! Lɔ he dɔma bwa peɡre, ɡel ba bwa chwa le he sie!”

Mmarare 7:10

Kɛ banɔ la baa haoh la te, wɛ́ɛ tɛr ba deŋnee waa wola kpɔ hɛlɛ kwaraa.